Norü taxre ga popera ga ãẽ̱xgacügüchiga 11:1 - Tupanaarü Ore

¹ Rü yexguma ngĩma ga Ataría ga Ocochía naé nüxü̃ cua̱xgu ga ngĩne rü marü nax nayuxü̃, rü duü̃xü̃güxü̃ imu nax nadaiaxü̃ca̱x ga guxü̃ma ga Ocochíaxacügü.

Norü taxre ga popera ga ãẽ̱xgacügüchiga 11:1 Referans Kwoze

Yeremía 41:1

Norü 7 ga tauemacügu rü Netanía nane ga Ismaé rü Mispáwa naxũ nax Guedaríaxü̃ íyadauxü̃ca̱x. Rü nüma ga Ismaé rü Yudáanearü ãẽ̱xgacütanüxü̃ nixĩ rü norü o̱xi rü Erichamá nixĩ. Rü Ismaéxü̃ naxümücü ga 10 ga yatügü. Rü yexguma Mispáwa nayexmagu ga Ismaé rü namücügü, rü Guedaría nüxna naxu nax namaxã nachibüexü̃ca̱x.

Norü taxre ga popera ga ãẽ̱xgacügüchiga 25:25

Natürü yexguma 7 ga tauemacüwena rü nüma ga Ismaé ga Netanía nane ga Erichamá nataxa ga Yudáanearü ãẽ̱xgacütanüxü̃ rü yéma nangu namaxã ga 10 ga norü yatügü ga íyaxümücügüxü̃, rü wüxigu Guedaríaxü̃ nima̱xgü. Rü nanadai ta ga yema Yudíugü rü ñu̱xũchi yema Cadéugü ga Guedaríamaxã Mispáwa yexmagüxü̃.

Ore i mexü̃ ga Matéu ümatüxü̃ 2:16

Rü yexguma ãẽ̱xgacü ga Eróde nüxü̃ cua̱xgu ga to ga namagu nax nawoeguxü̃ ga yema yatügü ga nüxü̃ cua̱xüchigüxü̃ ga éstewa ne ĩxü̃, rü poraãcü nanu. Rü Beréü̃wa nanamugü ga norü churaragü nax guxü̃ ga yema naanewa tüxü̃ nada̱i̱xü̃ca̱x ga guxãma ga guxema buxegü ga iyatüxe ga yexwaca̱x buexe rü ñu̱xmata taxre ga taunecü tüxü̃́ yexmagüxewa nangu. Yerü yema yatügü ga éstewa ne ĩxü̃ rü marü nüxü̃ nixugügü rü taxre ga taunecü nixĩ ga noxri nax nangóxü̃ ga gumá woramacuri.

Norü taxre ga to ga popera ga ãẽ̱xgacügüchiga ümatüxü̃ 24:7

Yerü Ataría ga chixexü̃arü ürüxü̃ ixĩcü rü ngĩrü duü̃xü̃gümaxã Tupanapata ga taxü̃negu ixücu rü ngĩrü tupananetagüaxü̃́ inade ga guxü̃ma ga yemaxü̃gü ga Cori ya Tupanapata ga taxü̃newa yexmagüxü̃.

Norü taxre ga popera ga ãẽ̱xgacügüchiga 9:27

Rü yemaxü̃ nada̱u̱xgu ga Ocochía ga Yudáanearü ãẽ̱xgacü, rü ĩane ga Bex-agáü̃ca̱x niña nagu ga yema nama ga ĩane ga Gúruwa daxü̃. Natürü nüma ga Yeú rü nawe nangẽ rü norü churaragüxü̃ namu nax yama̱xgüãxü̃ca̱x. Rü guma ĩane ga Ibeáü̃arü ngaicamagu nüxü̃ nayangaugü, rü yexma naweü̃gutama nanapi̱xẽẽgü. Natürü ga nüma rü niñaama rü ñu̱xmata ĩane ga Meguíduwa nangu. Rü yexma nayu.

Norü taxre ga popera ga ãẽ̱xgacügüchiga 8:26

Rü nüma ga Ocochía rü 22 ga taunecü nüxü̃́ nayexma ga yexguma inaxügüãxgu nax ãẽ̱xgacü yixĩxü̃. Rü wüxi ga taunecü nixĩ nax Yerucharéü̃wa ãẽ̱xgacü yixĩxü̃. Rü naé ga Ataría rü Iraéanecüã̱xgüarü ãẽ̱xgacü ga Acáxacü iyixĩ rü ngĩrü o̱xi rü ãẽ̱xgacü ga Omrí nixĩ.

Ore i mexü̃ ga Matéu ümatüxü̃ 2:13

Rü yexguma marü íyaxĩxguwena ga yema yatügü, rü wüxi ga daxũcüã̱x ga Tupanaarü orearü ngeruxü̃, rü nanegüwa Yúcheca̱x nango̱x, rü ñanagürü nüxü̃: —¡Naba̱i̱xãchi rü írüda! ¡Rü ínaxũxũ namaxã ya yimá bucü rü naé rü Equítuanewa naxũ! ¡Rü ngéma pengẽxmagü ñu̱xmatáta choma cumaxã nüxü̃ chixu nax ñuxgu tá cutaeguxü̃! Erü ãẽ̱xgacü i Eróde rü yimá bucüca̱x tá nadau nax yamáãxü̃ca̱x —ñanagürü nüxü̃.

Ãẽ̱xgacügü ga guxchaxü̃güarü mexẽxẽruü̃gü 9:5

Rü Ofáwa naxĩ rü nanatü ga Yedeóü̃ íxãpataxü̃wa nangugü. Rü nüma ga Abimeréx rü wüxitama ga nutapütaétügu yema 70 ga naenexẽgüxü̃ nadai. Rü Yotáü̃xicatama niña rü nicu̱x. Rü nüma nixĩ ga Yedexóü̃ nane ga rübumaecü.

Nüxíraxü̃xü̃ ga popera ga ãẽ̱xgacügüchiga 2:44

Cuma rü meama nüxü̃ cucua̱x ga yema chixexü̃ ga chaunatü ga Dabíca̱x cuxüxü̃. Rü ngẽmaca̱x i ñu̱xmax ya Tupana rü cugu tátama nananguxẽxẽ ga yema chixexü̃ ga cuxüxü̃.

Norü taxre ga popera ga ãẽ̱xgacügüchiga 10:7

Rü yexguma nayauxgüãgu ga yema popera, rü nanadai ga yema 70 ga ãẽ̱xgacü nanegü rü ñu̱xũchi ínanadaü̃eru. Rü yemawena rü pexchigügu nananucu ga naerugü rü ĩane ga Yereéwa nanamugü.

Norü taxre ga popera ga ãẽ̱xgacügüchiga 10:36

Rü Yeú rü 28 ga taunecü Iraéanearü ãẽ̱xgacü nixĩ ga ĩane ga Chamáriawa.

Naanearü ügüchiga 9:5

Rü tá nüxna chaca i ngẽma duü̃xü̃ i wüxíexü̃ imáxü̃ rü tá nayu. Rü ngẽma naexü̃ i duü̃xẽxü̃ imáxü̃ rü norü maxü̃maxã tátama tüxü̃ naxütanü. Rü wüxichigü i duü̃xü̃ rü tá nüxna chaca naxca̱x i namücüarü maxü̃. Rü ngẽxguma texé wüxi ya duẽxẽxü̃ ima̱xgu, rü tá to i duü̃xü̃ tüxü̃ nima̱x erü tüxü̃ tima̱x ya yíxema Tupana nügüraxü̃ãcü tüxü̃ üxe.

Nüxíraxü̃xü̃ ga popera ga ãẽ̱xgacügüchiga 1:12

Rü dücax, rü tá cumaxã nüxü̃ chixu i wüxi i ucu̱xẽ nax ngẽmaãcü tama peyuexü̃ca̱x i cumax, rü cune ya Charomóü̃.

Norü taxre ga popera ga ãẽ̱xgacügüchiga 12:1

Rü yexguma 7 ga taunecü marü ãẽ̱xgacü yixĩxgu ga Yeú ga Iraéanewa rü nüma ga Yoá rü inanaxügü nax Yudáanewa ãẽ̱xgacü yixĩxü̃. Rü 40 ga taunecü ãẽ̱xgacü nixĩ ga Yerucharéü̃wa. Naé rü ĩane ga Bechébacüã̱x iyixĩ rü Chíbia nixĩ ga ngĩéga.