Norü taxre ga popera ga ãẽ̱xgacügüchiga 22:3 - Tupanaarü Ore

³ Rü yexguma marü 18 ga taunecü ãẽ̱xgacü yixĩxgu ga Yochía, rü nüma rü Tupanapata ga taxü̃newa nanamu ga norü poperaarü ümatüruxü̃ ga Chapáü̃ ga Acharía nane ga Mechuráü̃ nataxa. Rü ñanagürü nüxü̃:

Norü taxre ga popera ga ãẽ̱xgacügüchiga 22:3 Referans Kwoze

Norü taxre ga popera ga ãẽ̱xgacügüchiga 12:10

Rü yexguma marü naxããcugu ga diẽruchixü̃, rü nüma ga ãẽ̱xgacüarü diẽruarü ugüruxü̃, rü nüma ga chacherdóte rü ngĩxü̃ nixugügüxü̃ ga diẽru, rü wüxi ga chocagu ngĩxü̃ nanucu.

Yeremía 1:2

Rü yexguma Amóx nane ga Yochía rü marü 13 ga taunecü ãẽ̱xgacü yixĩxgu ga Yudáanewa, rü nüma ga Tupana rü Yeremíamaxã nidexa.

Norü taxre ga popera ga ãẽ̱xgacügüchiga 23:23

Rü yexguma 18 ga taunecü ãẽ̱xgacü yixĩxgu ga Yochía nixĩ ga naxunagüãxü̃ nax Cori ya Tupanaégagu naxüchigagüãxü̃ca̱x ga yema Üpetüchiga ga Yerucharéü̃wa.

Yeremía 36:10

Rü Barúx rü yema Tupanapataa̱xtü ga dauxü̃wa yexmaxü̃wa naxũ rü yema Ĩã̱x i Ngexwacaxü̃xü̃gu nachi, nawa ga yema ucapu ga Guemaríaarü ucapugu ãégaxü̃. Rü Guemaría rü poperaarü ümatüruxü̃ ga Chapáü̃ nane nixĩ. Rü nüma ga Barúx rü nape̱xewa ga guxü̃ma ga duü̃xü̃gü ga yéma yexmagüxü̃ nüxü̃ nadaumatü ga yema popera ga Yeremíaarü ore nagu ümatüxü̃.

Yeremía 36:11

Rü nüma ga Micaía ga Guemaría nane ga Chapáü̃taxa rü nüxü̃ naxĩnü ga yema Tupanaarü ore ga Barúx nüxü̃ daumatüxü̃.

Yeremía 36:12

Rü nüma ga Micaía rü ãẽ̱xgacüpatawa naxũ rü nagu naxücu ga yema poperaarü ümatüruxü̃arü ucapu ga nawa nangutaque̱xegüxü̃ ga guxü̃ma ga norü ngü̃xẽẽruü̃gü ga Yudáanearü ãẽ̱xgacü. Rü yéma nayexmagü ga Erichamá ga ãẽ̱xgacüarü poperaarü ümatüruxü̃, rü Deraía ga Chemaía nane, rü Enatáü̃ ga Abúru nane, rü Guemaría ga Chapáü̃ nane, rü Chedequía ga Ananía nane rü guxü̃ma ga togü ga ãẽ̱xgacüarü ngü̃xẽẽruü̃gü.