Norü taxre ga popera ga ãẽ̱xgacügüchiga 1:16 - Tupanaarü Ore

¹⁶ Rü yexguma ãẽ̱xgacüxü̃tawa nanguxgu ga Ería rü ãẽ̱xgacüxü̃ ñanagürü: —Cori ya Tupana rü ñanagürü cuxü̃: “Yema nax Baá-chebú i Ecróü̃arü tupananetaxü̃tawa nax cunamugüxü̃ i orearü ngeruü̃gü nax nüxna yacagüxü̃ca̱x i curü da̱xawechiga, ñoma nataxuxü̃rüxü̃ ya Tupana i Iraéanewa nax nüxna cuca̱xü̃ca̱x, rü ngẽmaca̱x taxũtáma ícurüda i curü pechicaü̃wa, rü tá cuyu” —ñanagürü cuxü̃.

Norü taxre ga popera ga ãẽ̱xgacügüchiga 1:16 Referans Kwoze

Wiyaegü 132:3

—Choma rü taxũtáma chopatagu charüxã̱ũ̱x rü taxũtáma ichaca nax icharüngü̃xü̃ca̱x, rü taxũtáma chapexetü, rü bai i ñuxgu tá chapexü̃ ñu̱xmatáta chanaxü ya wüxi ya ĩpata naxca̱x ya Cori ya Acóbuarü Tupana ya poraxüchicü nax ngéma nangẽxmaxü̃ca̱x i ngẽma baú i norü mugüchixü̃ —ñaxgu!

Norü taxre ga popera ga ãẽ̱xgacügüchiga 5:21

Rü nüma ga Guexáchi rü Naamáü̃we nangẽ. Rü yexguma Naamáü̃ nüxü̃ da̱u̱xgu nax nawe nangexü̃ rü ínayachaxãchi rü ínachie nawa ga norü caru. Rü Guexáchica̱x nixũ rü nüxna naca: —¿Ta̱xacürü chixexü̃ nangupetü? —ñanagürü.

Nüxíraxü̃xü̃ ga popera ga ãẽ̱xgacügüchiga 22:28

Rü yexguma ga nüma ga Micaía rü nanangãxü̃ rü ñanagürü: —Ngẽxguma cuma tá maxü̃ãcü cutaegu̱xgu, rü ngẽmawa tá nüxü̃ cucua̱x nax Tupana rü tama chowa yadexaxü̃ —ñanagürü.

Norü taxre ga popera ga ãẽ̱xgacügüchiga 1:6

Rü nümagü nanangãxü̃gü rü ñanagürügü: —Erü wüxi i yatü toxü̃ inangau rü tomaxã nüxü̃ nixu nax naxca̱x tawoeguxü̃ca̱x i ngẽma ãẽ̱xgacü i toxü̃ muxü̃ rü namaxã nüxü̃ tixuxü̃ca̱x i Cori ya Tupanaarü ore i ñaxü̃: “¿Ẽ̱xna nataxuma ya Tupana i Iraéanewa rü ngẽmaca̱x toxü̃ cumu nax Baá-chebú i Ecróü̃arü tupananetana tayacaxü̃ca̱x? Rü ngẽma cuxüxü̃gagu rü taxũtáma ícurüda i cuxchiaxü̃wa rü tá cuyu” —ñanagürügü.

Echequié 14:4

¡Rü namaxã idexa rü ñaa orexü̃ namaxã ixu! “Cori ya Tupana rü ñanagürü: ‘Guxü̃ma i ngẽma Iraétanüxü̃ i nügü ixãgüxü̃ nax nüxü̃ yacua̱xüü̃güxü̃ i norü tupananetachicüna̱xãgü, rü ngẽmaxü̃ama narüdaunü nax yexera pecadu naxügüxü̃ca̱x, rü ngẽmawena rü chorü orearü uruxü̃na yacagüxü̃, rü choma rü tá chanamexẽxẽ i ngẽma poxcu i nüxna üxü̃ nagagu nax namuarü tupananetachicüna̱xãgüxü̃’ ” —ñanagürü.

Norü taxre ga popera ga ãẽ̱xgacügüchiga 8:8

Rü yexguma ga nüma ga ãẽ̱xgacü rü norü ngü̃xẽẽruxü̃ ga Achaéxü̃ ñanagürü: —¡Wüxi i ãmare nayaxu rü naxü̃tawa naxũ ya yima Tupanaarü orearü uruxü̃! ¡Rü namaxã nüxü̃ nixu nax Cori ya Tupanamaxã yadexaxü̃ca̱x nax ngẽmaãcü nüxü̃ chacuáxü̃ca̱x rü cha̱u̱xca̱x tá yataane i ñaa da̱xawewa! —ñanagürü.

Norü taxre ga popera ga ãẽ̱xgacügüchiga 8:10

Rü Erichéu nanangãxü̃ rü nüxü̃ ñanagürü: —¡Íixũ rü Ben-adáxmaxã nüxü̃ yarüxu nax naxca̱x tá yataanexü̃ i ngẽma norü da̱xawewa! Natürü Cori ya Tupana choxü̃ nüxü̃ nacua̱xẽxẽ rü tá nayuama —ñanagürü.

Norü taxre ga popera ga ãẽ̱xgacügüchiga 20:1

Rü nüma ga Echequía rü poraãcü nida̱xawe. Rü yemaca̱x ga orearü uruxü̃ ga Ichaía ga Amúx nane, rü ínayadau, rü ñanagürü nüxü̃: —Cori ya Tupana rü ñanagürü cuxü̃: “Ẽcü ¡namaxã idexa i cuxacügüx, rü namaxã nüxü̃ ixu nax ñuxãcü tá cuwena namaxẽxü̃! Erü ñu̱xma rü taxũtáma cuxca̱x nitaane, rü tá cuyu” —ñanagürü.

Ucu̱xẽgüchiga 11:19

Ngẽma nax mexü̃ i nacümagu ixũxü̃, rü maxü̃wa tüxü̃ naga, natürü ngẽma nax chixexü̃ i nacümagu ixũxü̃, rü yuwa tüxü̃ naga.