1 Corintios 9:18 - Tupanaarü Ore

¹⁸ ¿Rü ñu̱xma rü ta̱xacü tá nixĩ i chorü natanü naxca̱x i ngẽma puracü i chaxüxü̃? Rü chorü natanü nixĩ i ngẽma taãxẽ i chayaxuxü̃ i ngẽxguma ngetanüãcüma nüxü̃ chixuxgu i ngẽma ore i tüxü̃ maxẽxẽẽxü̃. Rü ngẽmaãcü woo name nax petanüwa chanayaxuxü̃ i chorü natanü nax ngẽmamaxã chamaxü̃xü̃ca̱x, natürü taguma texéna naxca̱x chaca.

1 Corintios 9:18 Referans Kwoze

1 Tesalonicenses 2:6

Rü taguma naxca̱x tadaugü nax texé toxü̃ icua̱xüü̃güxü̃, rü woo i pema rü bai i togü.

1 Corintios 8:9

Natürü i pema i nüxü̃ nax pecuáxü̃ nax tama pecadu yixĩxü̃ nax nangṍxü̃ i ngẽma namachi, ¡rü pexuãẽgü erü ngürüãchi ngẽma nax pengṍxü̃gagu chixexü̃gu tá penayixẽxẽ i ngẽma peenexẽgü i taxũta aixcüma poraexü̃ i norü õwa!

2 Corintios 4:5

Rü toma rü tama tochigaxü̃tama nixĩ i tixugüxü̃. Natürü nüxü̃ tixu nax Ngechuchu ya Cristu rü tórü Cori yixĩxü̃, rü toma rü Ngechuchugagu perü ngü̃xẽẽruü̃gümare tixĩgüxü̃.

1 Corintios 10:33

Rü choma rü guxü̃wama guxü̃xü̃ma chataãẽxẽẽchaü̃. Rü ngẽmaca̱x tama chanaxü i ngẽma chomatama namaxã chataãẽxü̃, natürü chanaxü i ngẽma togü namaxã taãẽxü̃ nax ngẽmaãcü nümagü rü ta nüxü̃́ nangúchaü̃ nax yaxõgüãxü̃ rü nayauxgüãxü̃ i maxü̃ i taguma gúxü̃.

1 Corintios 7:31

Rü yíxema tüxü̃́ nangẽxmaxẽ i tümaarü ngẽmaxü̃gü i ñoma i naanewa, rü tanaxwa̱xe nax ñoma taxuxü̃ma tüxü̃́ ngẽmaxü̃ãcü tamaxẽxü̃. Erü ñoma i naane i ñu̱xma nüxü̃ idauxü̃ rü paxa tá nagu̱x.

Romanos 14:15

Rü ngẽxguma ngẽma cungṍxü̃gagu tümaãẽwa cunangu̱xẽẽ̱xgu ya cuenexẽ, rü cumaxã nüxü̃ chixu rü tama name i ngẽmagagu chixexü̃gu tüxü̃ cungu̱xẽxẽ rü tüxü̃ icuyarütauxẽxẽ ya yíxema cuenexẽ ya Cristu tümaca̱x yuxe.

Ore i mexü̃ ga Cuáü̃ ümatüxü̃ 4:36

Rü yíxema Tupanaca̱x nadexe i duü̃xü̃gü rü tá tanayaxu i tümaarü natanü. Rü guxü̃ma i ngẽma duü̃xü̃gü i tüxü̃́ irüxĩnüexü̃ rü tá nanayauxgü i maxü̃ i taguma gúxü̃. Rü ngẽmaãcü ya yíxema tüxíra ngẽma duü̃xü̃gümaxã Tupanaarü orexü̃ ixuxe rü yíxema yixcama ngẽma duü̃xü̃güxü̃ Tupanaca̱x dexe rü wüxigu tá tataãẽgü.

Ngechuchuarü ngúexü̃gü ga yamugüxü̃arü puracüchiga 18:3

Rü nüma ga Pauru rü Aquírarüxü̃ rü Prichírarüxü̃ nüxü̃ nacua̱x nax naxchirunaxca̱x ga düxenüarü üwa napuracüxü̃. Rü yemaca̱x ga Pauru rü naxü̃tagu narüxã̱ũ̱x nax wüxigu nügümaxã napuracüexü̃ca̱x.

1 Corintios 3:8

Rü ngẽmaãcü ya yíxema tüxíra duü̃xü̃gümaxã nüxü̃ ixuxe i Tupanaarü ore, rü yíxema wixwena yexeraãcü duü̃xü̃güxü̃ ngúexẽxẽ́xe rü tawüxigumare i ngẽma puracüwa. Natürü ngẽxgumarüxü̃ nax tanaxüxü̃ i ngẽma puracü, rü Tupana rü tá tüxü̃́ nanaxütanü ya wüxichigü.

1 Corintios 9:12

Rü ngẽxguma ngẽma togü i orearü uruü̃gü petanüwa nayauxgügu i ngẽma nüxü̃́ taxuxü̃, rü toma rü yexera name nixĩ i petanüwa tanayaxu i ngẽma toxü̃́ taxuxü̃. Natürü i toma rü tama ngẽmaãcü tanaxü. Erü toma rü guxü̃ i guxchaxü̃maxã taporae nax tama pexü̃́ tanaguxchaxẽẽxü̃ca̱x nax Cristuaxü̃́ peyaxõgüxü̃.

1 Corintios 9:15

Natürü i chomax rü taguma ngẽmaãcü chanaxü. Rü ñu̱xma nax pexca̱x chanaxümatüxü̃ i ñaa popera, rü tama ta̱xacü choxna pexãxü̃ca̱x nixĩ. Erü ngẽma nax taguma texéxü̃tawa ta̱xacüca̱x íchacaxaxü̃, rü wüxi i chorü taãxẽ nixĩ. Rü narümemae chi nixĩ nax chayuxü̃ naxü̃pa nax texé choxna nayaxuxü̃ i ñaa taãxẽ i choxü̃́ ngẽxmaxü̃.

1 Corintios 9:17

Rü ngẽxguma chi chaugagu chitama chanaxüxgu i ngẽma puracü, rü nagu chi charüxĩnü nax choxü̃́ naxãtanüxü̃. Natürü ngẽxguma Tupana choxü̃ muxü̃ãcüma chanaxüxgu, rü chanaxüama erü woetama ngẽma nixĩ i chorü puracü ga Tupana choxna ãxü̃.