Norü taxre ga popera ga ãẽ̱xgacügüchiga 1:10 - Tupanaarü Ore

¹⁰ Rü Ería nanangãxü̃ rü ñanagürü nüxü̃: —Ega Tupanaarü orearü uruxü̃ chixĩxgu i chomax ¡rü daxũwa rünguxü̃ i üxüema rü cuxü̃ nigu namaxã i ngẽma curü 50 i churaragü! —ñanagürü. Rü yexgumatama narünguema ga üxü rü nixae ga yema churaragü.

Norü taxre ga popera ga ãẽ̱xgacügüchiga 1:10 Referans Kwoze

Ore i mexü̃ ga Luca ümatüxü̃ 9:54

Rü yexguma yemaxü̃ nadaugügu ga norü ngúexü̃gü ga Chantiágu rü Cuáü̃, rü ñanagürügü Ngechuchuxü̃: —Pa Corix, ¿cunaxwa̱xexü̃ nax Tupanana naxca̱x tacaxü̃ nax daxũwa ne namuaxü̃ca̱x ya üxü nax nagu̱xẽẽãxü̃ca̱x i guxü̃ma i ñaa duü̃xü̃gü, yema nũxcümaü̃cü ga Tupanaarü orearü uruxü̃ ga Ería üxü̃rüxü̃? —ñanagürügü.

Danié 3:25

Rü ñu̱xũchi ga nüma ga ãẽ̱xgacü rü ñanagürü: —Natürü ngéma nüxü̃ chadau i ãgümücü i yatü iwẽgüxü̃ i üxüxétügu ixĩĩĩxü̃ rü taxuxü̃ma nüxü̃ ngupetüxü̃. Rü ngẽma norü ãgümücü i yatü rü nanadauxü̃cüã̱xraxü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 12:29

Erü tórü Tupana, rü wüxi ya üxü ya guxü̃ma ixaxẽẽcü nixĩ.

Danié 3:22

Rü yema poxcuchicaxü̃ rü poraãcü nanaxichi yerü yemaacü norü duü̃xü̃güxü̃ namu ga ãẽ̱xgacü. Rü yemaca̱x ga yema churaragü ga yema tomaepü̱x ga ngextü̱xügüxü̃xü̃ yéma iwocuxü̃ rü nixae rü nayue.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:5

Rü ngẽxguma texé chixexü̃ nape̱xewa ügüchaü̃gu i ngẽma taxre i orearü uruü̃gü, rü nümagü rü üxüema ya naã̱xwa ínacuexechinemaxã tüxü̃ tá ínagu. Rü ngẽmaãcü tá inayanaxoxẽxẽ i norü uanügü. Rü ngẽmaãcü tá tüxü̃ nadai ya yíxema chixexü̃ namaxã ügüchaü̃xẽ.

Wiyaegü 106:18

Rü yema namücügü ga tama Tupanaga ĩnüexü̃ rü Tupana naxca̱x yéma nanamu ga üxüema nax yemamaxã yaxaexü̃ca̱x ga yema chixexü̃ ügüxü̃.

Yox 1:16

Rü taũtama yagúegayane ga yema yatü rü to ga yatü yéma nangu rü ñanagürü: —Wüxi ya ãẽmacü yexma nangu rü wüxigu norü dauruü̃gümaxã nanadai i ngẽma carnérugü. Rü chaxicatama chiña nax cumaxã nüxü̃ chayarüxuxü̃ca̱x —ñanagürü.

Ngechuchuarü ngúexü̃gü ga yamugüxü̃arü puracüchiga 12:19

Rü yemaca̱x ga Eróde rü yema churaragüxü̃ namu nax Pedruca̱x yadaugüxü̃ca̱x. Rü yexguma taxuxü̃ma iyangaugügu, rü Eróde rü yema churaragügutama nayanguxẽxẽ nax nayuexü̃ca̱x. Rü yemawena ga Eróde rü ínaxũxũ ga Yudéaanewa, rü Checharéagu nayaxãchiü̃.

Ore i mexü̃ ga Matéu ümatüxü̃ 21:41

Rü yema chacherdótegüarü ãẽ̱xgacügü rü Ngechuchuxü̃ nangãxü̃gü, rü ñanagürügü: —Ngẽma naanearü yora rü tama nüxü̃́ nangechaü̃tümüü̃ãcüma tá nanadai i ngẽma puracütanüxü̃ i chixri maxẽxü̃. Rü ñu̱xũchi tá nüxna nüxü̃ nadauxẽxẽ i togü i puracütanüxü̃ i mea namaxã ngĩxü̃ itoyexü̃ i diẽru i úbatanü i ngẽxguma norü buxguwa nanguxgu —ñanagürügü.

Danié 6:24

Rü yemawena ga nüma ga ãẽ̱xgacü rü norü duü̃xü̃güxü̃ namu nax yéma nagagüãxü̃ca̱x ga yema yatügü ga Daniéxü̃ íxuaxü̃güxü̃. Rü wüxigu naxma̱xgümaxã rü naxacügümaxã leóü̃tanügu nanawocu. Rü taxũtáma mea nangucuyane rü nüma ga leóü̃gü rü marü naxca̱x nibuxmü, rü nüxna nayu̱xgu rü nagu nawagüe.

Norü taxre ga to ga popera ga ãẽ̱xgacügüchiga ümatüxü̃ 36:16

Natürü nümagü ga yema duü̃xü̃gü rü nüxü̃ nacugüeama ga yema Tupanaarü orearü uruü̃gü rü tama nüxü̃́ inarüxĩnüechaü̃ ga yema namaxã nüxü̃ yaxugüxü̃ rü nagu nidauxcüraxü̃gü. Rü yemaca̱x ga nüma ga Tupana rü düxwa namaxã nanu ga yema norü duü̃xü̃gü rü taxúema Tupanaxü̃ ítayachaxãchixẽxẽ.

Nüxíraxü̃xü̃ ga popera ga ãẽ̱xgacügüchiga 22:28

Rü yexguma ga nüma ga Micaía rü nanangãxü̃ rü ñanagürü: —Ngẽxguma cuma tá maxü̃ãcü cutaegu̱xgu, rü ngẽmawa tá nüxü̃ cucua̱x nax Tupana rü tama chowa yadexaxü̃ —ñanagürü.

Iraétanüxü̃arü muxchiga 16:35

Rü ñu̱xũchi nüma ga Cori ya Tupana rü üxüema yéma namu, rü ínanagu ga yema 250 ga yatügü ga norü pumarate̱xe Cori ya Tupanaca̱x yéma igugüxü̃.

Iraétanüxü̃arü muxchiga 11:1

Wüxi ga ngunexü̃gu ga Iraétanüxü̃ rü Cori ya Tupanamaxã nanue rü narüxutagagü naxca̱x ga yema ngúxü̃ ga yangegüxü̃. Rü yemaxü̃ nax naxĩnüxü̃ ga Cori ya Tupana rü nanu. Rü Iraétanüxü̃ ípegüxü̃pechinügu nananguxẽxẽ ga üxüema. Rü ñuxre ga ĩpatagü ga napechinüwa ügüne rü nixae.

Norü taxre ga popera ga ãẽ̱xgacügüchiga 1:11

Rü yexguma ga ãẽ̱xgacü rü to ga churaragüeru yéma namu namaxã ga to ga 50 ga churaragü. Rü nüma rü yéma naxũ rü Eríaxü̃ ñanagürü: —Pa Tupanaarü orearü Uruxü̃x, rü ãẽ̱xgacüarü mu nixĩ nax ñu̱xmatama ícurüxĩxü̃ i ngéma —ñanagürü.

Lebítanüxü̃arü puracüchiga 10:2

Rü yemaca̱x Tupanawa ínaxũxũ ga üxüema ga ínaguxü̃. Rü yemaacü Tupanape̱xegu nayue.