Norü taxre ga popera ga Cuáü̃ ümatüxü̃ 1:4 - Tupanaarü Ore

⁴ Rü poraãcü chataãxẽ ga yexguma nüxü̃ chada̱u̱xgu nax ñuxãcü ñuxre i petanüxü̃ rü aixcüma mea naga nax naxĩnüexü̃ i ngẽma ore i aixcüma ixĩxü̃, yema Tanatü ya Tupana tüxü̃ muxü̃rüxü̃.

Norü taxre ga popera ga Cuáü̃ ümatüxü̃ 1:4 Referans Kwoze

Efesios 5:8

Rü ü̃pa ga pema rü ẽanexü̃wa pemaxẽ, yerü tama Tupanaxü̃ pecua̱x. Natürü i ñu̱xma nax Cori ya Tupanaxü̃ pecuáxü̃, rü ngóonexü̃wa pemaxẽ. Rü ngẽmaca̱x name i duü̃xü̃gü i ngóonexü̃wa ngẽxmagüxü̃ãcü pemaxẽxü̃.

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 2:6

Rü yíxema ñagüxe: “Tupanaarü duü̃xü̃ chixĩ”, ñagüxe, rü name nixĩ nax mea tamaxü̃xü̃ yema Ngechuchu ya Cristu mea maxü̃xü̃rüxü̃.

Ochéa 14:9

Rü yíxema cua̱x tüxü̃́ ngẽxmaxe rü yíxema aixcüma tümaãẽxü̃ cuáxe rü name i naga taxĩnü i ñaa ore. Rü ngẽma nacüma ya Cori ya Tupana rü aixcüma nawe̱xgu. Rü ngẽma duü̃xü̃gü i aixcüma naga ĩnüexü̃, rü ngẽma nacümagu naxĩ. Natürü ngẽma tama Tupanaga ĩnüexü̃ca̱x, rü ngẽma nacüma rü wüxi i guxchaxü̃ nixĩ.

Maraquía 2:6

Rü nümagü ga perü o̱xigü ga Lebítanüxü̃ rü ore i aixcüma ixĩxü̃maxã nanangúexẽxẽ ga duü̃xü̃gü rü taguma chixexü̃maxã nayaxucu̱xẽgü. Rü nümagü ga perü o̱xigü ga Lebítanüxü̃ rü aixcüma chomaxã naxãmücügü rü togümaxã tataãẽgü. Rü muxẽma ga duẽxẽgü tüxü̃ narüngü̃xẽxẽ nax chixexü̃na tixĩgachixü̃ca̱x.

Filipenses 4:10

Rü ñu̱xma rü Corimaxã poraãcü chataãxẽ erü wenaxarü choxna pecua̱xãchie rü choxü̃ perüngü̃xẽxẽ. Rü choma nüxü̃ chacua̱x rü pema rü guxü̃guma choxü̃ perüngü̃xẽẽchaü̃, natürü tama pexü̃́ nayexma ga tauxcha nax penaxüxü̃ca̱x ga yema.

Gálatas 2:14

Natürü yexguma nüxü̃ chada̱u̱xgu nax tama Tupanaarü ore i mexü̃ tüxü̃ ngu̱xẽẽxü̃ãcüma namaxẽxü̃ ga yema yatügü, rü guxü̃ ga yaxõgüxü̃pe̱xewa Pedruxü̃ nüxü̃ chaxĩnüxẽxẽ. Rü ñacharügü nüxü̃: “Dücax i cuma nax Yudíuchire̱x quixĩxü̃, rü ngẽma tama Yudíugü ixĩgüxü̃ãcü cumaxü̃. ¿Rü ñuxãcü i ñu̱xma i cunaxwa̱xexü̃ nax Yudíugücümagu naxĩxü̃ i ngẽma duü̃xü̃gü i tama Yudíugü ixĩgüxü̃?” ñacharügü nüxü̃.

1 Corintios 13:6

Rü tama namaxã tataãxẽ i chixexü̃gü, natürü namaxã tataãxẽ i ngẽma ore i aixcüma ixĩxü̃.