Norü taxre ga popera ga ãẽ̱xgacügüchiga 12:3 - Tupanaarü Ore

³ Natürü tama nagu napogüe ga yema tupananetagüarü ãmarearü guruü̃gü, rü yemaca̱x ga duü̃xü̃gü rü yéma nayanagugüama ga ãmaregü rü ñu̱xũchi pumarate̱xe ga yixichixü̃.

Norü taxre ga popera ga ãẽ̱xgacügüchiga 12:3 Referans Kwoze

Norü taxre ga popera ga ãẽ̱xgacügüchiga 14:4

Rü tama nagu nipogügü ga yema nachicagü ga duü̃xü̃gü norü tupananetaca̱x naxü̃nagü nagu daixü̃ rü pumarate̱xe ga yixichixü̃ nawa ínaguxü̃.

Norü taxre ga popera ga ãẽ̱xgacügüchiga 18:4

Rü nüma ga Echequía nixĩ ga duü̃xü̃güxü̃ namuxü̃ nax nagu napogüexü̃ca̱x ga yema nachicagü ga tupananetachicüna̱xãgü nawa yexmagüxü̃. Rü guma nutagü ga duü̃xü̃gü nüxü̃ icua̱xüü̃gücü rü íxraxü̃gu nanapo. Rü yema Acheráchicüna̱xãgü rü nayapuexẽxẽ. Rü nagu nabügüe ga yema ãxtapechicüna̱xã ga bróũchenaxca̱x ga Moiché üxü̃ ga Iraéanecüã̱xgü nape̱xewa pumarate̱xe igugüxü̃. Rü yema ãxtapechicüna̱xã rü Neucháü̃gu nanaxüéga.

Nüxíraxü̃xü̃ ga popera ga ãẽ̱xgacügüchiga 22:43

Rü nüma ga Yochapáx rü mexü̃ ga nacümagu nixũ, rü yema nanatü ga Achá nagu ixũxü̃gu nixũ. Rü guxü̃ma ga yema naxüxü̃ rü Cori ya Tupanape̱xewa rü name. Natürü tama inayanaxoxẽxẽ ga yema nachicagü ga nawa duü̃xü̃gü tupananetachicüna̱xãgüca̱x naxü̃nagü yagugüxü̃ rü pumara iyixichixü̃ naxca̱x nawa yagugüxü̃.

Nüxíraxü̃xü̃ ga popera ga ãẽ̱xgacügüchiga 15:14

Rü woo tama nanaxoxẽxẽ ga yema tupananetaarü ngutaque̱xechicagü, natürü nüma ga Achá rü guxü̃guma Cori ya Tupanaweama narüxũ.

Yeremía 2:20

Rü nũxcümacürüwatama nixĩ ga choxna pixĩgachixü̃ rü tama chauga pexĩnüechaxü̃xü̃. Rü ñaperügügü: “Tama cuga taxĩnüechaü̃”, ñaperügügü. Pema rü pechauechitae ñoma wüxi i ngexü̃ i natena ngeãẽxü̃rüxü̃, yerü guxü̃ma ga ma̱xpǘnegüwa rü guxü̃ma ga naigü ga imeetaxü̃tüü̃wa nüxü̃ picua̱xüü̃gü ga yema tupananetachicüna̱xãgü.

Norü taxre ga to ga popera ga ãẽ̱xgacügüchiga ümatüxü̃ 31:4

Rü ñu̱xũchi nüma ga ãẽ̱xgacü rü yema duü̃xü̃gü ga Yerucharéü̃wa maxẽxü̃xü̃ namu nax chacherdótegüna rü Lebítanüxü̃na naxãgüãxü̃ca̱x ga yema ãmaregü rü diẽru ga nüxna üxü̃, nax yemaacü aixcüma mea naxügüã̱xü̃ca̱x rü yanguxẽẽgüãxü̃ca̱x ga yema puracü ga Cori ya Tupana nagu namugüxü̃.

Norü taxre ga popera ga ãẽ̱xgacügüchiga 12:2

Rü yema naxüxü̃ ga Yoá rü name ga Cori ya Tupanape̱xewa, yerü nüma ga chacherdóte ga Yoiadá rü mexü̃maxã nanaxucu̱xẽ.

Norü taxre ga popera ga ãẽ̱xgacügüchiga 15:4

Natürü nüma ga Acharía rü tama nagu nipogü ga yema nachicagü ga nawa duü̃xü̃gü tupananetagüxü̃ yacua̱xüü̃güxü̃. Rü duü̃xü̃gü rü yema nachicagügu tupananetagüca̱x naxü̃nagü nadaiama rü pumarate̱xe ga yixichixü̃ ínaguama.

Nüxíraxü̃xü̃ ga popera ga ãẽ̱xgacügüchiga 15:11

Rü yema Achá üxü̃ rü Tupanape̱xewa name, yema norü o̱xi ga Dabí üxü̃rüxü̃.

Norü taxre ga popera ga ãẽ̱xgacügüchiga 15:3

Rü yema naxüxü̃ ga Acharía rü name ga Cori ya Tupanape̱xewa, gumá nanatü ga Amachía üxü̃rüxü̃.

Norü taxre ga popera ga ãẽ̱xgacügüchiga 18:3

Rü yema Echequía üxü̃ rü name ga Cori ya Tupanape̱xewa guma nũxcümaü̃cü ga norü o̱xi ga Dabí üxü̃rüxü̃.

Norü taxre ga popera ga ãẽ̱xgacügüchiga 22:2

Rü nüma ga Yochía rü Tupanape̱xewa mexü̃ naxü. Yerü nũxcümaü̃cü ga norü o̱xi ga Dabícümagu nixũ. Rü taguma ta̱xacüca̱x ñuxgu nüxna ínaxũxũ ga yema nacüma ga mexü̃.