Norü taxre ga popera ga ãẽ̱xgacügüchiga 23:2 - Tupanaarü Ore

² Rü ñu̱xũchi nüma ga ãẽ̱xgacü rü Tupanapata ga taxü̃negu namaxã nangutaque̱xe ga guxü̃ma ga yema Yudáanecüã̱x rü Yerucharéü̃cüã̱x rü chacherdótegü rü orearü uruü̃gü. Rü yemaacü nanangutaque̱xexẽxẽ ga guxü̃ma ga duü̃xü̃gümare rü ãẽ̱xgacügü ixĩgüxü̃. Rü nüma ga ãẽ̱xgacü ga Yochía rü yéma nape̱xewa tagaãcü yema duü̃xü̃gümaxã nüxü̃ nixu ga guxü̃ma ga Tupanaarü uneta ga yema poperagu ümatüxü̃ ga Tupanapata ga taxü̃negu nüxü̃ iyangauxü̃.

Norü taxre ga popera ga ãẽ̱xgacügüchiga 23:2 Referans Kwoze

Norü taxre ga popera ga ãẽ̱xgacügüchiga 22:8

Rü wüxi ga ngunexü̃ rü nüma ga chacherdótegüarü ãẽ̱xgacü ga Irichía rü Yochíaarü poperaarü ümatüruxü̃ ga Chapáü̃maxã nüxü̃ nixu nax Cori ya Tupanapata ga taxü̃negu nüxü̃ iyangauxü̃ ga Tupanaarü mugüpane, rü Chapáü̃na nanaxã. Rü nüma ga Chapáü̃ rü nüxü̃ nadaumatü.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:12

Rü nüxü̃ chadau ga yema yuexü̃ ga yaexü̃ rü buexü̃ ga yema tochicaxü̃wa rütocüpe̱xegu chigüxü̃. Rü ningena ga poperagü. Rü yexgumarüxü̃ ta ningena ga yema popera i nagu yawǘgüxü̃ i ngẽma duü̃xü̃gü i nüxü̃́ ngẽxmaxü̃ i maxü̃ i taguma gúxü̃. Rü yema yuexü̃ rü yexgumarüxü̃ ga ñuxãcü nax namaxẽxü̃ ga wüxichigü rü yexgumarüxü̃ ga ñuxãcü nax yema poperagu naxümatüxü̃ ga nachiga ga wüxichigü ga duü̃xü̃ rü yemaacü namaxã nüxü̃ nixu nax ngextá tá naxĩxü̃.

Ngechuchuarü ngúexü̃gü ga yamugüxü̃arü puracüchiga 26:22

Natürü Tupana choxü̃ narüngü̃xẽxẽ rü ngẽmaca̱x taguma íchayachaxãchi nax guxü̃ma i duü̃xü̃gümaxã nüxü̃ chixuxü̃ i Tupanaarü ore rü woo buxü̃ rü yáxü̃. Rü namaxã nüxü̃ chixu ga yema ore ga nũxcümaü̃güxü̃ ga Tupanaarü orearü uruü̃gü rü Moiché nüxü̃ ixugüxü̃ nax ngúxü̃ tá yangexü̃ ya Cristu rü tá nax nayuxü̃, natürü yemawena rü nüma tá yixĩxü̃ ga nüxíra yuwa ínadaxü̃ nax tatanüxü̃ i Yudíugümaxã rü ngẽma to i duü̃xü̃gü i tama Yudíugü ixĩgüxü̃maxã nüxü̃ yaxuxü̃ca̱x i ore i tüxü̃ maxẽxẽẽxü̃. Rü taguma tomare ga ore duü̃xü̃gümaxã chixu —ñanagürü ga Pauru.

Wiyaegü 115:13

Rü tá mexü̃ tümamaxã naxuegu ya yíxema nüxü̃ ngechaü̃güxe woo yáxe rü buxe.

Yox 3:19

Ngẽma yuexü̃tanüwa rü nawüxigumare i ngẽma diẽruã̱xgüxü̃ rü ñu̱xũchi ngẽma ngearü diẽruã̱xgüxü̃. Rü ngéma rü yíxema puracütanüxü̃ rü marü tama tümaarü corime̱xẽwa tangexma.

Ester 1:5

Rü yema petawena rü nüma ga ãẽ̱xgacü rü to ga peta naxü ga ãẽ̱xgacüpataa̱xtüwa ga 7 ga ngunexü̃ taixü̃. Rü yema petawa rü nüxna naxu ga guxü̃ma ga yema duü̃xü̃gü ga Chúchacüã̱x ga ãẽ̱xgacüarü ngü̃xẽẽruü̃gü rü norü puracütanüxü̃ ixĩgüxü̃.

Neemía 13:1

Rü yema ga ngunexü̃gügu rü duü̃xü̃güpe̱xewa nüxü̃ nadaumatü ga yema mugüpane ga Moiché ümatüxü̃. Rü yema mugüpanewa nüxü̃ inayangau ga ore ga ñaxü̃: —Ngẽma Amóü̃tanüxü̃ rü Moátanüxü̃ rü tama name nax Tupanaarü duü̃xü̃gütanüwa nangẽxmagüxü̃ —ñaxü̃.

Neemía 9:3

Rü nachicagutama nachigüãcüma tomaepü̱x ga ora ningegü ga nüxü̃ nax naxĩnüexü̃ ga Cori ya Tupanaarü mugü. Rü naétü to ga tomaepü̱x ga ora ningegü ga Tupanamaxã nüxü̃ nax yaxugüexü̃ ga norü chixexü̃gü rü Tupanaxü̃ nax yacua̱xüü̃güxü̃.

Norü taxre ga to ga popera ga ãẽ̱xgacügüchiga ümatüxü̃ 17:9

Rü yemagü nixĩ ga ãẽ̱xgacü ga Yochapáx yéma mugüxü̃ namaxã ga Tupanaarü mugüpane nax duü̃xü̃gü ga Yudáanecüã̱xgüxü̃ nangúexẽẽgüxü̃ca̱x. Rü nüma ga yema ngu̱xẽẽtaeruü̃gü rü yemaacü nanaxügü. Rü nagu nixĩãgütanü ga guxü̃nema ga Yudáanearü ĩanegü, rü nayangúexẽẽtanü ga yema duü̃xü̃gü.

Norü taxre ga to ga popera ga ãẽ̱xgacügüchiga ümatüxü̃ 15:13

Rü wüxi ga uneta inaxügü naxca̱x ga duü̃xü̃ ga tama Tupanaga ĩnüexü̃ nax noxtacüma yama̱xgüãxü̃ca̱x rü woo yaxü̃ rü woo buxü̃ rü woo yatüxü̃ rü woo ngexü̃.

Nüxíraxü̃xü̃ ga popera ga ãẽ̱xgacügüchiga 8:9

Rü yema baúwa nayexma ga yema taxre ga nutatachinü ga yexma nucuxü̃ ga Moiché ga yexguma ma̱xpǘne ga Oréxwa nayexmagügu. Rü yema nutatachinügügu naxümatü ga yema Tupanaarü uneta ga Iraétanüxü̃maxã naxüxü̃ ga yexguma Equítuanewa ínachoxü̃gu.

1 Chamué 30:2

Rü yexgumarüxü̃ ta tüxü̃ nigagü ga guxema ingexe rü guxãma ga buxe ga iyaxe ga yéma yexmagüxe. Natürü taxúxexü̃ma nima̱xgü.

1 Chamué 5:9

Natürü yexguma marü yéma nangegüãguwena, rü nüma ga Cori ya Tupana rü yema ĩanecüã̱xgüxü̃ nayaxĩ̱xãchiãẽxẽẽgü yerü taixnamaxã nayada̱xaweexẽxẽ ga guxü̃ma ga duü̃xü̃gü ga ibuxü̃ rü iyaxü̃.

Wenaxarü naxümatü ga Tupanaarü mugü 31:26

—Ñaa nixĩ i ngẽma popera i Tupanaarü mugüpane. ¡Rü ngẽma baú i Cori ya Tupanaarü mugü nagu üxü̃cüwagu penaxǘ i ñaa popera nax ngẽmawa nüxna pecua̱xãchiexü̃ca̱x ya Cori ya Tupana ega ngẽxguma nüxna pixĩgachitanügu!

Naanearü ügüchiga 19:11

Rü nayangexetügüxẽxẽ ga guxü̃ma ga yema duü̃xü̃gü ga ĩã̱xtüwa yexmagüxü̃, rü yema ingextü̱xüxü̃wa inaxügü ñu̱xmata yema iyaxü̃wa nangu. Rü yemaacü düxwa nipaemare ga nax ĩã̱xca̱x nadaugüxü̃.

Yeremía 34:8

Rü nüma ga ãẽ̱xgacü ga Chedequía rü wüxigu guxü̃ma ga Yerucharéü̃cüã̱xgümaxã nagu narüxĩnüe nax ínanguxü̃xẽẽãxü̃ ga yema norü mugüruxü̃gü. Rü yemawena Cori ya Tupana Yeremíamaxã nidexa.