Norü taxre ga popera ga ãẽ̱xgacügüchiga 16:4 - Tupanaarü Ore

⁴ Rü yema nachicagü ga tupananetagüca̱x ãmare íyagugüxü̃ ga ma̱xpǘnegüwa rü guxü̃ma ga naigü ga imeetaxü̃tüü̃wa, rü nüma ga Acáx rü yemawa ínanagu ga naxü̃nagü rü pumarate̱xegü.

Norü taxre ga popera ga ãẽ̱xgacügüchiga 16:4 Referans Kwoze

Wenaxarü naxümatü ga Tupanaarü mugü 12:2

¡Rü wüxicana penaxoxẽxẽ i guxü̃ma i ngẽma nachicagü i ma̱xpǘnegüwa ngẽxmagüxü̃ rü guxü̃ma i naigü i taxü̃tüxü̃wa ngẽxmagüxü̃ i ngextá ngẽma duü̃xü̃gü i tá ípewoxü̃xü̃ norü tupananetagüxü̃ nawa yacua̱xüü̃güxü̃!

Nüxíraxü̃xü̃ ga popera ga ãẽ̱xgacügüchiga 14:23

Yerü nümagü ga duü̃xü̃gü rü wüxichigü ga ma̱xpǘnewa rü wüxichigü ga nai ga itaetaxü̃tüxü̃wa norü tupananetagüca̱x nanaxü ga norü cua̱xüxü̃chicagü. Rü yéma nanatogüxẽxẽ ga nutagü rü naixpǘtagü nax yemaxü̃ yacua̱xüü̃güxü̃ca̱x.

Yeremía 17:2

Rü penegü rü pexacügü rü ta nüxna nacua̱xãchie i ngẽma tupananetachicüna̱xãgüarü ãmaregüarü guruü̃gü rü ngẽma Acheráchicüna̱xãgü ga naigü ga itaetaxü̃tüxü̃wa rü ngüchitaerugüxü̃wa rü naanegüwa yexmagüxü̃. Rü ngẽma perü pecadugügagu rü tá togüxü̃ chanadexẽxẽ i ngẽma perü ngẽmaxü̃gü rü perü diẽrugü rü ngẽma perü tupananetachicüna̱xãgü i guxü̃ma i perü naanewa ngẽxmagüxü̃.

Ichaía 66:17

Tupana rü ñanagürü: —Wüxigu tá nayue i ngẽma duü̃xü̃gü i nügü imexẽẽgüxü̃ nax putüranecüwa naxchicüna̱xãgüxü̃ yacua̱xüü̃güxü̃ca̱x rü ngẽma duü̃xü̃gü i nangõ̱xgüxü̃ i cuchimachi rü ü̃cagü rü togü i naeü̃gü i ãũãchixü̃. Rü wüxicana tá nayue i ngẽma duü̃xü̃gü, erü meama nüxü̃ chacua̱x i ngẽma chixexü̃ i naxügüxü̃ rü nagu naxĩnüexü̃. Rü ngẽxguma i choma rü tá íchangu nax chanangutaque̱xexẽẽxü̃ca̱x i guxü̃ne ya ĩanecüã̱xgü rü nachixü̃anecüã̱xgü. Rü nüma rü tá nua naxĩ rü tá nüxü̃ nadaugü i ngẽma chorü üünemaxã chaxüxü̃.

Ichaía 65:4

Rü ngẽma duü̃xü̃gü rü yuetamaü̃güwa narütogü rü ãxmaxü̃gügu napegü nax ngéma yuetaxü̃ yacua̱xüü̃güxü̃ca̱x. Rü nanangõ̱xgü i chu̱xuxü̃ i cuchimachi, rü norü paneragü rü ngẽma namachitüü̃maxã nayaxüãcugü.

Norü taxre ga popera ga ãẽ̱xgacügüchiga 14:4

Rü tama nagu nipogügü ga yema nachicagü ga duü̃xü̃gü norü tupananetaca̱x naxü̃nagü nagu daixü̃ rü pumarate̱xe ga yixichixü̃ nawa ínaguxü̃.

Wiyaegü 78:58

Rü Tupanaxü̃ nanuxẽẽgü namaxã ga yema ãmaregü ga tupananetagüca̱x íguxü̃. Rü nüxü̃ nicua̱xüü̃gü ga tupananetachicüna̱xãgü rü yemaacü Tupanaãẽwa nananguxẽẽgü.

Echequié 6:13

Rü ngẽxguma ngẽma maxẽxü̃ i duü̃xü̃gü nüxü̃ daugügu i ngẽma yuexü̃ i naxchicüna̱xãgüpe̱xegu nuquegüxü̃, rü ãmarearü guruü̃gücüwagu nuquegüxü̃, rü guxü̃ma i ngüchitaerugüxü̃gu nuquegüxü̃, rü ma̱xpǘnegügu nuquegüxü̃, rü guxü̃ma i nai i taetaxü̃tüü̃gu nuquegüxü̃, rü guxü̃ma i castaña i taetaxü̃tüü̃gu nuquegüxü̃, rü ñu̱xũchi ngẽma nachicagü i norü naxchicüna̱xãgüca̱x pumarate̱xe íyagugüxü̃gu nuquegüxü̃, rü ngẽxguma ngẽmaxü̃ nadaugügu i ngẽma duü̃xü̃gü i íyaxügüxü̃ rü tá nüxü̃ nicua̱xãchitanü nax choma chixĩxü̃ ya Cori ya Tupana.

Norü taxre ga popera ga ãẽ̱xgacügüchiga 12:4

Wüxi ga ngunexü̃gu rü nüma ga ãẽ̱xgacü ga Yoá rü chacherdóte ga Yoiadáxü̃ ñanagürü: —Name nixĩ i tanamexẽxẽ ya Tupanapata ya taxü̃ne. Rü ngẽmaca̱x name nixĩ i penade i guxü̃ma i ngẽma diẽru i woetama Tupanana üxü̃ rü ngẽma diẽru i wüxichigü i duü̃xü̃ norü ngúchaü̃maxã ixãxü̃. ¡Rü ñu̱xũchi curü duü̃xü̃gü i diẽrumaxã icua̱xgüxü̃maxã nüxü̃ ixu nax ngẽma diẽrumaxã namexẽxẽgüãxü̃ca̱x ya yima Tupanapata ya taxü̃ne! —ñanagürü.

Echequié 43:7

Rü choxü̃ ñanagürü: —Ñaa nixĩ i cha̱u̱xma̱xwe̱xechica, rü nachica i nagu chacuaixcutüxü̃. Rü ñaa nachicawa tá nixĩ i guxü̃gutáma Iraégütanügüwa chamaxü̃xü̃. Rü woo Iraétanüxü̃, rü woo norü ãẽ̱xgacügü rü taxũtáma wena norü tupananetagüca̱x nanaxãũãchixẽxẽ i chauéga i üünexü̃. Rü taxũtáma norü ãẽ̱xgacügü i yuexü̃chique̱xewa naxĩ nax nüxü̃ yacua̱xüü̃güxü̃ca̱x.