Norü taxre ga popera ga ãẽ̱xgacügüchiga 2:11 - Tupanaarü Ore

¹¹ Rü yemaacü yadexatanüyane ga nax inaxĩxü̃ rü ngürüãchi naxca̱x nango̱x ga wüxi ga naweü̃ ga iya̱u̱xracüxǘne ga cowaru ga iya̱u̱xratanüxü̃ itúgüne, rü yema taxretanügu nayangaxi. Rü guma nixĩ ga Eríaxü̃ igaxü̃ne ga dauxü̃guxü̃ ga naanewa nagu ga wüxi ga buanecü ga íxã̱ũ̱xẽmacü.

Norü taxre ga popera ga ãẽ̱xgacügüchiga 2:11 Referans Kwoze

Norü taxre ga popera ga ãẽ̱xgacügüchiga 6:17

Rü nüma ga Erichéu rü nayumüxẽ rü ñanagürü: —Pa Corix, Pa Tupanax, cuxna chaca nax cunango̱xetüxẽẽxü̃ca̱x ya daa chorü ngü̃xẽẽruxü̃ nax nüxü̃ nadauxü̃ca̱x i ngẽma curü churaragü i torü dauruxü̃ ixĩgüxü̃ —ñanagürü. Rü nüma ga Cori ya Tupana rü nanango̱xetüxẽxẽ ga gumá Erichéuarü ngü̃xẽẽruxü̃. Rü nüxü̃ nadau ga guma ma̱xpǘne rü namaxã nanapa ga Tupanaarü churaragü ga cowaruétügu ĩxü̃ rü naweü̃ ga ñoma üxüemarüxü̃ ixĩgüne ga Erichéuxü̃ íchomaeguãchixü̃.

Popera ga Yudíugü ga yaxõgüxü̃ca̱x ümatüxü̃ 1:14

Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.

Wiyaegü 68:17

Rü nüma ya Tupana rü guxü̃nema ya naweü̃maxã Chinaíarü ma̱xpǘnewa ínaxũxũ nax napata ya Chióü̃wa ngẽxmanewa naxũxü̃ca̱x.

Ore i mexü̃ ga Márcu ümatüxü̃ 16:19

Rü nüma ga Cori ga Ngechuchu rü yexguma norü ngúexü̃gümaxã yadexaxguwena, rü Tupana rü daxũguxü̃ ga naanewa nanaga. Rü Tupanaarü tügünecüwawa nayarüto.

Chacaría 3:8

¡Rü dücax, Pa Yochuéx, rü mea rüxĩnü i cuma nax chacherdótegüarü ãẽ̱xgacü quixĩxü̃! Rü ngẽxgumarüxü̃ ta i cumücügü rü name nax mea inaxĩnüexü̃, erü pema rü wüxi i cua̱xruxü̃ pixĩgü nachiga ya yíxema tá nua chanaxũxẽxẽcü. Erü paxa tá nua petanüwa chanamu i wüxi i choxrü duü̃xü̃ i Dabítaxa i perü ãẽ̱xgacü tá ixĩcü.

Abacú 3:8

¿Pa Corix, namaxã cunu ẽ̱xna i ngẽma natügü? ¿Rü ngẽxgumarüxü̃ ta ẽ̱xna namaxã cunu i ngẽma már? ¿Rü ngẽmaca̱x curü cowarugügu quitoe rü ngẽxma márétügu namaxã cuyarüñaü̃xü̃wetaü̃xü̃ rü nagu quixũxü̃ ya yima curü caru ya guxü̃guma namaxã curüporamaene?

Naanearü ügüchiga 5:24

Rü yema nax guxü̃guma Tupana naxwa̱xexü̃ãcüma namaxü̃xü̃ ga Enóx, rü wüxi ga ngunexü̃gu ngürümare inarütaxu yerü Tupana nayaga.

Norü taxre ga popera ga ãẽ̱xgacügüchiga 2:1

Rü yexguma nawa nanguxchaü̃gu nax daxũguxü̃ ga naanewa Eríaxü̃ nagaxü̃ ga Cori ya Tupana nagu ga wüxi ga buanecü ga íxã̱ũ̱xẽmacü, rü nüma ga Ería rü wüxigu norü ngü̃xẽẽruxü̃ ga Erichéumaxã rü ĩane ga Guirigáwa ínachoxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:12

Rü ñu̱xũchi ga yema taxre ga orearü uruü̃gü, rü nüxü̃ naxĩnüe ga wüxi ga naga ga tagaãcü daxũguxü̃ ga naanewa inaxũxü̃ ga ñaxü̃: “¡Nua daxũwa pexĩ!” ñaxü̃. Rü yemaacü ga nümagü rü wüxi ga caixanexü̃gu daxũguxü̃ ga naanewa naxĩ. Rü norü uanügü rü yéma nüxü̃ narüdaunü.