Norü taxre ga popera ga ãẽ̱xgacügüchiga 21:10 - Tupanaarü Ore

^10-11 Rü yemaca̱x ga Cori ya Tupana rü norü duü̃xü̃gü ga orearü uruü̃güwa nidexa rü ñanagürü: —Nüma ga Manaché rü poraãcü chixexü̃ naxü yema Amoréutanüxü̃ ga nüxíra yéma yexmagüxü̃arü yexera. Yerü nüma ga Manaché rü Yudáanecüã̱xgüxü̃ tupananetachicüna̱xãgüxü̃ nicua̱xüü̃güxẽxẽ.

Norü taxre ga popera ga ãẽ̱xgacügüchiga 21:10 Referans Kwoze

Neemía 9:30

Rü mucüma ga taunecü rü yáxna namaxã cuxĩnü ga yema torü o̱xigü. Rü Cuãxẽ ya Üünecüwa rü curü orearü uruü̃güwa cuyaxucu̱xẽgüchire̱x, natürü ga nümagü rü tama cuga naxĩnüechaü̃. Rü yemaca̱x nixĩ ga ñoma ga naanewa yexmagüxü̃ ga nachixü̃anegüme̱xẽwa cunayexmagüxẽẽxü̃.

Neemía 9:26

Natürü naétüwa ga guxü̃ma ga yema naxca̱x cuxüxü̃ rü tama cuga naxĩnüechaü̃, rü cumaxã nanueama, rü tama naga naxĩnüe ga curü mugü. Rü nanadai ga yema curü orearü ngeruü̃gü ga naxucu̱xẽgüxü̃ nax cuxca̱x nawoeguxü̃ca̱x. Rü yemaacü poraãcü chixexü̃ cupe̱xewa naxügü.

Norü taxre ga to ga popera ga ãẽ̱xgacügüchiga ümatüxü̃ 36:15

Rü nüma ga Cori ya Iraétanüxü̃arü o̱xigüarü Tupana rü guxü̃guma yéma nanamugü ga norü orearü uruü̃gü nax yaxucu̱xẽgüãxü̃ca̱x, yerü nüma ga Tupana rü nüxü̃́ nangechaü̃tümüxü̃gü ga norü duü̃xü̃gü rü nüxü̃ nangechaü̃ ga guma napata ga nawa nayexmane.

Norü taxre ga to ga popera ga ãẽ̱xgacügüchiga ümatüxü̃ 33:10

Rü Cori ya Tupana rü Manachémaxã rü norü duü̃xü̃gümaxã nidexa, natürü tama naga naxĩnüe.

Norü taxre ga popera ga ãẽ̱xgacügüchiga 21:9

Natürü nüma ga Iraétanüxü̃ rü tama Tupanaga naxĩnüe. Yerü nüma ga Manaché rü poraãcü chixexü̃ nüxü̃ naxüxẽxẽ, norü yexera ga yema duü̃xü̃gü ga nüxíra yema naanewa yexmagüxü̃ ga Tupana norü o̱xigüpe̱xegu daixü̃.

Norü taxre ga popera ga ãẽ̱xgacügüchiga 17:13

Rü yema nixĩ ga norü orearü uruü̃güwa marü Iraétanüxü̃maxã nüxü̃ yaxuxü̃ ga Cori ya Tupana nax nüxü̃ naxoexü̃ca̱x ga yema chixexü̃ ga nacümagü, rü nüma ya Tupana nanaxwa̱xexü̃ãcüma nax yanguxẽẽgüãxü̃ca̱x ga yema mugü rü ngu̱xẽẽtaegü ga norü o̱xigüna naxãxü̃ ga norü orearü uruü̃güwa.