Norü taxre ga popera ga ãẽ̱xgacügüchiga 22:2 - Tupanaarü Ore

² Rü nüma ga Yochía rü Tupanape̱xewa mexü̃ naxü. Yerü nũxcümaü̃cü ga norü o̱xi ga Dabícümagu nixũ. Rü taguma ta̱xacüca̱x ñuxgu nüxna ínaxũxũ ga yema nacüma ga mexü̃.

Norü taxre ga popera ga ãẽ̱xgacügüchiga 22:2 Referans Kwoze

Yochué 1:7

Rü wüxixicatama nixĩ i cumaxã nüxü̃ chixuxü̃, rü ngẽma nixĩ nax tama cumuü̃xü̃ rü aixcüma naga cuxĩnüxü̃ rü cuyanguxẽẽxü̃ i guxü̃ma i ngẽma mugü ga chorü duü̃ ga Moiché cuxna ãxü̃. ¡Rü ẽcü mea yanguxẽxẽ nax mea cuxü̃́ ínanguxuchixü̃ca̱x i guxü̃ i ta̱xacü ícuxüxü̃wa!

Wenaxarü naxümatü ga Tupanaarü mugü 5:32

Rü ngẽmaca̱x i pema rü penaxwa̱xe nax aixcüma peyanguxẽẽxü̃ i guxü̃ma i ngẽma Cori ya perü Tupana pexü̃ muxü̃. Rü bai i íxrarüwa tá nüxna pixĩgachitanüxü̃.

Norü taxre ga popera ga ãẽ̱xgacügüchiga 18:3

Rü yema Echequía üxü̃ rü name ga Cori ya Tupanape̱xewa guma nũxcümaü̃cü ga norü o̱xi ga Dabí üxü̃rüxü̃.

Nüxíraxü̃xü̃ ga popera ga ãẽ̱xgacügüchiga 3:6

Rü nüma ga Charomóü̃ rü nanangãxü̃ga rü ñanagürü: —Cumax, Pa Chorü Tupanax, rü nüxü̃ cungechaü̃xü̃chi ga chaunatü ga Dabí ga curü duü̃xü̃ ixĩcü, yerü nüma rü meama cupe̱xewa inixũ, rü mexü̃ naxü, rü cupe̱xewa rü mea iniwe̱x ga norü maxü̃. Rü yemaca̱x poraãcü nüxü̃ cungechaü̃ rü wüxi ya nanena cunaxã nax nachicawa natoxü̃ca̱x rü Iraéanecüã̱xgüarü ãẽ̱xgacü yixĩxü̃ca̱x.

Ucu̱xẽgüchiga 20:11

Wüxi ya ngextü̱xücü rü nacüma i mexü̃wa nixĩ i nüxü̃ icuáxü̃ nax aixcüma wüxi ya ngextü̱xücü ya mecü nax yixĩxü̃.

Ucu̱xẽgüchiga 4:27

¡Taxṹ i nüxna quixũgachixü̃ i ngẽma mexü̃ i cucüma, rü nüxü̃ rüxo nax nagu quixũxü̃ i ngẽma nacüma i chixexü̃wa cuxü̃ gaxü̃!

Norü taxre ga to ga popera ga ãẽ̱xgacügüchiga ümatüxü̃ 29:2

Rü yema naxüxü̃ ga Echequía rü Tupanape̱xewa name, guxü̃ma ga norü o̱xi ga Dabí üxü̃rüxü̃.

Nüxíraxü̃xü̃ ga popera ga ãẽ̱xgacügüchiga 11:38

Rü ngẽxguma tá chauga cuxĩnügu i ngẽma cuxü̃ chamuxü̃ rü cunaxü̱xgu i ngẽma cha̱u̱xca̱x mexü̃ rü cuyanguxẽẽgu i chorü mugü, naxrüxü̃ ga chorü duü̃ ga Dabí, rü choma rü cuxü̃tawa tá changexma rü cuxme̱xwa tá chanangexmaxẽxẽ i Iraéane rü ngẽma cutaagü rü Iraéarü ãẽ̱xgacügüwa tá nangugü naxrüxü̃ ga Dabítaagü yema choma namaxã chaxueguxü̃rüxü̃.

Norü taxre ga to ga popera ga ãẽ̱xgacügüchiga ümatüxü̃ 17:3

Rü nüma ga Cori ya Tupana rü Yochapáxü̃ narüngü̃xẽxẽ yerü norü o̱xi ga Dabícümagu mea nixũ. Rü tama yema tupananeta ga Baáchicüna̱xãgüxü̃ nicua̱xüxü̃.

Nüxíraxü̃xü̃ ga popera ga ãẽ̱xgacügüchiga 15:5

Rü nüma ga Dabí rü mea Tupanape̱xewa namaxü̃ rü guxü̃guma naga naxĩnü rü nayanguxẽxẽ ga yema norü mu. Rü yema chixexü̃ ga Dabí üxü̃, rü Itítanüxü̃ ga Uríaxü̃ nax yamáxü̃xicatama nixĩ.

Norü taxre ga to ga popera ga ãẽ̱xgacügüchiga ümatüxü̃ 31:20

Rü nüma ga Echequía rü guxü̃ ga Yudáanewa rü yemaacü nanaxü. Rü guxü̃ma ga yema naxüxü̃ rü Cori ya Tupanape̱xewa rü aixcüma name rü nawe̱xgu.

Norü taxre ga to ga popera ga ãẽ̱xgacügüchiga ümatüxü̃ 34:1

Rü nüma ga Yochía rü nüxü̃́ nayexma ga 8 ga taunecü ga yexguma ãẽ̱xgacüxü̃ yangucuchigu. Rü 31 ga taunecü ãẽ̱xgacü nixĩ ga Yerucharéü̃wa.

Chofonía 1:1

Ñaa nixĩ ga ore ga Cori ya Tupana Chofoníamaxã nüxü̃ ixuxü̃ ga yexguma Yochía ga Amóü̃ nane ãẽ̱xgacü ixĩxgu ga Yudáanewa. Rü nüma ga Chofonía rü Cúchi nane nixĩ, rü Cúchi rü Guedaría nane nixĩ, rü Guedaría rü Amaría nane nixĩ, rü Amaría rü Echequía nane nixĩ.

Nüxíraxü̃xü̃ ga popera ga ãẽ̱xgacügüchiga 15:11

Rü yema Achá üxü̃ rü Tupanape̱xewa name, yema norü o̱xi ga Dabí üxü̃rüxü̃.

Norü taxre ga popera ga ãẽ̱xgacügüchiga 12:3

Natürü tama nagu napogüe ga yema tupananetagüarü ãmarearü guruü̃gü, rü yemaca̱x ga duü̃xü̃gü rü yéma nayanagugüama ga ãmaregü rü ñu̱xũchi pumarate̱xe ga yixichixü̃.

Norü taxre ga popera ga ãẽ̱xgacügüchiga 14:3

Rü nüma ga Amachía rü Cori ya Tupanape̱xewa mexü̃ naxü, natürü tama norü o̱xi ga Dabí üxü̃ ga mexü̃maxã nawüxigu. Yerü yema nanatü ga Yoá üxü̃tama naxü.