Norü taxre ga popera ga ãẽ̱xgacügüchiga 20:3 - Tupanaarü Ore

³ —Pa Corix, Pa Tupanax, cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü ñu̱xũchi poraãcü naxaxu.

Norü taxre ga popera ga ãẽ̱xgacügüchiga 20:3 Referans Kwoze

Neemía 13:22

Rü yemawena rü chanamu ga Lebítanüxü̃ nax Tupanaca̱x nügü yamexẽẽgüxü̃ca̱x rü nüxna nax nadaugüxü̃ca̱x ga ĩanearü ĩã̱xgü nax tama nachocuxü̃ca̱x ga yema taxetanüxü̃, rü duü̃xü̃gü naxauregüãxü̃ca̱x ga ngü̃xchigaarü ngunexü̃. ¡Pa Chorü Tupana, choxna nacua̱xãchi naxca̱x i ngẽma chaxüxü̃, rü cuxü̃́ chaxauxãchitümüxü̃! Erü cuma rü cumecümaxü̃chi.

Neemía 13:14

¡Pa Chorü Tupanax, nüxna nacua̱xãchi i guxü̃ma i ngẽma chaxüxü̃! Rü tama name i nüxü̃ curüngü̃ma i guxü̃ma i ngẽma mexü̃ i cupata ya taxü̃neca̱x rü curü cua̱xüxü̃ca̱x chaxüxü̃.

Neemía 5:19

¡Pa Chorü Cori ya Tupanax, nüxna nacua̱xãchi i ngẽma guxü̃ma i mexü̃ i ñaa duü̃xü̃güca̱x chaxüxü̃ rü choxna naxã i curü ngü̃xẽxẽ!

Neemía 13:31

Rü yema üxüarü yauxruü̃gü rü mea ichayanu, nax yemaacü nüxü̃ nacua̱xgüxü̃ca̱x nax ñuxgu tá nawa yanguchigüxü̃ i üxüarü yaxu. Rü mea ichananu nax ñuxgu tá duü̃xü̃gü inaxãgüxü̃ i nüxíraxü̃xü̃ i nanetüarü o. Rü yemawena rü Tupanaxü̃ ñachagürü: —¡Choxna nacua̱xãchi, Pa Corix, rü choxü̃ rüngü̃xẽxẽ! —ñachagürü.

Ore i mexü̃ ga Luca ümatüxü̃ 1:6

Rü nüma ga Chacaría rü naxma̱x ga Erichabé rü meama Tupanape̱xewa, namaxẽ rü aixcüma naga naxĩnüe ga norü mugü. Rü yemaacü taxucürüwa texé chixri nachiga tidexagü

Nüxíraxü̃xü̃ ga popera ga ãẽ̱xgacügüchiga 8:61

Rü ngẽmaca̱x i pemax rü penaxwa̱xe nax tórü Cori ya Tupanamaxã pixaixcümagüxü̃ rü peyanguxẽẽgüxü̃ rü naga pexĩnüexü̃ i guxü̃ma i norü mugü ñoma i ngunexü̃gurüxü̃ —ñanagürü ga Charomóü̃.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Yeremía 4:2

Rü ngẽxguma cha̱u̱xca̱x pewoeguxgu rü aixcüma chauégagu ipexunetagu, rü choma rü tá taxü̃ i ngü̃xẽxẽ chixĩ naxca̱x i guxü̃ma i nachixü̃anegü, rü tá choxü̃ nicua̱xüü̃gü —ñanagürü.

Ichaía 63:11

Rü nümagü rü nüxna nacua̱xãchie ga yema nũxcüma Moiché üxü̃ ga yexguma Iraétanüxü̃xü̃ ínanguxü̃xẽẽgu. Rü yemaca̱x nügüna nacagüe rü ñanangürügü: —¿Ngexcü nixĩ ya yimá Tupana ga ñoma wüxi ga carnéruarü dauruü̃rüxü̃ Iraétanüxü̃xü̃gümaxã icuácü ga yexguma márwa yachoü̃gu? ¿Rü ñu̱xmax, rü ngextá nixĩ i nangẽxmaxü̃ ya yimá Tupana ga Moichéna namucü ga Naãxẽ ya Üünecü?

Ichaía 38:14

Rü ñoma chirugürüxü̃ rü cówagürüxü̃ rü muxtucugürüxü̃ charüdoxü. Rü yima chauxetügü rü düxwa nipae nax yeü̃cürü daxũ chadawenüxü̃ rü ñachagürü: “Pa Corix, ngúxü̃ chinge. ¡Ẽcü cha̱u̱xca̱x yataanexẽxẽ!” ñachagürü.

Wiyaegü 145:18

Rü nüma ya Cori ya Tupana rü tüxna nangaicama ya yíxema aixcüma naga taxĩnüeãcüma norü ngü̃xẽẽca̱x ícagüxe.

Wiyaegü 119:49

¡Rü nüxna nacua̱xãchi ga yema ore ga chomaxã nüxü̃ quixuxü̃ i choma nax curü duü̃xü̃ chixĩxü̃! Rü yemawa nüxü̃ quixu nax choxü̃ tá curüngü̃xẽẽxü̃.

Wiyaegü 102:9

Rü ngẽma nax ngúxü̃ chingexü̃gagu rü tama chataiya rü düxwa tanimaca chanangõ̱xmare. Rü ngẽma chorü axexü̃ rü chauxgüxü̃etümaxã naxãéxü̃ erü chomaxã cunuxũchi. Rü ãẽ̱xgacüwa choxü̃ cungu̱xẽxẽ nax yixcüra choxü̃ curütáexü̃ca̱x.

Wiyaegü 89:50

Pa Corix ¡dücax i toma nax curü duü̃xü̃gü tixĩgüxü̃, rü togu nidauxcüraxü̃gü i muxü̃ma i duü̃xü̃gü! Rü ngẽma rü poraãcü chorü maxü̃newa nangu̱x.

Wiyaegü 89:47

Pa Corix ¡nüxna nacua̱xãchi rü ngẽma chorü maxü̃ rü nax nanuxũxü̃! Rü yimá duü̃ ya cuma cuxücü rü tama nama̱x i norü maxü̃.

Wiyaegü 32:2

Rü nataãxẽ ya yimá yatü ya Tupana nüxü̃́ nüxü̃ irüngümacü i norü pecadu rü norü maxü̃wa rü nataxuma i dora.

Wiyaegü 25:7

¡Natürü taxṹ i nüxna cucua̱xãchixü̃ i ngẽma chorü pecadugü rü yema chixexü̃gü ga chaxüxü̃ ga yexguma changextü̱xügu! Pa Cori Pa Tupanax ¡choxna nacua̱xãchi, erü curü ngechaü̃ rü curü mecüma rü nataxüchi!

Wiyaegü 6:6

Rü marü chipa nax charüdoxüxü̃. Rü guxü̃ i chütaxü̃gu rü poraãcü chaxaxu, rü ngẽmaca̱x düxwa chauxgüxü̃etümaxã niwai i chorü cüxeruxü̃.

Yox 1:8

Rü yexguma ga nüma ga Cori rü ñanagürü nüxü̃: —¿Tama ẽ̱xna cunangugü ya yimá chorü duü̃ ya Yox? Erü nataxuma i ngẽma naanewa ya yimárüxü̃ aixcüma chauga ĩnücü rü mea cha̱u̱xca̱x maxü̃cü. Rü nataxuxü̃ma i chixexü̃ i nachiga rü mea nügüna nadau nax taxúemaxã chixexü̃ naxüxü̃ca̱x —ñanagürü.

Yox 1:1

Rü Úxanegu naxãchiü̃ ga wüxi ga yatü ga Yoxgu ãégacü. Nüma rü meama namaxü̃ rü nataxuma ga chixexü̃ ga nachiga. Rü aixcüma Tupanaarü ngúchaü̃ naxü, rü nügüna nadau nax taxúemaxã chixexü̃ naxüxü̃.

Norü taxre ga to ga popera ga ãẽ̱xgacügüchiga ümatüxü̃ 16:9

Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe. Natürü i cumax rü ñoma wüxi i duü̃xü̃ i tama naãẽxü̃ cuáxü̃rüxü̃ quixĩ erü Chíriaanearü ãẽ̱xgacüaxü̃́ cuyaxõ. Rü ngẽmaca̱x i ñu̱xma rü daiwa tá cungexmaecha —ñanagürü.

Nüxíraxü̃xü̃ ga popera ga ãẽ̱xgacügüchiga 15:14

Rü woo tama nanaxoxẽxẽ ga yema tupananetaarü ngutaque̱xechicagü, natürü nüma ga Achá rü guxü̃guma Cori ya Tupanaweama narüxũ.

Nüxíraxü̃xü̃ ga popera ga ãẽ̱xgacügüchiga 11:4

Rü yexguma marü yaxguã̱x yixĩxgu ga Charomóü̃, rü yema naxma̱xgü rü nanatoãẽgü nax yemaacü togü ga tupanagüwe naxũxü̃ca̱x. Rü tama nanatü ga Dabírüxü̃ aixcüma Cori ya Tupanawe narüxũ.

Nüxíraxü̃xü̃ ga popera ga ãẽ̱xgacügüchiga 3:6

Rü nüma ga Charomóü̃ rü nanangãxü̃ga rü ñanagürü: —Cumax, Pa Chorü Tupanax, rü nüxü̃ cungechaü̃xü̃chi ga chaunatü ga Dabí ga curü duü̃xü̃ ixĩcü, yerü nüma rü meama cupe̱xewa inixũ, rü mexü̃ naxü, rü cupe̱xewa rü mea iniwe̱x ga norü maxü̃. Rü yemaca̱x poraãcü nüxü̃ cungechaü̃ rü wüxi ya nanena cunaxã nax nachicawa natoxü̃ca̱x rü Iraéanecüã̱xgüarü ãẽ̱xgacü yixĩxü̃ca̱x.

Nüxíraxü̃xü̃ ga popera ga ãẽ̱xgacügüchiga 2:4

Rü ngẽxguma ngẽmaãcü cunaxüxgux rü Tupana rü tá cuwa nayanguxẽxẽ ga yema uneta ga chomaxã nüxü̃ yaxuxü̃ ga yexguma ñaxgu choxü̃: “Rü ngẽxguma chi yimá cune rü cutaagü rü mea chauga naxĩnüegu rü aixcüma cha̱u̱xca̱x namaxẽgu rü tama choxna yaxĩgachixgu, rü guxü̃gutáma natanüwa tá nixĩ i Iraéanecüã̱xgüarü ãẽ̱xgacü ne naxũxü̃, rü tagutáma nataxu nax wüxi i cutaxa i Iraéanecüã̱xgüarü ãẽ̱xgacü yixĩxü̃”, ñanagürü choxü̃.

Naanearü ügüchiga 17:1

Rü yexguma Abráü̃ 99 ga taunecü nüxü̃́ yexmagu rü Cori ya Tupana naxca̱x nango̱x rü ñanagürü nüxü̃: —Choma nixĩ ya Tupana ya Guxü̃étüwa Ngẽxmacü chixĩxü̃. Rü chanaxwa̱xe i aixcüma mea cumaxü̃ i chope̱xewa.

Naanearü ügüchiga 8:1

Natürü ga Tupana rü tama Noéxü̃ inayarüngüma, rü tama nüxü̃ inayarüngüma ga guxü̃ma ga yema naeü̃gü ga wüxigu Noémaxã wapuruwa yexmagüxü̃. Rü yemaca̱x ga Tupana rü nayabuanexẽxẽ, rü yema dexá rü inanaxügü ga nax íyaxexü̃.

Naanearü ügüchiga 5:24

Rü yema nax guxü̃guma Tupana naxwa̱xexü̃ãcüma namaxü̃xü̃ ga Enóx, rü wüxi ga ngunexü̃gu ngürümare inarütaxu yerü Tupana nayaga.

Naanearü ügüchiga 5:22

Rü nüma ga Enóx rü guxü̃guma Tupana naxwa̱xexü̃ãcüma namaxü̃. Rü Matucharéü̃ buxguwena rü 300 ga taunecü namaxü̃ ga Enóx. Rü nüxü̃́ nayexma ga naigü ga nanegü rü naxacügü.

Popera ga Yudíugü ga yaxõgüxü̃ca̱x ümatüxü̃ 5:7

Rü yexguma Cristu ñoma ga naanewa maxü̃gu, rü poraãcü nayumüxẽ rü tagaãcü rü naxauxãcü Tupanana naca nax nüxü̃ nangü̃xẽẽxü̃ca̱x nax naga naxĩnüxü̃ca̱x, yerü Tupana rü naporachire̱x nax nawa ínanguxuchixẽẽãxü̃ca̱x ga yema yu. Rü Tupana rü Cristuxü̃ naxĩnü yerü Tupanaga naxĩnü.

Nüxíraxü̃xü̃ ga popera ga ãẽ̱xgacügüchiga 9:4

Rü ngẽxguma cunatü ya Dabírüxü̃ mea chope̱xewa cumaxü̱̃xgu rü quixaixcümagu rü guxü̃gutáma naga cuxĩnügu i chorü mugü, rü choma rü guxü̃gutáma Iraéanewa ãẽ̱xgacügüxü̃ chayaxĩgüxẽxẽ i cunegü rü cutaagü, yema cunatü ga Dabímaxã ichaxunetaxü̃rüxü̃ ga yexguma namaxã nüxü̃ chixuxgu nax tagutáma nataxuxü̃ i nataagü i Iraéanecüã̱xgüarü ãẽ̱xgacü ixĩxü̃.

Norü taxre ga popera ga ãẽ̱xgacügüchiga 20:2

Rü nüma ga Echequía rü nadixeguãchi rü ĩxtapüguama nabuenü rü ñaãcü nayumüxẽ:

Norü taxre ga popera ga ãẽ̱xgacügüchiga 20:4

Rü naxü̃pa ga Ichaía nax ixũxũxü̃ naã̱xtüwa ga guma ãẽ̱xgacüpata, rü nüma ga Cori ya Tupana rü Ichaíamaxã nidexa rü ñanagürü nüxü̃:

Wiyaegü 26:1

Pa Cori Pa Tupanax ¡choxü̃ nadau nax taxuxü̃ma i pecadu chaxüxü̃! Rü chorü maxü̃wa rü nataxuma i chixexü̃. Rü aixcüma cuxü̃́ chayaxõ, Pa Cori Pa Tupanax.

Wiyaegü 26:3

Choma nüxü̃ chacua̱x nax choxü̃ cungechaü̃xü̃, rü guxü̃guma mea cuga chaxĩnüxü̃.

Nüxíraxü̃xü̃ ga popera ga ãẽ̱xgacügüchiga 8:23

Rü ñanagürü: —Pa Cori ya Iraétanüxü̃arü Tupanax, rü dauxü̃guxü̃ i naanewa rü woo ñoma i naanewa rü nataxuma i ta̱xacü i cuxrüxü̃ Tupana ixĩxü̃. Erü cumax rü cuyanguxẽxẽ i curü uneta rü tüxü̃ cungechaü̃ ya guxãma ya yíxema aixcüma cuga ĩnüexe.

Yox 4:6

Rü cuma nax aixcüma Tupanaaxü̃́ cupuracüxü̃ rü mecü ya norü duü̃ quixĩxü̃ ¿rü ñuxãcü i tama aixcüma nüxna curüyoexü̃ ya yimá curü Tupana?

Wiyaegü 6:7

Rü ngẽma ngúxü̃ nax chingexü̃gagu rü daa chauxetügü rü marü nixogü. Rü ngẽma chorü uanügügagu rü chaxoegaãxẽ rü chixogüxetü.

Wiyaegü 39:13

Pa Corix ¡taxṹ i numaxã choxü̃ cudawenüxü̃! ¡Rü cha̱u̱xca̱x yataanexẽxẽ nax wena chataãẽxü̃ca̱x naxü̃pa nax chayuxü̃! —ñachagürü.

Wiyaegü 119:26

Rü yema chaucüma ga chixexü̃, rü marü cumaxã nüxü̃ chixu, rü cuma rü marü choxü̃ cungãxü̃ rü nawa choxü̃ ícunguxuchixẽxẽ. ¡Rü ñu̱xma rü choxü̃ nangu̱xẽxẽ i curü mugü!

Amúx 5:4

Rü nüma ya Cori ya Tupana rü Iraétanüxü̃xü̃ ñanagürü: —¡Cha̱u̱xca̱x pexĩ rü tá pemaxẽ!