1 Corintios 9:7 - Tupanaarü Ore

⁷ ¿Ta̱xacü rü duü̃xü̃ i churarawa ũxü̃ i nügüxü̃tama naxütanüxü̃ i norü õna? ¿Rü ta̱xacürü duü̃xü̃ i úba itoxü̃ i tama namúxü̃ i norü o? ¿Rü ta̱xacürü duü̃xü̃ i carnérugüna dauxü̃ i tama nagünenixü̃ ne ixaxüxü̃?”

1 Corintios 9:7 Referans Kwoze

Ucu̱xẽgüchiga 27:18

Yíxema nüxna dauxe i tümaarü igunecü rü tá tanangõ̱x i norü o. Rü yíxema mea nüxna dauxe i tümaarü coriarü ngẽmaxü̃gü, rü tümaarü cori rü tá tümamaxã nataãxẽ.

Wenaxarü naxümatü ga Tupanaarü mugü 20:6

Rü ngẽxguma texé tüxü̃́ nangẽxmagu i tümaarü úbanecü i taguma tabuxarü oóxü̃, rü name nax tümatapataca̱x tataeguxü̃, erü ngürüãchi nuxã daixgu tayu rü tá tomare i duü̃xü̃ nanabuxu i tümaarü úbagü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 1:18

Pa Chaune, Pa Timutéux, ñaa nixĩ i chorü ore i cumaxã nüxü̃ chixuxü̃. Rü ü̃pa ga yexguma Tupana yadexaxẽẽgu ga ñuxre ga taenexẽgü, rü nüxü̃ nixugügü nax cuma rü tá mexü̃ i Tupanaarü orearü uruxü̃ quixĩxü̃. Rü ñu̱xma chanaxwa̱xe i yemagü nüxü̃ ixuxü̃rüxü̃ mexü̃ i curü õmaxã rü mexü̃ i curü ĩnümaxã cuyanguxẽxẽ i ngẽma puracü i mexü̃ ya Tupana nawa cuxü̃ muxü̃. Ñuxre i yaxõgüxü̃ rü nüxü̃ narüxoe ga yema mexü̃ ga noxri nagu naxĩnüexü̃ rü ngẽmagagu i ñu̱xma düxwa nüxü̃ narüxoe nax Cristuaxü̃́ yaxõgüãxü̃.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

Charumóü̃arü wiyae 8:12

Rü yíxema 1,000 tachinü i diẽru rü cuxrütama tixĩ, Pa Charomóü̃x. Rü yíxema 200 tachinü rü noxrü tixĩ i ngẽma nüxna daugüxü̃. Natürü ngẽma chorü úbanecü rü chomatama nixĩ i nüxna chadauxü̃.

Ucu̱xẽgüchiga 27:27

Rü ngẽma curü cabragüwa tá cuxü̃́ nangẽxma ya nagünenixü̃ ya taxü̃ne. Rü yima tá quixaxü i cumax rü cuxacügü rü guxü̃ma i curü duü̃xü̃gü i cuxü̃́ puracüexü̃.

Nüxíraxü̃xü̃ ga popera ga Pedru ümatüxü̃ 5:2

Rü chanaxwa̱xe i mea nüxna pedau i Tupanaarü duü̃xü̃gü i pexme̱xwa ngẽxmagüxü̃. Rü name nixĩ i perü ngúchaü̃maxã Tupana naxwa̱xexü̃ãcüma penaxü i ngẽma puracü, rü tama texé pexü̃ muxguxica penaxü rüe̱xna diẽruca̱x penaxü.

Norü taxre ga popera ga Timutéuca̱x naxümatüxü̃ ga Pauru 4:7

Rü choma rü marü chayanguxẽxẽ i ngẽma puracü ya Tupana choxna ãxü̃. Rü ñu̱xma nax chayanguxẽẽxü̃ i ngẽma puracü i choxna naxãxü̃ rü tama nüxü̃ charüxo nax chayaxõxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 6:12

¡Cugü naporaxẽxẽ nax mea cuyaxõõmaxü̃ca̱x rü cunaxüamaxü̃ca̱x i Tupanaarü puracü ega woo ta̱xacürü guxchaxü̃ cuxü̃ üpetügu! ¡Rü cugüna nadau nax taguma cuxna iyanaxoxü̃ca̱x i ngẽma maxü̃ i taguma gúxü̃, yerü yema maxü̃ca̱x nixĩ ga noxri Tupana cuxü̃ yaxuxü̃ ga yexguma muxü̃ma ga duü̃xü̃güpe̱xewa nüxü̃ quixuxgu nax Ngechuchu ya Cristuaxü̃́ cuyaxõxü̃!

Wenaxarü naxümatü ga Tupanaarü mugü 18:8

Rü nüma rü ngẽma togü i namücügü yaxuxü̃e̱xpü̱x i õna tá nanayaxu. Rü naétü tá nanayaxu i ngẽma nanatü nüxna ãxü̃.