Norü taxre ga popera ga ãẽ̱xgacügüchiga 10:11 - Tupanaarü Ore

¹¹ Rü nüma ga Yeú rü ĩane ga Yereégu nanadai ga yema íyaxügüxü̃ ga Acáxtanüxü̃, rü guxü̃ma ga yema yatügü ga ãẽ̱xgacüarü ngü̃xẽẽruü̃gü, rü namücügü ga nüxna nayoexü̃, rü norü chacherdótegü. Rü taxuxü̃ma namaxẽxẽ.

Norü taxre ga popera ga ãẽ̱xgacügüchiga 10:11 Referans Kwoze

Yox 18:19

Rü norü ĩanewa rü taxuxü̃táma i nataagü ínayaxügü, rü taxuxü̃táma i napatacüã̱x namaxẽ.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:10

Rü ngẽma ngo̱xo i ngẽma duü̃xü̃güxü̃ womüxẽẽxü̃, rü nawa tá natáe ya yima naxtaxa ya üxümaxã iya̱u̱xrachiüne ya achúfremaxã ixaxü̃ne. Rü yimá nixĩ ya naxtaxa ga marü nawa nawoxü̃ne ga yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃. Rü yima naxtaxawa tá nixĩ i guxü̃gutáma ngunecü rü chütacü ngúxü̃ yangegüxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:20

Rü yema nüxíraxü̃xü̃ ga ngo̱xo rü niyaxu. Rü wüxigu namaxã niyaxu ga yema to ga ngo̱xo ga orearü uruü̃neta ixĩxü̃ ga yema nüxíraxü̃xü̃ ga ngo̱xope̱xewa naxüxü̃ ga cua̱xruü̃gü ga duü̃xü̃gü tama nüxü̃ cuáxü̃ nax naxügüãxü̃. Rü yema cua̱xruü̃gümaxã nixĩ ga nawomüxẽẽãxü̃ ga yema duü̃xü̃gü ga nüxü̃ icua̱xüü̃güxü̃ ga naxchicüna̱xã ga yema nüxíraxü̃xü̃ ga ngo̱xo rü nügü ixãgüxü̃ nax yema ngo̱xoégamaxã nax yaxüégagüxü̃. Rü yema nüxíraxü̃xü̃ ga ngo̱xo rü yema to ga ngo̱xo ga orearü uruü̃neta ixĩxü̃, rü wüxigu maxẽxacü̃ma nawa nawoü̃ ga gumá naxtaxa ga achúfremaxã iya̱u̱xrachiüne.

Ochéa 1:4

Rü ñu̱xũchi ga nüma ga Cori ya Tupana rü ñanagürü Ochéaxü̃: —Yimá cune rü Yereé tá nixĩ i naéga. Erü paxaxüchitáma chanapoxcue i ngẽma nataagü ya yimá ãẽ̱xgacü ya Yeú naxca̱x ga yema taxü̃ ga máeta ga naxüxü̃ nawa ga guma ĩane ga Yereé. Rü ngẽma Iraéanecüã̱xgü rü ngẽxma tá chayacua̱xẽxẽ nax nügümaxãtama inacua̱xgüechaxü̃.

Ucu̱xẽgüchiga 13:20

Ngẽxguma duü̃xü̃gü i nüxü̃ cuáxü̃maxã cuxãmücügu, rü tá cunayaxu i cua̱x. Natürü ngẽxguma ngẽma duü̃xü̃gü i naechitamare maxẽxü̃maxã cuxãmücügu, rü tá icuyarütaxu.

Wiyaegü 125:5

Natürü ngẽma duü̃xü̃gü i chixexü̃ i nacümagu ĩxü̃ ¡rü poxcu namaxã naxuegu! Erü ngẽmatama nixĩ i woetama naxca̱x ixĩxü̃ i ngẽma chixexü̃ ügüxü̃. ¡Rü Iraétanüxü̃na naxã i taãxẽ!

Wiyaegü 109:13

¡Rü noxtacüma guxü̃ yue i nataagü nax ngẽmaãcü yanaxoxochixü̃ca̱x i nape̱xeégagü!

Norü taxre ga popera ga ãẽ̱xgacügüchiga 23:20

Rü ñu̱xũchi nüma ga Yochía rü yema tupananetagüarü ãmarearü guruü̃güétügu nanadai ga guxü̃ma ga yema chacherdótegü ga guma ngutaque̱xepataü̃güwa puracüexü̃. Rü ñu̱xũchi yema chacherdótegüxü̃negüétüwa ínanagu ga duü̃xẽchina̱xãgü. Rü yemawena rü Yerucharéü̃ca̱x nataegu.

Nüxíraxü̃xü̃ ga popera ga ãẽ̱xgacügüchiga 22:6

Rü nüma ga Iraéanecüã̱xarü ãẽ̱xgacü rü nanangutaque̱xexẽxẽ ga wixgutaa̱x 400 ga orearü uruü̃gü ga nüxü̃́ nayaxõxü̃. Rü yemagüna naca rü ñanagürü: —¿Marü namexü̃ yixĩxü̃ rüe̱xna tama nax napuxü̃ ya yima ĩane ya Ramóx ya Garaáxanewa ngẽxmane? —ñanagürü. Rü yema orearü uruü̃gü rü nanangãxü̃gü rü ñanagürügü: —Marü name i naxca̱x ípeyaxüãchi nax peyapuxü̃ca̱x erü Cori ya Tupana rü marü cuxna nanaxã —ñanagürügü.

Nüxíraxü̃xü̃ ga popera ga ãẽ̱xgacügüchiga 21:22

Rü yema Nabáx nane ga Yeruboáü̃tanüxü̃maxã, rü yema Aía nane ga Baachátanüxü̃maxã chaxüxü̃rüxü̃ tá chanaxü namaxã i ngẽma cutanüxü̃. Erü yema ãẽ̱xgacügürüxü̃ choxü̃ cunuxẽxẽ nagagu nax chixexü̃gu cunayixẽẽxü̃ i Iraéanecüã̱xgü”, ñanagürü ya Tupana.

Nüxíraxü̃xü̃ ga popera ga ãẽ̱xgacügüchiga 18:40

Rü yexguma ga Ería rü yema duü̃xü̃güxü̃ ñanagürü: —¡Ípenayauxü̃ i guxü̃ma i Baáxarü orearü uruü̃gü rü taxuxü̃táma niña! —ñanagürü. Rü nüma ga duü̃xü̃gü rü ínanayauxü̃. Rü yexguma ga Ería rü natüxacü ga Quichóü̃wa nanagagüxẽxẽ rü yexma nayadaü̃naxã.

Nüxíraxü̃xü̃ ga popera ga ãẽ̱xgacügüchiga 18:19

¡Rü ñu̱xma rü curü duü̃xü̃güxü̃ namu nax ma̱xpǘne ya Carmérugu nangutaque̱xegüxü̃ca̱x i guxü̃ma i Iraéanecüã̱xgü namaxã i ngẽma 450 i Baáxarü orearü uruü̃gü rü 400 i Acheráarü orearü uruü̃gü i Yechabé nüxü̃ rüngü̃xẽẽxü̃! —ñanagürü ga Ería.

Nüxíraxü̃xü̃ ga popera ga ãẽ̱xgacügüchiga 16:11

Rü yexguma yatocuchigu ga Zimrí nax ãẽ̱xgacü yixĩxü̃ rü inanaxügü nax nadaiaxü̃ ga guxü̃ma ga Baachátanüxü̃. Rü taxuxü̃ma ga yatüxü̃ ínayaxüxẽxẽ ga Baachátanüxü̃wa rü woo namücügütanüxü̃wa nax yemaacü taxuxü̃ma ütanüxü̃ca̱x.

Nüxíraxü̃xü̃ ga popera ga ãẽ̱xgacügüchiga 15:29

Rü yexguma noxritama yangucuchigu ga Baachá nax ãẽ̱xgacü yixĩxü̃ rü tüxü̃ nadai ga guxãma ga Yeruboáü̃tanüxü̃. Rü yema Cori ya Tupana norü orearü uruxü̃ ga Aía ga ĩane ga Chilócüã̱xwa nüxü̃ yaxuxü̃rüxü̃, rü nüma ga Baachá rü guxü̃ma ga Yeruboáü̃tanüxü̃ tüxü̃ nadai rü tüxü̃ nagu̱xẽxẽ. Rü taxúema tüxü̃ ínayaxǘxẽxẽ.

Nüxíraxü̃xü̃ ga popera ga ãẽ̱xgacügüchiga 14:10

Rü ngẽmaca̱x tá cutanüxü̃ca̱x guxchaxü̃ íchanguxẽxẽ. Rü tá chanadai i guxü̃ma i cutanüxü̃ i iyatüxü̃ i Iraéanewa, rü taxuxü̃táma maxü̃xü̃ ínayaxü. Rü tá íchayanaxoxẽẽxü̃chi i ñoma naü̃ i guxü̃rüxü̃.

Yochué 11:8

Rü nüma ga Cori ya Tupana rü nanaporamaexẽxẽ ga Iraétanüxü̃. Rü yemaca̱x norü uanügüxü̃ nibuxmüxẽxẽ rü nawe nangẽgü ñu̱xmata guma ĩane ga taxü̃ne ga Chidóü̃wa rü Mirepóx-maíü̃wa nangugü rü ñu̱xmata Mispáarü éstewaama yexmaxü̃ ga doxonexü̃wa nangugü. Rü bai ga wüxi ga maxü̃xü̃ ga íyaxüxü̃, rü guxü̃xü̃ma nadai.

Yochué 10:30

Rü nüma ga Cori ya Tupana rü Iraétanüxü̃me̱xẽgu nananguxẽxẽ ga guma ĩane namaxã ga norü ãẽ̱xgacü. Rü taxuxü̃ma ga ta̱xacü yéma nayaxüxẽẽgü rü taxúema texé tamaxü̃ ga naãcu. Rü yema Yericúarü ãẽ̱xgacüxü̃ yamáxü̃rüü̃ãcütama Lixnáarü ãẽ̱xgacüxü̃ nima̱x.

Norü taxre ga popera ga ãẽ̱xgacügüchiga 10:12

Rü yemawena rü ĩane ga Chamáriawa naxũ. Rü yema nama ga nagu yaxũxü̃ rü Bex-equéxwa nangu. Rü yema nachica ga Carnérugüarü Dauruü̃güarü Ngutaque̱xechicawa nangu.

Norü taxre ga to ga popera ga ãẽ̱xgacügüchiga ümatüxü̃ 22:8

Rü yexguma Acáxtanüxü̃xü̃ nadaixgu ga Yeú rü yéma namaxã inayarüxũ ga yema Yudáanearü ãẽ̱xgacügü rü ñu̱xũchi yema Ocochíatanüxügü ga norü ngü̃xẽẽruü̃gü ixĩgüxü̃. Rü nanadai ga guxü̃ma.

Nüxíraxü̃xü̃ ga popera ga ãẽ̱xgacügüchiga 21:29

—¿Nüxü̃ cudauxü̃ yixĩxü̃ ya Acáx nax ñuxãcü chope̱xewa nügü ínaxíraxü̃? Rü ngẽma nax chope̱xegu nügü ínaxíxraxü̃gagu rü taxũtáma chixexü̃ naxacügütanüwa changuxẽxẽ i ñu̱xma nax namaxü̃xü̃gu i nüma ya Acáx. Natürü ngẽxguma marü nayuxguwena rü nane ãẽ̱xgacü ixĩxgu tá nixĩ i Acáxacügüca̱x íchananguxẽẽxü̃ i ngẽma chixexü̃ nax ngẽmaãcü yanaxoxü̃ca̱x i natanüxü̃ —ñanagürü.

Norü taxre ga popera ga ãẽ̱xgacügüchiga 9:7

Rü cuma rü tá cunadai i guxü̃ma i Acáxtaagü. Rü ngẽmaãcü tá nayangutanüxẽxẽ i guxü̃ma i chorü orearü uruü̃gü rü chorü duü̃xü̃gü ga nada̱i̱xü̃ ga Yechabé.

Norü taxre ga popera ga ãẽ̱xgacügüchiga 9:9

Rü yema Nabáx nane ga Yeruboáü̃tanüxü̃maxã chaxüxü̃ rü yema Aía nane ga Baachátanüxü̃maxã chaxüxü̃ rü ngẽxgumarüxü̃ tátama namaxã chaxü i Acáxtanüxü̃. Rü tá chayanaxoxẽxẽ.

Norü taxre ga to ga popera ga ãẽ̱xgacügüchiga ümatüxü̃ 22:7

Rü nüma ga Tupana rü marü Ocochíamaxã nanaxuegu nax nayuxü̃ tá i ngẽxguma Yoráü̃xü̃tawa naxũxgu. Rü yexguma yexwacax Yoráü̃xü̃tawa nanguxgu rü Nimchí nane ga Yeúxü̃tawa ínayadaugü. Natürü ga Tupana rü marü Yeúxü̃ naxuneta nax Acáxtanüxü̃xü̃ nada̱i̱xü̃ca̱x.