Norü taxre ga popera ga ãẽ̱xgacügüchiga 2:2 - Tupanaarü Ore

² Rü nüma ga Ería rü Erichéuxü̃ ñanagürü: —¡Nuxã rüxã̱ũ̱x erü Cori ya Tupana rü Betéwa choxü̃ namu! —ñanagürü. Natürü nüma ga Erichéu rü nanangãxü̃ rü ñanagürü: —Cori ya Tupanaégagu rü cuégagu cumaxã nüxü̃ chixu rü tagutáma cuxü̃ changemücüxẽxẽ —ñanagürü. Rü yemaca̱x wüxigu nügümaxã Betéwa naxĩ.

Norü taxre ga popera ga ãẽ̱xgacügüchiga 2:2 Referans Kwoze

Norü taxre ga popera ga ãẽ̱xgacügüchiga 2:6

Rü yexguma ga nüma ga Ería rü Erichéuxü̃ ñanagürü: —¡Ẽcü nuxã rüxã̱ũ̱x! Erü Cori ya Tupana rü natü i Yudáü̃wa choxü̃ namu —ñanagürü. Natürü nüma ga Erichéu rü nanangãxü̃ rü ñanagürü: —Cori ya Tupanaégagu rü cuégagu cumaxã nüxü̃ chixu rü tagutáma cuxü̃ changemücüxẽxẽ —ñanagürü. Rü yemaca̱x wüxigu yema natüwa naxĩ.

Norü taxre ga popera ga ãẽ̱xgacügüchiga 4:30

Natürü ga ngĩma ga naé ga guma bucü rü Erichéuxü̃ ngĩgürügü: —Cori ya Tupanaégagu rü cuégagutama cumaxã nüxü̃ chixu rü taxũtáma chataegu ega tama cumaxã chaxãmücügu —ngĩgürügü. Rü yexguma ga nüma ga Erichéu rü ngĩwe narüxũ.

Norü taxre ga popera ga ãẽ̱xgacügüchiga 2:4

Rü yemawena rü nüma ga Ería rü Erichéuxü̃ ñanagürü: —¡Ẽcü nuxã rüxã̱ũ̱x!, erü Cori ya Tupana rü Yericúwa choxü̃ namu —ñanagürü. Natürü nüma ga Erichéu rü nanangãxü̃ rü ñanagürü: —Cori ya Tupanaégagu rü cuégagu cumaxã nüxü̃ chixu rü tagutáma cuxü̃ changemücüxẽxẽ —ñanagürü. Rü yemaca̱x wüxigu nügümaxã Yericúwa naxĩ.

1 Chamué 1:26

Rü ngĩma ga Ána rü ngĩgürügü nüxü̃ ga gumá chacherdóte: —Pa Corix, ¡choxü̃ nangechaxü̃! Rü ngẽma nax aixcüma cumaxü̃xü̃rüxü̃ rü aixcüma nixĩ nax choma chixĩxü̃ ga yema nge ga ü̃pa cupe̱xewa Tupanaxü̃ chaca̱a̱xü̃ chorü yumüxẽwa.

Yeremía 4:2

Rü ngẽxguma cha̱u̱xca̱x pewoeguxgu rü aixcüma chauégagu ipexunetagu, rü choma rü tá taxü̃ i ngü̃xẽxẽ chixĩ naxca̱x i guxü̃ma i nachixü̃anegü, rü tá choxü̃ nicua̱xüü̃gü —ñanagürü.

Nüxíraxü̃xü̃ ga popera ga ãẽ̱xgacügüchiga 12:33

Rü gumá 8 ga tauemacüarü 15 gu rü nüma ga Yeruboáü̃ rü naxü̃nagü nadai rü yema tupananetana nanaxuaxü̃ nawa ga yema ãmareruxü̃ ga nüma Betégu naxüxü̃. Rü gumá tauemacügu nixĩ ga nangu̱xẽẽãxü̃ ga yema peta ga nümatama nagu naxĩnüxü̃ãcüma naxunagüxü̃ nax peta yixĩxü̃ ga yema ngunexü̃ nax Iraétanüxü̃ yema tupananetaxü̃ nagu icua̱xüü̃güxü̃ca̱x. Rü gumá tauemacügu rü nüma ga Yeruboáü̃ rü yema ãmareruxü̃ ga tupananetaxü̃ nawa yacua̱xüü̃güxü̃ca̱x ínaxüãchi nax yéma pumara ga yixichixü̃ yaguxü̃ca̱x.

1 Chamué 25:26

Natürü nüma ya Cori ya Tupana rü tama nanaxwa̱xe nax nua cuxũxü̃ nax cunadaixü̃ca̱x i ngẽma duü̃xü̃gü naxca̱x i ngẽma guxchaxü̃ i naxügüxü̃. Rü Tupanana naxca̱x chaca nax napoxcueãxü̃ i guxü̃ma i ngẽma curü uanügü, rü guxü̃ma i ngẽma chixexü̃maxã cuxü̃ itoxyepe̱xegüxü̃, Nabáxrüxü̃.

Naanearü ügüchiga 28:19

Rü yema nachicawa rü nũxcüma rü nayexma ga wüxi ga ĩane ga Lúxgu ãégane. Natürü nüma ga Acóbu rü nanaxüchicüxü ga naéga ga yema nachica, rü Betégu nanaxüéga.

Nüxíraxü̃xü̃ ga popera ga Cuáü̃ ümatüxü̃ 2:19

Rü ngẽma Cristuarü uanügü rü tatanüwatama nangẽxmagüchire̱x, natürü tama aixcüma tatanüxü̃ nixĩgü, erü ngẽxguma chi tatanüxü̃ yixĩgügu rü tatanügu chitama narücho. Natürü marü tatanüwa ínachoxü̃ nax meama nangóxü̃ca̱x nax tama aixcüma tatanüxü̃ yixĩgüxü̃.

Nüxíraxü̃xü̃ ga popera ga ãẽ̱xgacügüchiga 12:29

Rü yexguma rü ĩane ga Betégu nanaxǘ ga wüxi ga yema wocaxacüchicüna̱xã, rü yema to rü ĩane ga Dáü̃gu nanaxǘ.

1 Chamué 17:55

Rü yexguma Dabí rü yema Firitéuca̱x iñaxgu, rü nüma ga Chaú rü norü churaragüeru ga Abnéxna naca rü ñanagürü: —¿Texé tixĩ ya nanatü ya yimá ngextü̱xücü? —ñanagürü.

Nüxíraxü̃xü̃ ga popera ga ãẽ̱xgacügüchiga 12:28

Rü norü ucu̱xẽruü̃güna naca ga yemachiga. Rü yemawena ga nüma ga ãẽ̱xgacü ga Yeruboáü̃ rü taxre ga wocaxacü ga úirunaxca̱x naxüxẽxẽ rü duü̃xü̃güxü̃ ñanagürü: —Pemax, Pa Iraéanecüã̱xgüx, rü wüxi i taxü̃ i guxchaxü̃ nixĩ nax Yerucharéü̃wa pexĩĩxü̃ nax ngéma Tupanapata ya taxü̃newa nüxü̃ peyarücua̱xüü̃güxü̃ca̱x. Rü dücax, ñaa wocaxacüchicüna̱xãgü nixĩ i perü tupanagü ga Equítuanewa pexü̃ ígaxü̃xü̃ —ñanagürü.

Norü taxre ga popera ga ãẽ̱xgacügüchiga 2:23

Rü yemawena nüma ga Erichéu rü ĩane ga Betéwa naxũ. Rü yexguma namagu yaxũxgu rü yexma nüxü̃ nangaugü ga wüxitücumü ga ngextü̱xüxü̃gü ga guma ĩanewa ne ĩxü̃. Rü yema ngextü̱xüxü̃gü rü Erichéuxü̃ nacugüe rü ñanagürügü: —¡Dauxü̃ naxĩ, Pa Báixeruxü̃x, Dauxü̃ naxĩ, Pa Báixeruxü̃x! —ñanagürügü.