Norü taxre ga popera ga ãẽ̱xgacügüchiga 21:8 - Tupanaarü Ore

⁸ Rü ngẽxguma ngẽma Iraétanüxü̃ yanguxẽẽgüãgu rü nagu namaxẽgu i guxü̃ma i chorü mugü rü ngu̱xẽẽtaegü ga chorü duü̃ ga Moichémaxã nüxü̃ chixuxü̃, rü choma rü tagutáma wena íchanawoxü̃ nawa i ngẽma naane ga norü o̱xigüna chaxãxü̃ —ñanagürü.

Norü taxre ga popera ga ãẽ̱xgacügüchiga 21:8 Referans Kwoze

2 Chamué 7:10

Rü ñu̱xũchi wüxi ga naane naxca̱x chamexẽxẽ ga yema chorü duü̃xü̃gü i Iraétanüxü̃. Rü yéma chanangugüxẽxẽ nax noxrütama naanewa namaxẽxü̃ca̱x i ngextá taxúema nachixeãẽgüxü̃wa rü woo chixexü̃ i duü̃xü̃gü tama nagu idauxcüraxü̃güxü̃wa ga noxrirüxü̃ ga yexguma nüxü̃ chaxunetagu ga ãẽ̱xgacügü ga guxchaxü̃arü mexẽẽruü̃gü. Rü tá cumaxã ichanangüxmüexẽxẽ i guxü̃ma i ngẽma curü uanügü nax tama cuxoegaãẽxü̃ca̱x. Rü tá cuxü̃́ nangẽxma i cutaagü.

Yeremía 7:23

Natürü yema namaxã nüxü̃ chixuxü̃ nixĩ nax chauga naxĩnüexü̃ca̱x nax ngẽmaãcü i choma rü norü Tupana chixĩxü̃ca̱x, rü ñu̱xũchi i nümagü rü chorü duü̃xü̃gü yaxĩgüxü̃ca̱x. Rü yema namaxã nüxü̃ chixuxü̃ nixĩ nax choma chanaxwa̱xexü̃ãcü namaxẽxü̃ nax yemaacü mea nüxü̃ nangupetüxü̃ca̱x.

Ichaía 1:19

Rü ngẽxguma chi penaxwa̱xegu nax chauga pexĩnüexü̃, rü tá penangõ̱x i ngẽma rümemaegüxü̃ i nanetüarü o i ñoma i naanewa yaexü̃.

Wiyaegü 37:3

¡Rü nüxü̃ yaxõ ya Cori ya Tupana rü mexü̃ naxü! ¡Rü mea ñoma i naanewa namaxü̃ rü aixcüma mexü̃ naxü!

Norü taxre ga to ga popera ga ãẽ̱xgacügüchiga ümatüxü̃ 33:8

Rü ngẽxguma chorü duü̃xü̃gü i Iraétanüxü̃ rü yanguxẽẽgüãgu, rü nagu namaxẽgu i chorü mugü rü ngu̱xẽẽtaegü ga Moichéna chaxãxü̃, rü taxũtáma íchanawoxü̃ nawa i ngẽma naane ga norü o̱xigüna chaxãxü̃ —ñanagürü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 17:9

Rü chorü duü̃xü̃gü i Iraétanüxü̃ca̱x chanamexẽxẽ ga wüxi ga naane. Rü yemawa nixĩ ga chanangugüxẽẽxü̃ nax norü naanegutama naxãchiü̃güxü̃ca̱x i ngextá taxúema ínachixewexü̃wa rü bai i ngẽma norü uanügü ga noxri chixri namaxã icua̱xgüxü̃.