Norü taxre ga popera ga ãẽ̱xgacügüchiga 1:13 - Tupanaarü Ore

¹³ Rü yemawena nüma ga ãẽ̱xgacü rü norü tomaepü̱xcüna to ga churaragüeru yéma namu namaxã ga to ga 50 ga churaragü. Natürü yema churaragüeru rü dauxü̃ naxĩ ñu̱xmata Ería íyexmaxü̃wa nangu. Rü nape̱xegu nacaxã́pü̱xüãcüma nüxü̃ naca̱a̱xü̃ rü ñanagürü: —Pa Tupanaarü orearü Uruxü̃x, cuxü̃ chaca̱a̱xü̃ nax choxü̃́ nüxü̃ cungechaü̃xü̃ i chorü maxü̃ rü norü maxü̃ i ñaa 50 i curü puracütanüxü̃.

Norü taxre ga popera ga ãẽ̱xgacügüchiga 1:13 Referans Kwoze

Ichaía 1:5

Rü pema rü Tupanamaxã penue rü tama naga pexĩnüe. Rü ngẽmaca̱x taxuwama marü pexna nanacua̱i̱xcaéga, erü peeruwa rü marü guxü̃wama penapi̱xerugü rü marü pingearü poraxã̱x i ñu̱xmax.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:9

Rü nangẽxma i duü̃xü̃gü i Chatanáarü ixĩgüxü̃ i nügü ixugüxü̃ nax chorü duü̃xü̃gü yaxĩgüxü̃, natürü tama aixcüma choxrü duü̃xü̃gü nixĩgü. Rü tá chanamu i ngẽma duü̃xü̃gü nax cupe̱xegu nacaxã́pü̱xügüxü̃ca̱x nax nüxü̃ nacua̱xgüxü̃ca̱x nax aixcüma cuxü̃ changechaü̃xü̃.

Popera ga Chantiágu ümatüxü̃ 4:7

Pa Chauenexẽgüx, ¡Mea Tupanaga pexĩnüe! ¡Rü nüxü̃ pexoó i ngo̱xo i Chataná! Rü nüma rü tá pexna niña.

Ichaía 66:2

¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.

Ichaía 60:14

Rü yema ü̃pa perü uanügü ixĩgüxü̃ rü ngẽma nataagü rü tá núma pexü̃tawa naxĩ rü pepe̱xegu tá nügü ínarüxíxragü. Rü yema noxri pexchi aiexü̃ rü tá pepe̱xegu nacaxã́pü̱xügü rü tá pexü̃ ñanagürügü: “Perü ĩane ya Chióü̃ rü Iraétanüxü̃arü Tupana ya Üünecüarü Ĩane nixĩ”, ñanagürügü tá.

Ngu̱xẽẽtaeruü̃arü ore 9:3

Rü guxü̃ma i ngẽma ngupetüxü̃ i ñoma i naanewa, rü taxü̃ i guxchaxü̃ nixĩ nax wüxi i ngunexü̃ rü guxãtáma yuexü̃. Rü to nixĩ nax guxü̃ma i norü ĩnü ya yima yatü rü nachixe. Rü ngẽxguma namaxyane rü guxü̃ma i ngẽma nagu naxĩnüxü̃ rü taxuwama name. Rü norü gu̱x nixĩ nax tauquewa naxũxü̃.

Ucu̱xẽgüchiga 27:22

Ngẽma duü̃xü̃ i tama naãẽxü̃ cuáxü̃, rü woo cunaxucu̱xẽgu rüe̱xna taxü̃ i guxchaxü̃ naxca̱x ínguxgu rü tagutáma naxüchicüxü i nacüma.

Wiyaegü 102:17

Rü nüma ya Cori ya Tupana rü tá nüxü̃ naxĩnü i norü yumüxẽ i ngẽma ngéma wogümarexü̃, rü taxũtáma nüxü̃ naxo i ngẽma naxca̱x ínacagüxü̃.

Wiyaegü 72:14

Rü tá tüxü̃ ínanguxü̃xẽxẽ naxme̱xwa i ngẽma chixri tümamaxã icuáxü̃ rü tüxü̃ cua̱i̱xgüxü̃. Erü tümaarü maxü̃ rü ãẽ̱xgacüaxü̃́ nachu̱xu.

Nüxíraxü̃xü̃ ga popera ga ãẽ̱xgacügüchiga 13:6

Rü yexguma ga nüma ga ãẽ̱xgacü rü yema orearü uruü̃na naca rü ñanagürü: —Cuxü̃ chaca̱a̱xü̃, rü ¡Cori ya curü Tupanana naca nax ngẽmaãcü charümeméxü̃ca̱x! —ñanagürü. Rü nüma ga orearü uruxü̃ rü Cori ya Tupanana naca, rü yemaacü narümeme̱x ga guma ãẽ̱xgacü, rü noxrirüü̃tama nixĩ.

1 Chamué 26:21

Rü yexguma ga Chaú rü ñanagürü: —Pa Chaunex, Pa Dabíx, rü nüxü̃ chicua̱xãchi nax chixexü̃ chaxüxü̃. Rü ñoma wüxi i duü̃xü̃ i ngeãẽmarexü̃rüxü̃ chamaxü̃, rü poraãcü íchatü. ¡Ẽcü nataegu, rü taxuxü̃táma i chixexü̃ cumaxã chaxü! Erü ñoma i ngunexü̃gu rü nüxü̃ cungechaü̃ i chorü maxü̃, rü tama choxü̃ quima̱x —ñanagürü.

Ínachoxü̃xü̃chiga 11:8

Rü ñu̱xũchi guxü̃ma i ñaa curü ngü̃xẽẽruü̃gü rü chauxü̃tawa tá naxĩ. Rü chopexegu nacaxã́pü̱xügüãcüma tá choxna nacagü, rü ñanagürügü tá: “¡Ípechoxü̃ i nua namaxã i guxü̃ma i cutanüxü̃!” ñanagürügü tá. Rü ngẽmawena rü tá íchaxũxũ —ñanagürü ga Moiché. Rü yexguma nüma ga Moiché rü nanuãcüma Faraóü̃pe̱xewa ínaxũxũ.

Norü taxre ga popera ga ãẽ̱xgacügüchiga 1:12

Rü Ería nanangãxü̃ rü ñanagürü nüxü̃: —Ega Tupanaarü orearü uruxü̃ chixĩxgu i chomax ¡rü daxũwa rünguxü̃ i üxüema rü cuxü̃ nigu namaxã i ngẽma curü 50 i churaragü! —ñanagürü. Rü yexgumatama daxũwa narünguema ga üxü rü nixae ga yema churaragü.

Norü taxre ga popera ga ãẽ̱xgacügüchiga 1:14

Erü marü nüxü̃ chacua̱x rü daxũwa rünguemaxü̃ ga üxüema rü ínanagu ga yema taxre ga churaragüeru namaxã ga norü churaragü. Rü choma rü cuxü̃ chaca̱a̱xü̃ nax choxü̃́ nüxü̃ cungechaü̃xü̃ i chorü maxü̃ —ñanagürü.

Yeremía 5:3

Pa Corix, ngẽma naxca̱x cudauxü̃ nixĩ i duü̃xü̃gü i aixcüma cuga ĩnüexü̃. Natürü woo cunapoxcue, rü tama cuga naxĩnüechaü̃. Rü cunadai, natürü tama inaxĩnüechaü̃. Yerü nutaarü yexera nataiarü maxü̃ã̱xgü, rü tama nüxü̃ narüxoechaü̃ i nacüma i chixexü̃.