Norü taxre ga popera ga ãẽ̱xgacügüchiga 2:12 - Tupanaarü Ore

¹² Rü yemaxü̃ nada̱u̱xgu ga Erichéu rü tagaãcü aixta naxü rü ñanagürü: —Pa Chaunatüx, Pa Chaunatüx, cuma rü Iraéanecüã̱xgüca̱x rü ñoma wüxi i churaratücumü i poraxü̃chixü̃rüxü̃ quixĩ —ñanagürü. Rü yema ñaxguwena rü marü tama Eríaxü̃ nadau. Rü yexguma nüma ga Erichéu rü norü ngechaü̃maxã nügü narügáutechiru.

Norü taxre ga popera ga ãẽ̱xgacügüchiga 2:12 Referans Kwoze

Norü taxre ga popera ga ãẽ̱xgacügüchiga 13:14

Rü nüma ga Erichéu rü poraãcüma nida̱xawe rü natura. Rü yexguma nüma ga Yoá ga Iraéanearü ãẽ̱xgacü rü ínayadau rü namaxã naxaxu rü ñanagürü: —¡Pa Chorü Corix, Pa Chorü Corix, cuma rü Iraéanecüã̱xgüca̱x rü ñoma wüxi i churaragütücumü i poraxü̃chixü̃rüxü̃ quixĩ! —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:12

Rü ñu̱xũchi ga yema taxre ga orearü uruü̃gü, rü nüxü̃ naxĩnüe ga wüxi ga naga ga tagaãcü daxũguxü̃ ga naanewa inaxũxü̃ ga ñaxü̃: “¡Nua daxũwa pexĩ!” ñaxü̃. Rü yemaacü ga nümagü rü wüxi ga caixanexü̃gu daxũguxü̃ ga naanewa naxĩ. Rü norü uanügü rü yéma nüxü̃ narüdaunü.

Efesios 4:8

Rü ngẽmaca̱x i Tupanaarü ore i ümatüxü̃wa rü ñanagürü: “Rü yexguma daxũguxü̃ ga naanewa naxũxgu, rü yéma tüxü̃ nagagü ga guxema marü tüxü̃ ínanguxü̃xẽxẽ. Rü duü̃xü̃güna nanaxã ga cua̱xgü”, ñanagürü i ngẽma ore.

2 Corintios 5:4

Rü ñaa toxone i ñu̱xma toxü̃́ ngẽxmaxü̃wa tamaxẽyane rü tanaxĩ̱xãchiãẽgü rü yáxna tarüngü rü tama aixcüma tataãẽgü. Rü tama ítanatáxchaü̃ i toxone i ñoma i naanewa toxü̃́ ngẽxmaxü̃, natürü tanaxwa̱xegü nax tanayaxuxü̃ i toxone i ngexwaca̱xü̃xü̃ nax ngẽmaãcü ngẽma maxü̃ i ngexwaca̱xü̃xü̃ iyanaxoxẽẽxü̃ca̱x i toxone i ñu̱xma toxü̃́ ngẽxmaxü̃.

2 Corintios 5:2

Rü ngẽmaca̱x i ñu̱xma i ñaa toxonewa tamaxẽyane rü yáxna tarüngü rü tama aixcüma tataãẽgü. Erü tanaxwa̱xe nax paxa toxü̃́ nangẽxmaxü̃ i ngẽma toxone i daxũguxü̃ i naanewa tá toxü̃́ ngẽxmaxü̃.

Ngechuchuarü ngúexü̃gü ga yamugüxü̃arü puracüchiga 8:2

Rü ñuxre ga yatügü ga meama Tupanaaxü̃́ yaxõgüxü̃ rü nanayauxgü ga Estébaü̃xü̃ne, rü inanata̱xgü rü poraãcü naxca̱x naxauxe.

Ngechuchuarü ngúexü̃gü ga yamugüxü̃arü puracüchiga 1:9

Rü yexguma yema ñaxguwena rü nüxü̃ ínadaunüyane ga norü ngúexü̃gü, rü Tupana rü daxũguxü̃ ga naanewa Ngechuchuxü̃ naga. Rü wüxi ga caixanexü̃gu nayaxücu, rü yemaacü tama wenaxarü nüxü̃ nadaugü.

Ore i mexü̃ ga Cuáü̃ ümatüxü̃ 3:13

Taguma texé daxũguxü̃ i naanewa taxũ. Natürü Tupana Nane nax duü̃xü̃xü̃ ixĩcüxicatama nixĩ ya ngéma ne ũcü rü ngéma tá ũcü.

Ore i mexü̃ ga Luca ümatüxü̃ 24:51

Rü yexguma yema ngúexü̃güca̱x nayumüxẽguwena rü nüxna nayachü̱xüxãchi. Rü Tupana rü daxũguxü̃ ga naanewa nanaga.

Ore i mexü̃ ga Luca ümatüxü̃ 2:15

Rü nawena nax daxũwa naxĩxü̃ ga yema orearü ngeruü̃gü, rü yema carnérugüarü dauruü̃gü rü nügümaxã ñanagürügü: —¡Ngĩxã Beréü̃wa ítayadau i ngẽma ngupetüxü̃ i Cori ya Tupana tüxü̃ nüxü̃ cua̱xẽxẽxü̃! —ñanagürügü.

Ore i mexü̃ ga Márcu ümatüxü̃ 16:19

Rü nüma ga Cori ga Ngechuchu rü yexguma norü ngúexü̃gümaxã yadexaxguwena, rü Tupana rü daxũguxü̃ ga naanewa nanaga. Rü Tupanaarü tügünecüwawa nayarüto.

Ichaía 37:21

Rü yemawena rü nüma ga Ichaía rü Echequíaca̱x yéma namuga rü ñanagürü: —Nüma ya Iraétanüxü̃arü Tupana rü ñanagürü cuxü̃: “Marü cuxü̃́ nüxü̃ chaxĩnü i ngẽma curü yumüxẽwa chomaxã nüxü̃ quixuxü̃ i Chenáqueri i Achíriaanearü ãẽ̱xgacüchiga”, ñanagürü.

Ichaía 37:15

Rü ñaãcü yéma nayayumüxẽ: —Pa Corix, Pa Tupana ya Guxãétüwa Ngẽxmacü ya Iraétanüxü̃arü Tupana Ixĩcü i Ñaa Nachica i Üünexü̃wa Ngẽxmacüx, rü cuxicatama nixĩ ya Tupana i norü yora quixĩxü̃ i guxü̃ma i nachixü̃anegü i ñoma i naanewa ngẽxmagüxü̃. Rü cumatama cunaxü ga daxũguxü̃ ga naane rü ñoma ga naane.

Ucu̱xẽgüchiga 30:4

¿Texé tixĩ ya yíxema marü daxũguxü̃ i naanegu ĩnagüxe rü ngéma írüxĩxe? ¿Rü texé tügüme̱xẽgu tayayauxema ya buanecü? ¿Rü texé tügüchirugu tananuque i már? ¿Rü texé nüxü̃ tixu nax ngexta yacuáxü̃ i ñoma i naane? ¿Rü texé nüxü̃ tacua̱x i naéga rü naneéga?

Ngechuchuarü ngúexü̃gü ga yamugüxü̃arü puracüchiga 27:24

Rü ñanagürü choxü̃: “¡Taxṹ i cumuü̃xü̃, Pa Paurux! Erü Rómaarü ãẽ̱xgacü ya Chécharupe̱xewa tá cungu, rü cugagu tá Tupana nanamaxẽxẽxẽ i guxü̃ma i ngẽma cumücügü i cumaxã ngẽxma wapurugu ĩxü̃”, ñanagürü choxü̃.

Ichaía 37:4

Bexmana nüma ya Cori ya curü Tupana rü marü nüxü̃ naxĩnü i ngẽma ore i nüxü̃ yaxuxü̃ i ngẽma Achíriaanearü churaragüeru i norü ãẽ̱xgacü nua muxü̃ nax Tupana ya Maxü̃cümaxã naguxchigaxü̃. Rü chierüna napoxcuãgu ya curü Cori ya Tupana naxca̱x i ngẽma ore i nümatama nüxü̃ naxĩnüxü̃. Rü ngẽmaca̱x chanaxwa̱xe i toxca̱x cuyumüxẽ i toma nax ítayaxügüxü̃ —ñanagürü ya ãẽ̱xgacü.

Ngu̱xẽẽtaeruü̃arü ore 7:19

Rü ngẽma cua̱x rü 10 i ãẽ̱xgacügü i wüxi ya ĩanemaxã icua̱xgüxü̃arü poraarü yexera tüxü̃ naporaxẽxẽ ya yíxema cua̱x tüxü̃́ ngẽxmaxe.

Ucu̱xẽgüchiga 11:11

Duü̃xü̃gü i mexü̃gu rüxĩnüexü̃arü ngü̃xẽẽmaxã nixĩ i naxüxü̃ ya wüxi ya ĩane, natürü ngẽma duü̃xü̃gü i chixexü̃gu rüxĩnüexü̃arü ore rü inayanaxoxẽxẽ ya yima ĩane.

Yox 22:30

Rü nüma ya Tupana rü tá curü guxchaxü̃güwa cuxü̃ ínanguxuchixẽxẽ, ega ngẽxguma taxuxü̃ma i chixexü̃ cuxü̱xgu. Rü ñu̱xũchi tá cuxü̃́ nüxü̃ inarüngüma i curü chixexü̃gü —ñanagürü ga Erifá.

Naanearü ügüchiga 37:34

Rü yexguma ga Acóbu rü nügü narügáutechiru, rü norü ngechaü̃maxã naneca̱x naxaure. Rü ñuxre ga yüxü naxauxecha.

Norü taxre ga popera ga ãẽ̱xgacügüchiga 2:13

Rü yemawena rü nüma ga Erichéu rü nanayaxu ga Eríachiru ga mámüxü̃ ga yéma nguxü̃. Rü natü ga Yudáü̃ca̱x nataegu rü yemacutügu nayachi.

Norü taxre ga popera ga ãẽ̱xgacügüchiga 5:13

Natürü ga norü duü̃xü̃gü rü naxca̱x naxĩ rü ñanagürügü nüxü̃: —Pa Corix, ngẽxguma chi yimá orearü uruxü̃ rü ta̱xacürü guxchaxü̃ cuxü̃ naxüxẽẽgu rü ngẽxguma rü chi cunaxü. Natürü i ñu̱xma nax natauxchaxü̃ i ngẽma cumaxã nüxü̃ yaxuxü̃ rü yexera name nixĩ i naga cuxĩnü. ¡Rü cugü nayaxunemare nawa i ngẽma natü nax ngẽmaãcü cuxca̱x yataanexü̃ca̱x! —ñanagürügü.

Norü taxre ga popera ga ãẽ̱xgacügüchiga 6:21

Rü yexguma ga nüma ga guma Iraéanecüã̱xgüarü ãẽ̱xgacü rü yema Chíriaanecüã̱xgüarü churaragüxü̃ nada̱u̱xgu, rü Erichéuna naca rü ñanagürü: —Pa Corix ¿namexü̃ nax chanadaixü̃? —ñanagürü.

Naanearü ügüchiga 5:24

Rü yema nax guxü̃guma Tupana naxwa̱xexü̃ãcüma namaxü̃xü̃ ga Enóx, rü wüxi ga ngunexü̃gu ngürümare inarütaxu yerü Tupana nayaga.

Ãẽ̱xgacügü ga guxchaxü̃güarü mexẽxẽruü̃gü 17:10

Rü yexguma nüma ga Micaía rü nüxü̃ ñanagürü: —Name nixĩ i nua chauxü̃tawa cumaxü̃ nax chorü chacherdóte quixĩxü̃ rü ñoma chaunatürüxü̃ quixĩxü̃. Rü choma rü tá 10 tachinü i diẽrumaxã cuxü̃́ chanaxütanü i wüxichigü ya taunecü. Rü ngẽxgumarüxü̃ tá ta cuxna chanaxã i naxchiru rü õna —ñanagürü.