Norü taxre ga popera ga Cuáü̃ ümatüxü̃ 1:5 - Tupanaarü Ore

⁵ Rü ñu̱xmax, Pa Chauenexẽgü ya Pexü̃ Changechaü̃güxe, rü pexna nüxü̃ chacua̱xãchixẽxẽ nax namexü̃ nax yigü ingechaü̃güxü̃. Rü ngẽma rü tama wüxi i ngexwaca̱xü̃xü̃ i Tupanaarü mu nixĩ. Natürü yematama nixĩ ga mu ga noxritama peyaxõgügu peyauxgüxü̃.

Norü taxre ga popera ga Cuáü̃ ümatüxü̃ 1:5 Referans Kwoze

Nüxíraxü̃xü̃ ga popera ga Cuáü̃ ümatüxü̃ 3:11

Rü yema nüxíra marü nüxü̃ pexĩnüexü̃ ga ore rü ñaa nixĩ. Rü name nixĩ nax guxãma yigü ingechaxü̃güxü̃.

1 Tesalonicenses 4:9

Rü ngẽma nax pegü pengechaü̃güxü̃chiga, rü taxuca̱xma pexca̱x chanaxümatü i poperawa. Yerü Tupanatama nixĩ ga marü pexü̃ ngúexẽẽcü nax pegü pengechaü̃güxü̃.

Ore i mexü̃ ga Cuáü̃ ümatüxü̃ 15:12

Rü choma pexü̃ chamu nax pemücügüxü̃ pengechaü̃güxü̃ca̱x, ngẽma choma nax pexü̃ changechaü̃xü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 3:23

Rü nüma tüxü̃ namu nax Nane ya Ngechuchu ya Cristuaxü̃́ yaxõgüxü̃ rü yigü ingechaü̃güxü̃, yema nüma tüxü̃ namuxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 4:20

Ngẽxguma chi texé ñagügu: “Choma rü Tupanaxü̃ changechaü̃”, ñagügu, natürü tümaenexẽchi taxaixgu, rü tidora. Erü ngẽxguma tama nüxü̃ tangechaü̃gu i tümaenexẽ i nüxü̃ tadauxü̃, rü taxuacüma nüxü̃ tangechaü̃ ya Tupana ya tama nüxü̃ tadaucü.

Nüxíraxü̃xü̃ ga popera ga Pedru ümatüxü̃ 4:8

Rü guxü̃arü yexera i ngẽma pexü̃́ chanaxwa̱xexü̃ nixĩ nax aixcüma pegü pengechaü̃güxü̃ i wüxichigü. Erü ngẽxguma aixcüma pegü pengechaü̃gügu rü ngẽmaãcü inayarüxo i muxü̃ma i pecadugü.

Norü taxre ga popera ga Pedru ümatüxü̃ 1:7

Rü ngẽma nax Tupanaga pexĩnüexü̃étüwa penaxwa̱xe nax peenexẽgüxü̃ pengechaü̃güxü̃. Rü ngẽma nax peenexẽgüxü̃ pengechaü̃güxü̃étüwa penaxwa̱xe nax guxü̃ma i duü̃xü̃güxü̃ pengechaü̃güxü̃.

Popera ga Yudíugü ga yaxõgüxü̃ca̱x ümatüxü̃ 13:1

Rü ñu̱xma rü name nax guxü̃guma pegü pengechaü̃güxü̃ ñoma peenexẽxü̃ pengechaü̃xü̃rüxü̃.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Gálatas 5:22

Natürü ngẽxguma Tupanaãxẽ ya Üünecü tawa ngẽxmagu, rü yigü tangechaü̃gü, rü tataãẽgü, rü tama yigümaxã tanue, rü yáxna yigümaxã taxĩnüe, rü yigümaxã tamecümagü, rü yigü tarüngü̃xẽẽgü, rü tayanguxẽxẽ i ngẽma nüxü̃ ixuxü̃ rü aixcüma Tupanaaxü̃́ tayaxõgü.

Ore i mexü̃ ga Cuáü̃ ümatüxü̃ 15:17

Rü ngẽma nixĩ i pexü̃ chamuxü̃ nax pemücügüxü̃ pengechaü̃güxü̃ca̱x.

Norü taxre ga popera ga Cuáü̃ ümatüxü̃ 1:1

Pa Chauenexẽgü i Yaxõgüxe ya Tupana Pexü̃ Dexex, pexca̱x chanaxümatü i choma i Cuáü̃ i yaxõgüxü̃arü ãẽ̱xgacü nax chixĩxü̃. Choma rü aixcüma pexü̃ changechaü̃. Rü tama i chaxica, natürü guxü̃ma i ngẽma nüxü̃ cua̱xgüxü̃ i Tupanaarü ore i aixcüma ixĩxü̃, rü ngẽxgumarüxü̃ ta pexü̃ nangechaü̃gü.