Norü taxre ga popera ga ãẽ̱xgacügüchiga 21:2 - Tupanaarü Ore

² Natürü yema Manaché üxü̃ rü Tupanape̱xewa tama name. Rü nagu namaxü̃ ga yema nacümagü ga chixexü̃ ga nagu naxĩxü̃ ga yema duü̃xü̃gü ga nüxíra yema naanewa yexmagüxü̃ ga Cori ya Tupana Iraétanüxü̃pe̱xewa íwoxü̃xü̃.

Norü taxre ga popera ga ãẽ̱xgacügüchiga 21:2 Referans Kwoze

Echequié 16:51

Natürü yema chixexü̃ ga naxüxü̃ ga Chamária rü norü ĩanexacügü rü tama curü chixexü̃güarü ngãxü̃wa nangu. Rü cumax, Pa Yerucharéü̃x, rü guma ĩanegüarü yexera cunaxü ga taxü̃ ga chixexü̃ ga ãũãchixü̃. Rü ngẽmaca̱x ega nagu nanguxgu i ngẽma cuma cuxüxü̃ i chixexü̃gü rü ngẽma chixexü̃gü ga yima ĩanegü üxü̃ rü ñoma taxuxü̃ma i chixexü̃ naxügüxü̃rüxü̃ nixĩ ya yima ĩanegü.

Yeremía 15:4

Rü guxü̃táma i nachixü̃anegüarü duü̃xü̃gü rü tá naxca̱x namuü̃e i ngẽma poxcu i Yudáanecüã̱xmaxã chaxueguxü̃ nagagu ga yema chixexü̃ ga Yudáanearü ãẽ̱xgacü ga Manaché ga Echequía nane üxü̃ ga Yerucharéü̃wa.

Norü taxre ga to ga popera ga ãẽ̱xgacügüchiga ümatüxü̃ 36:14

Rü yexgumarüxü̃ ta ga guxü̃ma ga Yudáanecüã̱xarü ãẽ̱xgacügü rü norü duü̃xü̃gü rü chacherdótegü rü ta, rü poraãcü chixri namaxẽ. Rü yema togü ga nachixü̃anegü ga tama Tupanaxü̃ cua̱xgüxü̃arü tupananetachicüna̱xãxü̃ nicua̱xüxü̃gü. Rü yemaacü chixexü̃ nawa naxügü ga guma Tupanapata ga taxü̃ne ga nüma ga Tupana nüxü̃ unetane nax napata yixĩxü̃ca̱x ga Yerucharéü̃wa.

Norü taxre ga popera ga ãẽ̱xgacügüchiga 22:17

Yerü yema duü̃xü̃gü rü choxna nixĩgachi rü norü tupananetagüca̱x pumara ínagu. Rü yemaacü choxü̃ nanuxẽẽgü namaxã ga yema chixexü̃ nax naxügüxü̃. Rü ngẽmaca̱x nixĩ i chanuxü̃ namaxã ya daa ĩane rü taxũtáma icharüngüxmüxü̃.

Norü taxre ga popera ga ãẽ̱xgacügüchiga 21:16

Rü yema Manaché üxü̃ rü Tupanape̱xewa poraãcü nachixe, rü ñu̱xũchi yema duü̃xü̃gü ga Yudáanecüã̱xgüxü̃ namu nax nümagü rü ta naxügüãxü̃ ga yema chixexü̃gü. Rü naétü rü nüma ga Manaché rü Yerucharéü̃wa nanadai ga muxü̃ma ga duü̃xü̃gü ga taxuxü̃ma ga chixexü̃ ügüxü̃. Rü yemaacü ga guma ĩane rü nagümaxã nanapa.

Norü taxre ga popera ga ãẽ̱xgacügüchiga 21:7

Rü Cori ya Tupanapata ga taxü̃negu nayaxǘ ga wüxi ga Acheráchicüna̱xã ga nainaxca̱x. Rü yemaca̱x nixĩ ga Cori ya Tupana rü marü Dabímaxã rü nane ga Charomóü̃maxã nüxü̃ yaxuxü̃ rü ñanagürü: —Choma rü guxü̃nema ga Iraégüarü ĩanegütanüwa nüxü̃ chaxuneta ga Yerucharéü̃ nax nawa nangẽxmaxü̃ca̱x ya chopata. Rü yima chopata ya taxü̃newa tá guxü̃gutáma changexma.

Wenaxarü naxümatü ga Tupanaarü mugü 12:31

Rü tama name nax ngẽma duü̃xü̃gü naxüxü̃rüxü̃ penaxü i ngẽxguma Cori ya Tupanaxü̃ picua̱xüü̃gügu. Erü nüma ya Cori ya Tupana rü nüxü̃́ nawa̱xtümüxü̃ i ngẽma chixexü̃ i naxügüxü̃ i ngẽma duü̃xü̃gü i ngẽxguma norü tupananetaxü̃gü yacua̱xüü̃gügu. Rü nümagü rü norü tupananetagüca̱x tüxü̃ nigu ga naxacügü.

Norü taxre ga popera ga ãẽ̱xgacügüchiga 21:20

Natürü yema naxüxü̃ ga Amóü̃ rü Tupanape̱xewa rü nachixe yema nanatü ga Manaché üxü̃rüü̃tama.

Norü taxre ga popera ga ãẽ̱xgacügüchiga 23:32

Natürü nacüma ga Yoacá rü poraãcü nachixexüchi ga Cori ya Tupanape̱xewa yema norü o̱xigücümarüü̃tama.

Norü taxre ga popera ga ãẽ̱xgacügüchiga 24:9

Natürü yema naxüxü̃ ga Yoaquíü̃ rü poraãcü nachixexüchi ga Cori ya Tupanape̱xewa yema nanatü üxü̃rüü̃tama.

Ngu̱xẽẽtaeruü̃arü ore 9:18

Rü yimá naxnegüarü yexera narümemae i ngẽma cua̱x. Natürü wüxie̱xpü̱xcüna nax chixexü̃ ixüxü̃ rü inayanaxoxẽxẽ i muxü̃ma i mexü̃gü.

Ichaía 66:4

Natürü choma rü tá ta nüxü̃ chaxuneta i ngẽma poxcu i namaxã tá chanapoxcuexü̃. Rü tá naxca̱x íchananguxẽxẽ i ngẽma guxchaxü̃ i poraãcü nüxü̃ namuü̃exü̃. Erü ngéma ichacagü natürü taxúema choxü̃ tangãxü̃, rü ngẽxguma chidexagu rü taxúema choxü̃ taxĩnü. Rü nanaxü i ngẽma tama chanaxwa̱xexü̃, rü nagu namaxẽ i ngẽma tama namaxã chataãẽxü̃ —ñanagürü ga Tupana.

Norü taxre ga popera ga ãẽ̱xgacügüchiga 17:2

Rü yema Ochéa üxü̃ rü nachixe ga Tupanape̱xewa, natürü tama yema nüxíraxü̃güxü̃ ga Iraéanearü ãẽ̱xgacügü ügüxü̃rüxü̃ nixĩ.

Norü taxre ga popera ga ãẽ̱xgacügüchiga 21:21

Rü yema chixexü̃gü ga nanatü nagu ixũxü̃gu nixũ yerü naxca̱x nangutaque̱xe rü nüxü̃ nicua̱xüxü̃ ga yema tupananetagüchicüna̱xãgü ga nanatü nüxü̃ icua̱xüxü̃güxü̃.

Echequié 11:12

Rü ngẽxguma tá nixĩ i nüxü̃ picua̱xãchitanüxü̃ nax choma chixĩxü̃ ya Cori ya Tupana. Pema rü tama ngẽma chorü mugü nüxü̃ ixuxü̃ãcüma pemaxẽ, rü bai nagu pexĩxü̃ ga yema chorü mugü. Natürü nagu pexĩ ga yema pexna ngaicamagüxü̃ ga nachixü̃anecüã̱xgü nagu maxẽxü̃ ga chixexü̃gü” —ñanagürü ga Cori ya Tupana.

Echequié 22:3

Rü namaxã idexa ya yima ĩane rü namaxã nüxü̃ ixu rü choma ya Cori ya Tupana rü ñachagürü: “Pa Ĩane ya Yerucharéü̃x, paxa tá cuxca̱x ínangu i curü poxcu erü cuma rü cunadai i curü duü̃xü̃gü rü nüxü̃ quicua̱xüxü̃gü i ngẽma naxchicüna̱xãgü i cumatama cuxüxü̃.