Norü taxre ga popera ga ãẽ̱xgacügüchiga 13:4 - Tupanaarü Ore

⁴ Rü yemaca̱x ga nüma ga Yoacá rü nayumüxẽ rü Cori ya Tupanana naca. Rü nüma ga Cori ya Tupana rü nanangãxü̃ ga yema norü yumüxẽ yerü nüxü̃ nadau nax ñuxãcü yema Chíriaanearü ãẽ̱xgacü rü ngúxü̃ Iraéanecüã̱xgüxü̃ yangexẽẽxü̃.

Norü taxre ga popera ga ãẽ̱xgacügüchiga 13:4 Referans Kwoze

Norü taxre ga popera ga ãẽ̱xgacügüchiga 14:26

Yerü nüma ga Cori ya Tupana rü nüxü̃ nadau nax poraãcü ngúxü̃ yangegüxü̃ ga guxü̃ma ga yema Iraéanecüã̱xgü. Rü woo yema coriã̱xgüxü̃ rü woo yema tama coriã̱xgüxü̃ rü taxúema nawa iñaxü̃ ga ngúxü̃ ningegü, yerü taxuxü̃ma Iraéanecüã̱xgüxü̃ narüngü̃xẽxẽ.

Ínachoxü̃xü̃chiga 3:7

Natürü nüma ga Cori ya Tupana rü ñanagürüama nüxü̃: —Meaxü̃chima nüxü̃ chadau nax ñuxãcü ngúxü̃ yangegüxü̃ i ngẽma chorü duü̃xü̃gü i Equítuanewa ngẽxmagüxü̃. Rü norü yumüxẽwa nüxü̃ chaxĩnü nax ñuxãcü norü dauruü̃güxü̃ nax ínaxuaxü̃güxü̃. Rü ngẽmaãcü meama nüxü̃ chacua̱x nax ñuxãcü ngúxü̃ yangegüxü̃.

Wiyaegü 78:34

Rü yexguma Tupana napoxcueguama ga yema duü̃xü̃gü rü yexgumama poraãcü naxca̱x nadaugü rü naxca̱x nawoegu. Rü nüxna nacua̱xãchie ya yimá Tupana ya Guxü̃étüwa Ngẽxmacü ga norü dauruxü̃ rü norü poxü̃ruxü̃ ixĩcü.

Yeremía 33:3

“¡Choxna naca rü tá cuxü̃ changãxü̃! Rü tá cuxü̃ nüxü̃ chacua̱xẽxẽ i ta̱xacü i taxü̃ i ẽxü̃guxü̃ i taguma nüxü̃ cucuáxü̃.

Ichaía 63:9

Rü nüma ya Tupana rü tama togüxü̃ núma namuxü̃ nax norü duü̃xü̃güxü̃ ínanguxü̃ẽẽxü̃ca̱x. Rü nümatama ya Tupana nixĩ ga ínanguxü̃xẽẽãxü̃ nawa ga norü ĩ̱xãchiãxẽ yerü poraãcü nüxü̃ nangechaxü̃ rü nüxü̃́ nangechaü̃tümüxü̃gü. Rü yemaca̱x guxü̃guma norü uanügüme̱xẽwa ínananguxü̃xẽxẽ.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Iraétanüxü̃arü muxchiga 21:7

Rü nüma ga duü̃xü̃gü rü Moichéca̱x naxĩ rü ñanagürügü nüxü̃: —Aixcüma chixexü̃ taxügü yerü chixri cuchiga rü Corichiga tidexagü. ¡Rü nüxna nachogü ya Cori ya Tupana nax toxna yaxĩgachixẽẽãxü̃ca̱x i ñaa ãxtapegü! —ñanagürügü. Rü nüma ga Moiché rü Cori ya Tupanana naca nax Iraétanüxü̃axü̃́ nüxü̃ nangümaxü̃ca̱x ga norü chixexü̃gü.

Ínachoxü̃xü̃chiga 3:9

Rü dücax, rü marü nüxü̃ chaxĩnü nax ñuxãcü ngẽma Equítuanecüã̱xgüxü̃ ínaxuaxü̃güxü̃ i ngẽma Iraétanüxü̃, rü nüxü̃ chadau nax ñuxãcü poraãcü chixri namaxã nachopetüxü̃.

Naanearü ügüchiga 21:17

Natürü ga Tupana rü nüxü̃ naxĩnü ga gumá bucü nax naxaxuxü̃. Rü wüxi ga daxũcüã̱x i orearü ngeruxü̃ rü daxũwa Agána nacagü rü ñanagürü: —¿Ta̱xacü cuxü̃ nangupetü, Pa Agáx? ¡Taxṹ i cumuü̃xü̃! Erü Tupana rü marü nüxü̃ naxĩnü i norü axu ya yimá curü bucü i ngéma ínaxaxuxü̃wa.

Yeremía 2:27

Rü pemax, Pa Iraétanüxü̃x, rü wüxi ya nai rü ñaperügügü nüxü̃: “Cuma nixĩ i tonatü quixĩxü̃”, ñaperügügü nüxü̃. Rü wüxi ya nuta rü ñaperügügü nüxü̃: “Cuma nixĩ i toé”, ñaperügügü nüxü̃. Natürü i choma rü choxna pexãgüca̱xwexmare rü tama choxü̃ perüdaunüchaü̃. Natürü ngẽxguma ãũcümaxü̃wa pengẽxmagügu rü cha̱u̱xca̱x peca rü ñaperügügü: “¡Paxa nua naxũ nax toxü̃ curüngü̃xẽẽxü̃ca̱x!” ñaperügügü.

Norü taxre ga to ga popera ga ãẽ̱xgacügüchiga ümatüxü̃ 33:19

Rü norü yumüxẽchiga, rü norü yumüxẽarü ngãxü̃chiga, rü ñuxãcü nax chixexü̃ naxüxü̃chiga, rü ñuxãcü ma̱xpǘnegügu tupananetagüca̱x ínaxüxü̃ãxü̃ ga ngutaque̱xechicagüchiga, rü ñuxãcü yemagu yanuaxü̃ ga Acheráchicüna̱xã rü togü ga tupananetachicüna̱xãgüchiga, rü yema naxü naxü̃pa ga nax Cori ya Tupanamaxã nüxü̃ yaxuxü̃ ga norü chixexü̃ rü nape̱xegu nügü ínaxíraxü̃, rü guxü̃ma i ngẽma rü Tupanaarü orearü uruü̃gü ümatüxü̃ i poperagu naxümatü.

Norü taxre ga popera ga ãẽ̱xgacügüchiga 13:22

Rü yexguma Yoacá maxü̃gu, rü nüma ga Achaé ga Chíriaanearü ãẽ̱xgacü rü Iraéanecüã̱xgüxü̃ ngúxü̃ ningexẽxẽ.

Ãẽ̱xgacügü ga guxchaxü̃güarü mexẽxẽruü̃gü 10:10

Rü yexguma ga Iraétanüxü̃ rü Cori ya Tupanana ngü̃xẽẽca̱x nacagüe rü ñanagürügü: —Pa Tórü Tupanax, cupe̱xewa chixexü̃ taxügü rü cuxna tixĩgachi nax nüxü̃ ticua̱xüü̃güxü̃ca̱x i ngẽma tupananetagümare —ñanagürügü.

Naanearü ügüchiga 31:42

Rü yexguma taxũchima chomaxã nayexmagu ga Abraáü̃arü Tupana ga chaunatü ga Ichaá nüxü̃ icua̱xüxü̃cü, rü nüxü̃ chacua̱x nax taxuxü̃ma i ngẽmaxü̃maxã chi choxü̃ ícumuxũchixü̃. Natürü Tupana rü nüxü̃ nadau nax changechaü̃xü̃, rü nüxü̃ nadau i ngẽma puracü i chaxüxü̃, rü ngẽmaca̱x nixĩ i ngewa̱x chütacü i cuxü̃ nax naxoregüxü̃ —ñanagürü ga Acóbu.

Ichaía 26:16

Rü yexguma guxchaxü̃ toxca̱x ínguxgu, Pa Corix, rü cuxca̱x tadaugüama naétüwa ga yema ngúxü̃ ga toxca̱x ícunguxẽẽxü̃ nax toxü̃ curüwe̱xãchigüxẽẽxü̃ca̱x.

Norü taxre ga popera ga ãẽ̱xgacügüchiga 13:23

Natürü nüma ga Cori ya Tupana rü nüxü̃́ nangechaü̃tümüü̃gü ga yema Iraéanecüã̱xgü yerü Abraáü̃maxã rü Ichaámaxã rü Acóbumaxã marü inaxuneta. Rü yemaca̱x poraãcü yema Iraétanüxü̃gu narüxĩnü rü tama nanaxwa̱xe nax nadaiaxü̃ rü nügüpe̱xewa ínawoxü̃ãxü̃. Rü ñu̱xma rü ta rü tama nüxü̃ naxo rü tama ínanawogü.

Édra 8:23

Rü yemaca̱x aureãcüma tayumüxẽgü rü Tupanana tacagüe nax toxna nadauxü̃ca̱x. Rü nüma rü aixcüma toxü̃ nangãxü̃.

Yox 22:27

Rü ngẽxguma curü yumüxẽwa ta̱xacüca̱x nüxna cuca̱xgu, rü nüma rü tá cuxü̃ naxĩnü. Rü cuma rü tá cuyanguxẽxẽ i guxü̃ma i ngẽma namaxã icuxunetaxü̃.