Norü taxre ga popera ga ãẽ̱xgacügüchiga 13:5 - Tupanaarü Ore

⁵ Rü nüma ga Tupana rü yéma nanamu ga wüxi ga ngü̃xẽẽruxü̃ nax Chíriaanearü ãẽ̱xgacüme̱xẽwa Iraéanecüã̱xgüxü̃ ínanguxü̃xẽẽxü̃ca̱x. Rü yemaacü ga Iraéanecüã̱xgü rü noxrirüxü̃ taãẽãcü namaxẽ ga napatagüwa.

Norü taxre ga popera ga ãẽ̱xgacügüchiga 13:5 Referans Kwoze

Neemía 9:27

Rü yemaca̱x ga cuma rü norü uanügüme̱xẽgu cunayixẽxẽ. Rü nümagü rü ngúxü̃ nüxü̃ ningexẽẽgü. Rü yemawena ga yexguma marü tama namaxã naporaegu ga yema ngúxü̃ nax yangegüxü̃, rü ngü̃xẽẽca̱x cuxna nacagü. Rü cuma nax poraãcü nüxü̃ cungechaxü̃xü̃ rü yemaca̱x nüxü̃ cuxĩnü ga daxũguxü̃ ga naanewa. Rü yemaca̱x natanüwa nüxü̃ cuxuneta ga yatügü nax norü uanügüme̱xẽwa ínanguxü̃xẽẽãxü̃ca̱x.

Norü taxre ga popera ga ãẽ̱xgacügüchiga 14:27

Rü yemaca̱x ga nüma ga Cori ya Tupana rü Yoá nane ga Yeruboáü̃xü̃ namu nax Iraéanecüã̱xgüxü̃ nangü̃xẽẽxü̃ca̱x nax tama iyanaxoxüchixü̃ca̱x ga naéga ga Iraétanüxü̃ ga ñoma ga naanewa.

Norü taxre ga popera ga ãẽ̱xgacügüchiga 14:25

Rü nüma ga Yeruboáü̃ rü noxritamaarü üyeanegu nanayaxu ga nax yapuyeaneãxü̃ ga Iraéane. Rü ĩane ga Amáca̱x íxücuxü̃wa inanaxügü rü ñu̱xmata Már Arabágu nayacua̱xẽxẽ nax Iraéanecüã̱xgüarü yixĩxü̃. Rü yemaacü ningu ga yema Cori ga norü Tupana nüxü̃ ixuxü̃ nawa ga norü orearü uruxü̃ ga Yoná ga Amitái nane ga ĩane ga Gax-éfecüã̱x.

Norü taxre ga popera ga ãẽ̱xgacügüchiga 13:25

Rü nüma ga Yoá rü Yoacá nane nixĩ. Rü nüma ga Yoá rü Ben-adáxna nanapuxü̃ ga guma ĩanegü ga Achaé puxü̃ne nüxna ga Yoacá ga Yoá nanatü. Rü nüma ga Yoá rü tomaepü̱xcüna Ben-adáxü̃ narüporamae, rü yemaacü Iraéaneca̱x nanawoeguxẽxẽ ga guma ĩanegü.

Ore i mexü̃ ga Luca ümatüxü̃ 2:11

Erü ñu̱xma rü Dabíarü ĩane ya Beréü̃gu nabu ya wüxi ya maxẽxẽẽruxü̃. Rü nüma rü Cori ya Cristu nixĩ.

Abdía 1:21

Rü ngẽma Iraétanüxü̃ ga norü uanügüxü̃ rüporamaegüxü̃ rü tá naxca̱x nawoegu ya yima ma̱xpǘne ya Chióü̃ nax ngéma namaxã inacua̱xgüxü̃ca̱x i ngẽma máxpü̱xanexü̃ i Echaútanüxü̃arü ixĩxü̃. Rü nüma ya Cori ya Tupana tá nixĩ i guxü̃arü ãẽ̱xgacü yixĩxü̃.

Ichaía 19:20

Rü ngẽma rü wüxi i cua̱xruxü̃ tá nixĩ nax ngẽmawa duü̃xü̃gü nüxü̃ nacua̱xgüxü̃ca̱x nax Equítuanewa Cori ya Tupanaxü̃ yacua̱xüü̃güxü̃. Rü ngẽxguma ngẽma Equítuanecüã̱xgü rü Cori ya Tupanana nacagügu nax ngẽma duü̃xü̃gü i chixri namaxã chopetüxü̃me̱xẽwa ínanguxü̃xẽẽãxü̃ca̱x, rü nüma ya Cori ya Tupana rü tá natanüwa nanamu i wüxi i norü ngü̃xẽẽruxü̃ nax ínapoxü̃ãxü̃ca̱x rü ínanguxü̃xẽẽãxü̃ca̱x naxme̱xwa i norü uanügü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 11:2

Natürü woo yexguma tórü ãẽ̱xgacü yixĩxgu ga Chaú, natürü cuma nixĩ ga Iraéanearü churaragümaxã icucuáxü̃ ga yexguma tórü uanügümaxã nügü nadaixgu. Rü ñu̱xũchi nüma ya Cori ya curü Tupana rü cumaxã inaxuneta nax cuma yixĩxü̃ i tomaxã icucuáxü̃ nax torü ãẽ̱xgacü quixĩxü̃ca̱x —ñanagürügü.

1 Chamué 19:7

Yexguma ga Yonatáü̃ rü Dabíca̱x nayaca rü namaxã nüxü̃ nixu ga nanatüarü dexa. Rü yemawena rü nanatü ga Chaúxü̃tawa namaxã naxũ, rü Dabí rü wenaxarü Chaúxü̃tawa nayexma noxrigurüxü̃tama.

Wenaxarü naxümatü ga Tupanaarü mugü 19:4

Rü ngẽma máetaxü̃ rü ngẽxguma aixcüma yixĩxgu nax tama nagu naxĩnüãcüma rü tama tümachi naxaiãcüma tüxü̃ yama̱xcüraxü̃xü̃, rü marü name i ngexnerüne ya yima ĩanegu yanacúxü̃ca̱x nax ngẽmaãcü tama yama̱xgüãxü̃ca̱x i ngẽma natanüxü̃ i ngẽma duü̃xü̃ i yuxü̃.

Ínachoxü̃xü̃chiga 4:10

Rü yexguma ga Moiché rü Tupanaxü̃ nangãxü̃, rü ñanagürü nüxü̃: —Acha̱xa, Pa Corix, choma rü choxü̃́ naguxcha nax chidexaxü̃. Rü taguma choxü̃́ natauxcha woo ga ü̃pa rü woo i ñu̱xma rü ta ngẽxgumarüü̃tama chixĩ —ñanagürü.

Ester 4:14

Rü ñu̱xma nax ngéma cungea̱xmarexü̃ rü tama naétüwa nax cuchogüxü̃ i tatanüxü̃ i Yudíugü, rü tóxnamana tá ne naxũ i ngü̃xẽxẽ nax nawa íinguxü̃xü̃ca̱x i ngẽma guxchaxü̃, natürü i cumax rü ngẽma cunatütanüxü̃ rü tá nayue. Rü nagu charüxĩnü nax toxü̃ ícupoxü̃xü̃ca̱x nixĩ i ãẽ̱xgacüma̱xwa nax cunguxü̃ i ñu̱xmax —ñanagürü.

1 Chamué 12:11

Rü yemaca̱x ga Tupana rü Yerubaáxü̃ rü Baráxü̃ rü Yetéxü̃ rü Chamuéxü̃ yéma namu nax perü uanügüme̱xẽwa pexü̃ ínanguxü̃xẽẽxü̃ca̱x. Rü ngẽmaca̱x nixĩ i ñu̱xma rü taãẽwa pengẽxmagüxü̃.