Norü taxre ga popera ga ãẽ̱xgacügüchiga 11:4 - Tupanaarü Ore

⁴ Rü yexguma marü 7 ga taunecü ngĩxü̃́ inguxgu ga ãẽ̱xgacü nax yixĩxü̃ ga Ataría, rü nüma ga chacherdóte ga Yoiadá rü naxca̱x nangema ga yema churaragüerugü ga Queretéugü ga ãẽ̱xgacüpatamaxã icua̱xgüxü̃ rü yema capitáü̃gü ga ãẽ̱xgacüna daugüxü̃, rü Cori ya Tupanapata ga taxü̃negu nanamucu ga yema nüma ínayexmaxü̃wa. Rü yéma Tupanaégagu yema churaragüerumaxã inaxüga nax tama nüxü̃ yaxugüexü̃ca̱x nax namaxü̃xü̃ ga Ocochía nane ga Yoá. Rü yemawena rü Yoáxü̃ nango̱xẽxẽ nax nüxü̃ nadaugüxü̃ca̱x.

Norü taxre ga popera ga ãẽ̱xgacügüchiga 11:4 Referans Kwoze

Norü taxre ga popera ga ãẽ̱xgacügüchiga 11:19

Rü ñu̱xũchi nüma ga chacherdóte ga Yoiadá rü naxca̱x naca ga yema churaragüeru ga Queretéugü ga ãẽ̱xgacüpatamaxã icua̱xgüxü̃ rü ga capitáü̃ ga ãẽ̱xgacüna daugüxü̃ rü guxü̃ma ga duü̃xü̃gü. Rü wüxigu guma Tupanapata ga taxü̃newa inaxĩãchi nax ãẽ̱xgacüpatawa nagagüãxü̃ca̱x ga guma ãẽ̱xgacü. Rü yema ĩã̱x ga ãẽ̱xgacüpatape̱xewaama yexmaxü̃wa namaxã nichocu. Rü nüma ga ãẽ̱xgacü ga Yoá rü norü tochicaxü̃wa nayarüto.

Norü taxre ga popera ga ãẽ̱xgacügüchiga 11:9

Rü nüma ga yema churaragüeru rü chacherdóte ga Yoiadága naxĩnüe rü nanaxügü ga yema namaxã nüxü̃ yaxuxü̃. Rü wüxichigü ga yema churaragüeru rü norü churaragütücumümaxã inacua̱x. Rü yemaacü yema chocuxü̃ ga churaragü ga ãẽ̱xgacüpatawa dauxü̃taegüxü̃, rü yema churaragü ga yema puracüwa íchoxü̃xü̃, rü wüxichigü ga ngü̃chigaarü ngunexü̃gu guma chacherdótepe̱xewa naxĩĩxü̃.

Norü taxre ga to ga popera ga ãẽ̱xgacügüchiga ümatüxü̃ 15:12

Rü yemawena rü wüxigu nüxü̃ nixugüe nax guxü̃nema ya norü maxü̃negümaxã tá naga naxĩnüexü̃ ya Cori ya norü o̱xigüarü Tupana.

Norü taxre ga popera ga ãẽ̱xgacügüchiga 11:17

Rü yemawena nüma ga chacherdóte ga Yoiadá rü Tupanamaxã inaxüga nax nüma ga ãẽ̱xgacü rü guxü̃ma ga duü̃xü̃gü rü Tupanaga tá naxĩnüexü̃. Rü yexgumarüxü̃ ta rü ãẽ̱xgacümaxã inaxügagü ga duü̃xü̃gü nax nümagü rü tá aixcüma ãẽ̱xgacüga naxĩnüexü̃ rü nüma ga ãẽ̱xgacü rü duü̃xü̃gümaxã inaxüga nax nüma rü tá mea duü̃xü̃gümaxã inacuáxü̃.

Ngechuchuarü ngúexü̃gü ga yamugüxü̃arü puracüchiga 5:26

Rü yéma naxĩ ga Tupanapataarü purichíagüarü ãẽ̱xgacü wüxigu namaxã ga norü purichíagü nax yagagüãxü̃ca̱x. Natürü meamare yema ngúexü̃güxü̃ nigagü yerü namuü̃e nax duü̃xü̃gü nutamaxã yamuxü̃tanüxü̃.

Ngechuchuarü ngúexü̃gü ga yamugüxü̃arü puracüchiga 5:24

Rü yexguma yema orexü̃ naxĩnüegu ga yema chacherdótegüaru ãẽ̱xgacü rü yema togü ga chacherdótegü ga ãẽ̱xgacügü ixĩgüxü̃ rü yema Tupanapata ga taxü̃nearü purichíagüarü ãẽ̱xgacü rü guxü̃ma naba̱i̱xãchie yerü tama nüxü̃ nacua̱xgü ga ngextá tá nax nanguxü̃ ga guxü̃ma ga yema rü ñuxãcü tá nax iyanaxoxẽxẽgüaxü̃.

Neemía 10:29

Rü guxãma ga toma rü mea tanayauxgü ga yema uneta rü nüxü̃ tixu nax aixcüma tá mea naga taxĩnüexü̃ i ngẽma Tupanaarü mugü rü ucu̱xẽgü ga nüma ya Tupana norü duü̃ ga Moichéna naxãxü̃.

Neemía 9:38

Rü yemaca̱x ga guxãma ga toma rü Tupanamaxã nüxü̃ tixu nax aixcüma tá naga taxĩnüexü̃ ga norü mugü. Rü nape̱xewa poperagu tanaxümatü ga yema namaxã nüxü̃ tixuxü̃. Rü toma ga ãẽ̱xgacügü, rü Lebítanüxü̃, rü chacherdótegü rü toéga nagu taxümatügü nax aixcüma tá tayanguxẽẽxü̃ ga yema torü uneta.

Neemía 5:12

Rü nümagü ga yema duü̃xü̃gü ga idiẽruã̱xgüxü̃ rü choxü̃ nangãxü̃gü rü ñanagürügü: —Nüxü̃́ tá tanawoeguxẽxẽ i guxü̃ma i norü naanegü rü norü úbanecügu rü norü oribunecügü rü napatagü, rü taxuxü̃táma i ta̱xacüca̱x tá nüxna taca. Rü tá tayanguxẽxẽ i guxü̃ma i ngẽma tomaxã nüxü̃ quixuxü̃ —ñanagürügü. Rü yexguma ga choma rü naxca̱x changema ga chacherdótegü rü yemagüpe̱xewa nüxü̃ nüxü̃ chixuxẽxẽ nax aixcüma tá yanguxẽxẽgüãxü̃ ga yema chomaxã inaxunetagüxü̃.

Norü taxre ga to ga popera ga ãẽ̱xgacügüchiga ümatüxü̃ 29:10

Rü ngẽmaca̱x nagu charüxĩnü nax wüxi i uneta namaxã chaxüxü̃ ya Cori ya Iraétanüxü̃arü Tupana nax ngẽmaãcü tamaxã nangüxmüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 9:13

Rü guxü̃ma ga yema chacherdótegü rü natanüxü̃ ga Babiróniaanewa íchoxü̃xü̃ nax norü ĩaneca̱x woeguxü̃ rü 1,760 nixĩ ga norü mu. Rü nümagü rü napatacüã̱xmaxã inacua̱xgü. Rü guxü̃ma rü meama nüxü̃ nacua̱xgü nax ñuxãcü Tupanapataarü puracü naxügüxü̃.

Norü taxre ga popera ga ãẽ̱xgacügüchiga 23:3

Rü yexguma yema poperaxü̃ nadaumatüguwena ga ãẽ̱xgacü rü ñu̱xũchi Tupanapataarü caxtaxü̃tagu nayachi. Rü yéma Tupanape̱xewa nüxü̃ nixu nax aixcüma tá naga naxĩnüxü̃ rü yangu̱xẽxẽãxü̃ ga guxü̃ma ga yema norü mugü rü ucu̱xẽgü ga yema poperagu ümatüxü̃. Rü guxü̃ma ga yema duü̃xü̃gü rü ta yemaacü inaxunetagü.

Nüxíraxü̃xü̃ ga popera ga ãẽ̱xgacügüchiga 18:10

Rü aixcüma Cori ya curü Tupanaégagu cumaxã nüxü̃ chixu rü chorü ãẽ̱xgacü rü yexguma guxü̃ma ga nachixü̃anegüwa rü ãẽ̱xgacügüxü̃tawa norü duü̃xü̃güxü̃ namugügu nax cuxca̱x yadaugüxü̃ca̱x rü tama cuxü̃ inayangaugü. Rü yexguma nawoegugu rü nüxü̃ nixugüe nax cutaxuxü̃ma ga yéma, rü nüma ga ãẽ̱xgacü rü Tupanaégagu nüxü̃ nüxü̃ nixuxẽxẽ ga nax aixcüma yixĩxü̃ nax tama cuxü̃ iyangaugüxü̃.

1 Chamué 23:18

Rü yexguma ga nüma ga Dabí rü Yonatáü̃ rü Cori ya Tupanape̱xewa nügümaxã inaxügagü. Rü yemawena ga Yonatáü̃ rü nataegu, rü nüma ga Dabí rü yexmatama Óregu narüxã̱ũ̱x.

1 Chamué 18:3

Rü Yonatáü̃ rü Dabí rü Tupanaégagu nügümaxã nanaxuegugü nax nügümücügü nax yixĩgüxü̃ca̱x yerü ga Yonatáü̃ rü Dabíxü̃ nangechaü̃ ñoma nügütama nangechaü̃xü̃rüxü̃.

Yochué 24:25

Rü yema ngunexü̃gutama rü Chiquéü̃arü ĩanewa, rü nüma ga Yochué rü wüxigu duü̃xü̃gümaxã wenaxarü Tupanamaxã inaxügae nax guxü̃gutáma naga naxĩnüexü̃ i norü mugü. Rü ñu̱xũchi nüma ga Yochué rü yema duü̃xü̃güna nanaxã ga Tupanaarü mugü rü norü ucu̱xẽgü.

Naanearü ügüchiga 50:25

Rü yexguma ga Yúche rü naenexẽgüxü̃ ñanagürü: —Aixcüma Tupana tá pexü̃ narüngü̃xẽxẽ nax ípechoxü̃xü̃ nawa i ñaa nachixü̃ane. Rü ngẽxguma tá ípechoxü̃gu rü chanaxwa̱xe i chomaxã ipexuneta nax peyangexü̃ i chauxchina̱xã —ñanagürü.

2 Chamué 20:23

Rü nüma ga Yoá nixĩ ga guxü̃ma ga Iraéanearü churaragümaxã inacuáxü̃, natürü nüma ga Benaía ga Yoiadá nane rü ãẽ̱xgacüarü dauruü̃gü ga Queretéugümaxã rü Peretéugümaxã inacua̱x.

Norü taxre ga popera ga ãẽ̱xgacügüchiga 11:3

Rü ngĩma ga Yoáarü dauruxü̃ rü 6 ga taunecü Tupanapata ga taxü̃negu namaxã iyacu̱x. Rü yexgumayane ga Ataría rü Yudáanewa ãẽ̱xgacü iyixĩ.

2 Chamué 8:18

Rü nanegü ga Dabí rü norü ngü̃xẽẽruü̃gü nixĩgü. Rü Benaía ga Yoiadá nane rü churaragü ga Queretéugümaxã rü Peretéugümaxã inacua̱x.

Nüxíraxü̃xü̃ ga popera ga ãẽ̱xgacügüchiga 14:27

Rü yemawena ga ãẽ̱xgacü ga Roboáü̃ rü yema poxü̃ruü̃gü ga úirunaxca̱xchicüxü rü poxü̃ruü̃gü ga bróũchenaxca̱x inaxüxü̃. Rü ñu̱xũchi yema churaragüerugü ga guma ãẽ̱xgacüpataarü ĩã̱xgüarü dauruü̃güna nüxü̃ nadauxẽxẽ.

Norü taxre ga popera ga ãẽ̱xgacügüchiga 12:7

Rü yemaca̱x ga nüma ga ãẽ̱xgacü ga Yoá rü naxca̱x nangema ga chacherdóte ga Yoiadá rü yema togü ga chacherdótegü ga namücügü. Rü ñanagürü nüxü̃: —¿Ta̱xacüca̱x tama penamexẽxẽ ya yima Tupanapata ya taxü̃ne? ¡Rü ñu̱xmaü̃cüxü rü marü taxũtáma pegüxü̃́tama diẽru ngĩxü̃ peyaxu naxü̃tawa i ngẽma diẽrumaxã nguxü̃güxü̃! Rü guxü̃ma i ngẽma diẽru i ñu̱xma ngẽxmaxü̃ rü Tupanapata ya taxü̃nearü mexẽẽruxü̃ tá nixĩ —ñanagürü.