Norü taxre ga popera ga ãẽ̱xgacügüchiga 24:2 - Tupanaarü Ore

² Natürü nüma ga Cori ya Tupana rü Yoaquíü̃ca̱x yéma nanamugü ga muxü̃ma ga ngĩ́ta̱xagüxü̃ ga Cadéugü, rü Chíriaanecüã̱xgü, rü Moáanecüã̱xgü, rü Amóü̃anecüã̱xgü nax nachixexẽẽgüãxü̃ca̱x ga norü naane, yema Cori ya Tupana norü duü̃xü̃gü ga orearü uruü̃güa̱xwa nüxü̃ yaxuxü̃rüxü̃.

Norü taxre ga popera ga ãẽ̱xgacügüchiga 24:2 Referans Kwoze

Yeremía 35:11

Natürü yexguma Babiróniaanearü ãẽ̱xgacü ñaa nachixü̃aneca̱x íyagoõchigu, rü nagu tarüxĩnüe nax Yerucharéü̃wa taxĩxü̃ nax naxcha̱xwa tibuxmüxü̃ca̱x ga yema Babiróniaanearü churaragü rü Chíriaanearü churaragü. Rü ngẽmaca̱x nixĩ i ñu̱xma Yerucharéü̃wa tamaxẽxü̃ —ñanagürügü.

Norü taxre ga popera ga ãẽ̱xgacügüchiga 23:27

Rü yemaca̱x ga Tupana rü ñanagürü: —Ñu̱xmax, rü tá nüxna chixũgachi i Yudáanearü duü̃xü̃gü yema Iraéanearü duü̃xü̃güna chixũgachixü̃rüxü̃. Rü taxũtáma nawa changexmaxü̃ ya yima ĩane ya Yerucharéü̃ ya nüxü̃ chaxunetachiréne. Rü ngẽxgumarüxü̃ ta taxũtáma nawa changexma ya yima chopata ya taxü̃ne ga ü̃pa nüxü̃ chixuxũne nax nawa tá changexmaxü̃ —ñanagürü ga Tupana.

Echequié 19:8

Rü yemaca̱x ga yema nachixü̃anegü ga nüxna ngaicamagüxü̃ rü naxca̱x inanaxügü ga wüxi ga norü yauxruxü̃. Rü yemagu nayayauxgü.

Yeremía 32:28

Rü ngẽmaca̱x, Pa Yeremíax, cumaxã nüxü̃ chixu rü ñachagürü: “Choma rü daa ĩane rü tá naxme̱xgu chananguxẽxẽ i Nabucudonochó i Babiróniaanearü ãẽ̱xgacü, rü nüma rü tá nüxü̃ narüporamae.

Yeremía 25:9

Rü naxca̱x tá changema i guxü̃ma i nachixü̃anegü i nórtewa ngẽxmagüxü̃ rü chorü mugüruxü̃ i Nabucudonochó ya Babiróniaanearü ãẽ̱xgacü. Rü nümagü rü tá nua naxĩ rü tá pexca̱x ínayaxüãchi, rü tá pexü̃ nadai, rü tá nanadai i guxü̃ma i nachixü̃anegü i perü ngaicamana ngẽxmagüxü̃. Rü ngẽmaãcü tá pexü̃ chagu̱xẽxẽ. Rü guxü̃gutáma pechicaxica tá ngéma nayaxǘ. Rü ngẽma duü̃xü̃gü i nüxü̃ daugüxü̃ rü tá poraãcü namaxã naba̱i̱xãchie rü namuü̃e.

Norü taxre ga popera ga ãẽ̱xgacügüchiga 20:17

“Rü tá ínangugü i ngunexü̃gü i nagu ngẽma Babiróniacüã̱x tá nadexü̃ i guxü̃ma i ngẽmaxü̃gü ga curü o̱xigü daa ãẽ̱xgacüpatagu nutaque̱xexü̃. Rü tá Babiróniawa nanana, rü taxuxü̃táma nua nayaxǘ.

Norü taxre ga popera ga ãẽ̱xgacügüchiga 6:23

Rü yexguma ga nüma ga Iraéanecüã̱xarü ãẽ̱xgacü rü nanaxü ga wüxi ga taxü̃ ga õna naxca̱x ga yema Chíriaanecüã̱x ga churaragü, rü nanachibüexẽxẽ rü nanaxaxegüxẽxẽ. Rü ñu̱xũchi norü ãẽ̱xgacüca̱x ínayamugü. Rü yexgumaü̃cüxü ga nüma ga Chíriaanecüã̱xgü rü marü taguma Iraéanecüã̱xü̃ nachixewe.

Miquéa 3:12

Pa Ãẽ̱xgacügüx, pegagu rü yima ma̱xpǘne ya Chióü̃ rü wüxi i naane i ngẽxma maxẽmaxã rüxümarexü̃ tá nixĩ. Rü yima ĩane ya Yerucharéü̃ rü naxtapü̱xgüxica tá ngẽxma naxãũxchita —ñanagürü.

Yeremía 26:20

Rü nayexma ga to ga Tupanaarü orearü uruxü̃ ga Uría ga Chemaía nane ixĩcü. Rü nüma rü ĩane ga Quiriáx-yearíü̃cüã̱x nixĩ. Rü nüma ga Uría rü Yeremíarüxü̃ Tupanaégagu Yerucharéü̃chiga rü Yudáanechiga nidexa rü nüxü̃ nixu nax guxchaxü̃ tá naxca̱x íngugüxü̃

Ichaía 13:5

Rü ngẽma churaragü rü nachixü̃ane i yáxü̃wa ngẽxmaxü̃wa ne naxĩ i ñaa naanearü tuãchiarü yexerawa. Rü Cori ya Tupana rü norü churaragümaxã ngéma ne naxũ nax norü numaxã napoxcuãxü̃ca̱x i guxü̃ma i Babiróniaarü naane.

Ichaía 7:17

Rü Cori ya Tupana rü cuxca̱x rü cuchixü̃aneca̱x rü cutanüxü̃güca̱x tá ínananguxẽxẽ i taxü̃ i guxchaxü̃. Rü yema ngunexü̃ ga Efraíü̃tanüxü̃ rü Yudátanüxü̃na yaxĩgachiguwena rü taguma nüxü̃ tadau i wüxi i guxchaxü̃ i ngẽma guxchaxü̃rüxü̃ ãũcümaxü̃. Erü nua Yudáanewa Tupana tá ínananguxẽxẽ i Achíriaanearü ãẽ̱xgacü nax pexca̱x íyagoõchixü̃ca̱x —ñanagürü ga Ichaía.

Yox 1:17

Rü yema yatü rü ta taũtama yagúegayane rü yéma nangu ga norü tomaepü̱x ga yatü rü ñanagürü: —Tomaepü̱xtücumü i Cadéuanecüã̱xgü toxca̱x ínayaxüãchi rü naxca̱x nangĩ̱xgü i curü caméyugü rü taramaxã nanadai i chomücügü i puracütanüxü̃. Rü chaxicatama chiña nax cumaxã nüxü̃ chayarüxuxü̃ca̱x —ñanagürü.

Norü taxre ga to ga popera ga ãẽ̱xgacügüchiga ümatüxü̃ 33:11

Rü yemaca̱x ga Cori ya Tupana rü Achíriaanearü churaragüerugüxü̃ namu nax Manachéca̱x íyaxü̃ãchixü̃ca̱x. Rü yemagü nixĩ ga Manachéxü̃ iyauxgüxü̃. Rü nayachotamaraü̃gü, rü nayachotachacüxügü rü ñu̱xũchi cadéna ga bróũchenaxca̱xmaxã nanaxütü̱xügü. Rü yemaacü Babiróniaanewa nanagagü.

Ichaía 28:19

Rü ngẽxguma ínangugügu i ngẽma churaragü i ãũcümaxü̃ rü tá pexü̃ nigagü. Rü guxü̃ i ngunexü̃ tá ínangugüxü̃, rü ngunecü rü chütacü tá ínangugüxü̃. Rü ngẽxguma nüxü̃ pexĩnüechigagu rü muü̃maxã tá pidu̱xrue.

Yeremía 12:9

Rü ngẽma chorü duü̃xü̃gü rü ñoma wüxi i weri i mexpachixü̃ i togü i werigü naxchi aiexü̃rüxü̃ nixĩgü. ¡Rü nua pexĩ, Pa Guxü̃ma i Naeü̃gü i Idüraexü̃x! ¡Rü wüxiwa pexĩ rü penangõ̱xcu!

Yeremía 25:1

Rü yexguma Yoaquíü̃ ga Yochía nane ãgümücü ga taunecü Yudáanewa ãẽ̱xgacü ixĩxgu rü Cori ya Tupana rü Yeremíamaxã nidexa nachiga ga guxü̃ma ga yema Yudáanecüã̱xgü. Rü yexguma nixĩ nax wüxi ga taunecü Babiróniaanewa ãẽ̱xgacü yixĩxü̃ ga Nabucudonochó.

Yeremía 52:28

Rü yexguma 7 ga taunecü ãẽ̱xgacü yixĩxgu ga Nabucudonochó rü 3,023 nixĩ ga norü mu ga yema Yudátanüxü̃ ga Babiróniaanewa nagagüxü̃.

Auxexü̃chiga 1:17

Rü Chióü̃arü duü̃xü̃gü rü dauxna naxunagüchacüügü nax ngü̃xẽẽca̱x ínaca̱xgüxü̃ca̱x, natürü taxuxü̃ma nüxü̃ narüngü̃xẽxẽ rü namaxã nixauxãchi. Rü Cori ya Tupanaarü mu nixĩ nax Acóbutanüxü̃xü̃ ínachomaeguãchixü̃ i norü uanügü. Rü ngẽma norü uanügüca̱x rü Yerucharéü̃ rü wüxi ya ĩane ya marü taxuwama mexü̃ne nixĩ.

Echequié 23:23

Rü Babiróniacüã̱x, rü guxü̃ma i Cadéugü, rü Pecóxcüã̱xgü, rü Choácüã̱xgü, rü Coácüã̱xgü, rü Achíriaanecüã̱xgü tá cuxca̱x ínayachoõchi. Rü guxü̃ma i nümagü rü ningextü̱xü̱x rü nimechametü. Rü ãẽ̱xgacügü nixĩgü rü churaragüerugü nixĩgü rü churaragü i meama daixü̃ cuáxü̃ nixĩgü. Rü guxü̃ma i nümagü rü meama nüxü̃ nicua̱x nax cowarugu naxĩxü̃.

Abacú 1:6

Rü choma rü tá ichanachigüxẽxẽ i ngẽma Cadéuanecüã̱xgü nax guxü̃wama dai naxügüxü̃ca̱x. Rü nümagü rü duü̃xü̃gü i tama togü i duü̃xü̃güxü̃ ngechaü̃güxü̃ nixĩgü, rü ínamemaregü nax nayauxanegüãxü̃ca̱x i ngẽma naanegü i tama noxrü ixĩxü̃.