Norü taxre ga popera ga ãẽ̱xgacügüchiga 14:3 - Tupanaarü Ore

³ Rü nüma ga Amachía rü Cori ya Tupanape̱xewa mexü̃ naxü, natürü tama norü o̱xi ga Dabí üxü̃ ga mexü̃maxã nawüxigu. Yerü yema nanatü ga Yoá üxü̃tama naxü.

Norü taxre ga popera ga ãẽ̱xgacügüchiga 14:3 Referans Kwoze

Nüxíraxü̃xü̃ ga popera ga Pedru ümatüxü̃ 1:18

Rü Tupana rü marü pexü̃ ínanguxü̃xẽxẽ nawa ga yema nũxcümaü̃xü̃ ga perü maxü̃ ga taxuwama mexü̃ ga perü o̱xigüwa peyaxuxü̃. Rü yema nax nawa pexü̃ ínanguxü̃xẽẽxü̃ca̱x rü pexna naxããxü̃ca̱x i maxü̃ i ngexwaca̱xü̃xü̃, rü poraãcü nüxü̃́ natatanü. Yerü tama úiru rü ẽ̱xna diẽru i ngauxwa̱xexü̃maxã nanaxütanü, natürü nagü ya Cristu ya mexẽchicümaxã nixĩ ga naxütanüãxü̃. Rü nüma ga Cristu rü ñoma wüxi i carnéru i taxuwama nañuxraü̃xü̃ i Tupanaca̱x imáxü̃rüxü̃ pexca̱x nayu nax pexü̃ naxütanüxü̃ca̱x.

Yeremía 16:19

Rü choma i Yeremía rü Cori ya Tupanana chacaama rü ñachagürü: —Pa Corix ya Chorü Poraxẽẽruxü̃ rü Chorü Tüpechitaruxü̃, rü cuma nixĩ i choxü̃ ícupoxü̃xü̃ i ngẽxguma ãũcümaxü̃wa changexmagu. Rü cuxü̃tawa tá naxĩ i nachixü̃anecüã̱xgü i naane iyacuáxü̃wa ne ĩxü̃, rü cuxü̃ tá ñanagürügü: “Yema nũxcümaü̃güxü̃ ga torü o̱xigü rü yema taxuwama mexü̃ rü ngearü poraáxü̃ ga tupananetachicüna̱xãgü nixĩ ga namaxã natupanaã̱xgüxü̃”, ñanagürügü tá.

Norü taxre ga to ga popera ga ãẽ̱xgacügüchiga ümatüxü̃ 24:17

Rü nawena nax nayuxü̃ ga Yoiadá rü ãẽ̱xgacü ga Yoáxü̃tawa naxĩ ga Yudáanearü ãẽ̱xgacügü rü Yoáxü̃ narümecugü. Rü nüma ga ãẽ̱xgacü rü nanayaxu ga norü ucu̱xẽgü ga nüxna naxãgüxü̃.

Norü taxre ga to ga popera ga ãẽ̱xgacügüchiga ümatüxü̃ 24:2

Rü yexguma namaxü̃gu ga chacherdóte ga Yoiadá rü guxü̃ma ga yema Yoá üxü̃ rü Cori ya Tupanape̱xewa rü name.

Norü taxre ga popera ga ãẽ̱xgacügüchiga 12:2

Rü yema naxüxü̃ ga Yoá rü name ga Cori ya Tupanape̱xewa, yerü nüma ga chacherdóte ga Yoiadá rü mexü̃maxã nanaxucu̱xẽ.

Nüxíraxü̃xü̃ ga popera ga ãẽ̱xgacügüchiga 15:3

Rü nüma ga Abía rü yematama nanatü üxü̃ ga chixexü̃ naxü, rü tama aixcüma Cori ya norü Tupanaga naxĩnü. Rü tama gumá norü o̱xi ga Dabí ga meama Tupanaca̱x maxü̃cürüxü̃ nixĩ.

Nüxíraxü̃xü̃ ga popera ga ãẽ̱xgacügüchiga 11:4

Rü yexguma marü yaxguã̱x yixĩxgu ga Charomóü̃, rü yema naxma̱xgü rü nanatoãẽgü nax yemaacü togü ga tupanagüwe naxũxü̃ca̱x. Rü tama nanatü ga Dabírüxü̃ aixcüma Cori ya Tupanawe narüxũ.

Norü taxre ga popera ga ãẽ̱xgacügüchiga 14:2

Rü nüma ga Amachía rü 25 ga taunecü nüxü̃́ nayexma ga yexguma ãẽ̱xgacüxü̃ yangucuchigu. Rü 29 ga taunecü nixĩ nax ĩane ga Yerucharéü̃wa ãẽ̱xgacü yixĩxü̃. Rü naé rü Yoadáü̃ nixĩ ga ngĩéga, rü ngĩma rü Yerucharéü̃cüã̱x iyixĩ.

Norü taxre ga popera ga ãẽ̱xgacügüchiga 14:4

Rü tama nagu nipogügü ga yema nachicagü ga duü̃xü̃gü norü tupananetaca̱x naxü̃nagü nagu daixü̃ rü pumarate̱xe ga yixichixü̃ nawa ínaguxü̃.

Nüxíraxü̃xü̃ ga popera ga ãẽ̱xgacügüchiga 3:3

Rü nüma ga Charomóü̃ rü Cori ya Tupanaxü̃ nangechaü̃ rü nayanguxẽxẽ ga yema mugü ga nanatü ga Dabí nüxü̃ ixuxü̃. Natürü Cori ya Tupanaca̱x ãmare nadai rü pumarate̱xe ínagu nawa ga yema nachicagü ga ma̱xpǘnewa yexmagüxü̃.

Nüxíraxü̃xü̃ ga popera ga ãẽ̱xgacügüchiga 15:11

Rü yema Achá üxü̃ rü Tupanape̱xewa name, yema norü o̱xi ga Dabí üxü̃rüxü̃.

Norü taxre ga popera ga ãẽ̱xgacügüchiga 18:3

Rü yema Echequía üxü̃ rü name ga Cori ya Tupanape̱xewa guma nũxcümaü̃cü ga norü o̱xi ga Dabí üxü̃rüxü̃.

Norü taxre ga popera ga ãẽ̱xgacügüchiga 22:2

Rü nüma ga Yochía rü Tupanape̱xewa mexü̃ naxü. Yerü nũxcümaü̃cü ga norü o̱xi ga Dabícümagu nixũ. Rü taguma ta̱xacüca̱x ñuxgu nüxna ínaxũxũ ga yema nacüma ga mexü̃.