Norü taxre ga popera ga ãẽ̱xgacügüchiga 1:2 - Tupanaarü Ore

² Rü ĩane ga Chamáriawa rü wüxi ga ngunexü̃gu ga Iraéanearü ãẽ̱xgacü ga Ocochía rü nachiü̃arü daxũwa yexmaxü̃ ga beü̃tánawa narüngu. Rü poraãcüma nanapi̱x. Rü yexguma rü ĩane ga Ecróü̃wa nanamugü ga norü orearü ngeruü̃gü nax yema duü̃xü̃güarü tupana ga Baá-chebúna yacagüxü̃ca̱x rü naxca̱x tá yataane rüe̱xna tama.

Norü taxre ga popera ga ãẽ̱xgacügüchiga 1:2 Referans Kwoze

Norü taxre ga popera ga ãẽ̱xgacügüchiga 1:16

Rü yexguma ãẽ̱xgacüxü̃tawa nanguxgu ga Ería rü ãẽ̱xgacüxü̃ ñanagürü: —Cori ya Tupana rü ñanagürü cuxü̃: “Yema nax Baá-chebú i Ecróü̃arü tupananetaxü̃tawa nax cunamugüxü̃ i orearü ngeruü̃gü nax nüxna yacagüxü̃ca̱x i curü da̱xawechiga, ñoma nataxuxü̃rüxü̃ ya Tupana i Iraéanewa nax nüxna cuca̱xü̃ca̱x, rü ngẽmaca̱x taxũtáma ícurüda i curü pechicaü̃wa, rü tá cuyu” —ñanagürü cuxü̃.

Ore i mexü̃ ga Márcu ümatüxü̃ 3:22

Rü yexgumarüxü̃ ta ga yema ngúexẽẽruü̃gü ga Moichéarü mugüwa ngu̱xẽẽtaegüxü̃ ga Yerucharéü̃wa ne ĩxü̃, rü ñanagürügü: —Ñaa yatü i Ngechuchu, rü ngo̱xogünatü i Beechebúarü poramaxã nixĩ i ínawoxü̃ãxü̃ i ngo̱xogü —ñanagürügü.

Ore i mexü̃ ga Matéu ümatüxü̃ 10:25

Rü ngẽma norü ngúexẽẽruü̃xü̃ üpetüxü̃rüxü̃ tátama nüxü̃ naxüpetü i ngẽma norü ngúexü̃. Rü ngẽma norü corixü̃ üpetüxü̃rüxü̃ tátama nüxü̃ naxüpetü i ngẽma norü duü̃xü̃. Rü ngẽxguma duü̃xü̃gü rü ngo̱xo i Beechebú choxü̃ wogügu, ¿rü ñuxãcü tá pexü̃ naxu i pemax?

Ore i mexü̃ ga Luca ümatüxü̃ 11:15

Natürü ñuxre ga duü̃xü̃gü rü ñanagürügü: —Ñaa yatü i Ngechuchu, rü Beechebú i ngo̱xogüarü ãẽ̱xgacüarü poramaxã nixĩ i ínanawoxü̃ãxü̃ i ngo̱xogü —ñanagürügü.

Ichaía 37:12

Rü yexguma torü o̱xigü nadaixgu ga yema nachixü̃anegü ga Gocháü̃, rü Aráü̃, rü Réchex rü yema Bex-edéü̃tanüxü̃ ga ĩane ga Teracháxwa maxẽxü̃, ¿rü norü tupanagü yixĩxü̃ ga ínapoxü̃güxü̃?

Norü taxre ga popera ga ãẽ̱xgacügüchiga 1:6

Rü nümagü nanangãxü̃gü rü ñanagürügü: —Erü wüxi i yatü toxü̃ inangau rü tomaxã nüxü̃ nixu nax naxca̱x tawoeguxü̃ca̱x i ngẽma ãẽ̱xgacü i toxü̃ muxü̃ rü namaxã nüxü̃ tixuxü̃ca̱x i Cori ya Tupanaarü ore i ñaxü̃: “¿Ẽ̱xna nataxuma ya Tupana i Iraéanewa rü ngẽmaca̱x toxü̃ cumu nax Baá-chebú i Ecróü̃arü tupananetana tayacaxü̃ca̱x? Rü ngẽma cuxüxü̃gagu rü taxũtáma ícurüda i cuxchiaxü̃wa rü tá cuyu” —ñanagürügü.

Norü taxre ga popera ga ãẽ̱xgacügüchiga 1:3

Natürü Cori ya Tupanaarü orearü ngeruxü̃ i dauxü̃cüã̱x rü Ería ga Tibécüã̱xü̃ ñanagürü: —¡Ngéma naxũ rü nape̱xegügu yangu i ngẽma Chamáriaarü ãẽ̱xgacüarü orearü ngeruü̃gü rü nüxna nacagü rü ñacurügü nüxü̃: “¿Ẽ̱xna nataxuma ya Tupana i Iraéanewa rü ngẽmaca̱x Baá-chebú i Ecróü̃arü tupananetana peyaca?”

Nüxíraxü̃xü̃ ga popera ga ãẽ̱xgacügüchiga 11:33

Erü nüma i Charomóü̃ rü choxü̃ ínata̱x rü Chidóü̃cüã̱xarü tupananeta i Ataréxü̃ nicua̱xüxü̃. Rü nüxü̃ nicua̱xüxü̃ i Moácüã̱xarü tupananeta i Quemó. Rü ngẽxgumarüxü̃ ta nüxü̃ nicua̱xüxü̃ i Amóü̃cüã̱xarü tupananeta i Mícoü̃. Rü ngẽma Charomóü̃ üxü̃ rü tama namaxã chataãxẽ erü tama nayanguxẽxẽ i ngẽma chorü mugü. Rü tama nanatü ga Dabí ga chauga ĩnücürüxü̃ nixĩ.

Charumóü̃arü wiyae 2:9

Rü yimá choxü̃́ ngúchaü̃cü rü ñoma wüxi i cowüxacürüxü̃ nixĩ. Rü ĩã̱x i nawa ixücuxü̃wa nangẽxma. Rü beü̃tánawa nidaucuchi nax bexma ngéma choxü̃ nangugüxü̃ca̱x.

Yox 31:3

¿Rü tama ẽ̱xna ngẽma duü̃xü̃gü i chixexü̃gu maxẽxü̃ rü ngẽma chixexü̃arü üruü̃güca̱x yixĩxü̃ i ngẽma guxchaxü̃gü?

Nüxíraxü̃xü̃ ga popera ga ãẽ̱xgacügüchiga 22:34

Natürü wüxi ga Chíriaanearü churara rü Iraétanüxü̃arü churaratanügu nanama̱xmare ga norü würa. Rü meama Iraéanearü ãẽ̱xgacüca̱x niña rü norü daixchirucuchitamaxã namexchinü, rü poraãcü nanapi̱x. Rü yemaca̱x ga nüma ga Acáx rü naweü̃arü ũxẽẽruü̃xü̃ namu, rü ñanagürü: —¡Chomaxã nataegu rü ñaa daiwa choxü̃ ínagaxüchi erü marü poraãcü chanapi̱x! —ñanagürü.

Nüxíraxü̃xü̃ ga popera ga ãẽ̱xgacügüchiga 14:3

¡Nayaxu i 10 i paũ rü ñu̱xũchi ñuxre i maixcuraxü̃ i paũ rü ñu̱xũchi wüxiwexü̃ ta ya berure, rü íyana rü naxü̃tawa naxũ nax cumaxã nüxü̃ yaxuxü̃ca̱x i ngẽma tanexü̃ tá ngupetüxü̃! —ñanagürü.

1 Chamué 5:10

Rü yexguma ga nüma ga Firitéugü rü ĩane ga Ecróü̃waama nanangegü ga yema baú ga Tupanaarü mugüchixü̃. Natürü yexguma Ecróü̃wa nanguxgu ga yema baú, rü yema duü̃xü̃gü ga Ecróü̃cüã̱xgü rü nixaixcha rü ñanagürügü: —¿Tü̱xcüü̃ nua penange i ngẽma Iraéanecüã̱xgüarü Tupanaarü mugüchixü̃ nax toxü̃ nada̱i̱xü̃ca̱x ya guxãma? —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 11:24

Rü ngẽxguma chi Quemó, ya curü tupana ta̱xacü cuxna ãxgu, rü chi cuxrü nixĩ rü cuxü̃́ nachu̱xu. ¿Tama ẽ̱xna aixcüma yixĩxü̃ i ngẽma? Rü ngẽxgumarüxü̃ ta nixĩ i toma nax toxrü yixĩxü̃ i ngẽma naane i torü Cori ya Tupana toxna ãxü̃.

Ãẽ̱xgacügü ga guxchaxü̃güarü mexẽxẽruü̃gü 5:28

Rü taxoegaãxẽ ga Chícharaarü mama, rü beü̃tánawa ítadaxuchi rü ñatarügü: “¿Tü̱xcüü̃ ya yima chaunearü caru ya daiweü̃ tama paxa ínangu? ¿Tü̱xcüü̃ tama nüxü̃ taxĩnü i norü caru?” ñatarügü.

Ichaía 2:6

Ichaía rü yumüxẽwa ñanagürü: —Pa Corix, marü nüxna quixũgachi i curü duü̃xü̃gü i Acóbutanüxü̃. Rü natanüwa nangugü rü ngéma namu i duü̃xü̃gü i ẽxü̃guxü̃xü̃ icuáxü̃ i éstewa ne ĩxü̃, rü duü̃xü̃gü i yuüxü̃ ñoma Firitéugütanüwarüxü̃. Rü curü duü̃xü̃gü rü togü i nachixü̃anecüã̱x i tama Tupanaxü̃ cua̱xgüxü̃maxã nügümaxã nanamexẽxẽ nax nügüarü ngẽmaxü̃ca̱x nataxegüxü̃ca̱x.

Yochué 15:11

Rü yéma rü inida rü ma̱xpǘne ga Ecróü̃arü tuãchi ga nórtewa yexmaxü̃wa nadapetü. Rü yéma rü ĩane ga Chicróü̃wa nada rü ma̱xpǘne ga Baaráwa nadapetü ñu̱xmata Yaxnéewa inarügo. Rü Már Mediteráneugu nayacua̱x ga norü üyeane.

Nüxíraxü̃xü̃ ga popera ga ãẽ̱xgacügüchiga 22:40

Nayu ga Acáx rü nachicüxü ningucuchi ga nane ga Ocochía.

Norü taxre ga popera ga ãẽ̱xgacügüchiga 17:16

Rü nüxü̃ narüxoe ga guxü̃ma ga norü Cori ya Tupanaarü mugü. Rü yemaca̱x nügüca̱x nanaxügü ga taxre ga wocaxacüchicüna̱xãgü ga úirunaxca̱x, rü nanaxügü ta ga tupananeta ga Acheráchicüna̱xãx. Rü naétü nüxü̃ nicua̱xüü̃gü ga üa̱xcü rü tauemacü rü woramacurigü rü ñu̱xũchi Baáchicüna̱xã rü ta.

Ichaía 19:3

Rü tá íchananu̱xãẽxẽẽgü nax tama naãẽxü̃ yacuáxü̃ca̱x. Rü ngẽma nagu naxĩnüexü̃ rü tá nüxü̃́ nagu chanachixexẽxẽ. Rü ngẽmaca̱x i nümagü rü tá norü tupananetachicüna̱xãgüna rü yuüxü̃güna nacagü. Rü tá yuetaãẽca̱x nangemagü nax nüxna nacagüxü̃ca̱x. Rü ñu̱xũchi duü̃xü̃gü i ẽxü̃guxü̃arü uruü̃güna tá nacagü.