1 Corintios 9:16 - Tupanaarü Ore

¹⁶ Rü ñu̱xma nax nüxü̃ chixuxü̃ i ngẽma ore i tüxü̃ maxẽxẽẽxü̃, rü taguma ngẽmaca̱x chaugü chicua̱xüxü̃. Erü woetama ngẽma nixĩ i chorü puracü ga Tupana choxna ãxü̃, rü ngẽmaca̱x taxucürüwama chanangexrü. Erü poraãcü chi chachixexü̃gu i ngẽxguma taxũchima nüxü̃ chixuxgu.

1 Corintios 9:16 Referans Kwoze

Romanos 1:14

Rü nümatama ya Tupana choxü̃ namu nax guxü̃ i duü̃xü̃gümaxã nüxü̃ chixuxü̃ca̱x i norü ore. Rü woo ngẽma poperaxü̃ icuáxü̃ rü woo ngẽma tama poperaxü̃ icuáxü̃, rü woo ngẽma cua̱x nüxü̃́ ngẽxmaxü̃ rü woo ngẽma tama cua̱x nüxü̃́ ngẽxmaxü̃ rü Tupana nanaxwa̱xe nax ngẽmagümaxã nüxü̃ chixuxü̃ i norü ore.

Colosenses 4:17

Rü chanaxwa̱xe i Ariquípumaxã nüxü̃ pixu, rü ñapegürügü nüxü̃: “¡Mea napuracü rü yanguxẽxẽ i ngẽma puracü i tórü Cori cuxna ãxü̃!” ñapegürügü nüxü̃.

Yeremía 20:9

Rü ngẽxguma chi nagu charüxĩnügu nax nüxü̃ charüxoxü̃ nax nüxü̃ chixuxü̃ i curü ore, rü ngẽxguma i ngẽma curü ore i chorü aixepewa ngẽxmaxü̃, rü chi ñoma üxü ya choxü̃ iguxü̃rüxü̃ nixĩ. Rü ngẽma norü naixü̃ rü ñu̱xmata chauxchina̱xãwa nangu. Rü yáxna taa̱x namaxã chaugü chaxĩnüxẽxẽ nax tama nüxü̃ chixuxü̃ca̱x i ngẽma curü ore, natürü tama namaxã chapora.

Ore i mexü̃ ga Luca ümatüxü̃ 9:62

Natürü Ngechuchu rü ñanagürü nüxü̃: —Texé ya yíxema inaxügüxe nax Tupanaarü puracüwa tapuracüxü̃, natürü tümaarü ngẽmaxü̃guama rüxĩnüxe, rü tama tame nax Tupanaarü puracü taxüxü̃ —ñanagürü.

Ngechuchuarü ngúexü̃gü ga yamugüxü̃arü puracüchiga 4:20

Erü toma rü taxuacüma nüxü̃ tarüxoe nax nüxü̃ tixuxü̃ ga yema nüxü̃ tadaugüxü̃ rü nüxü̃ taxĩnüexü̃ —ñanagürügü.

Amúx 3:8

¿Rü texé ya tama muü̃maxã idu̱xruxe ega ngẽxguma wüxi i leóü̃ ingũ̱xunecüxügu? ¿Rü texé ya tama Tupanaégagu idexaxe ega nüma tüxü̃ namuxgu nax tidexaxü̃ca̱x?

Romanos 15:17

Rü ngẽmaca̱x Ngechuchu ya Cristugagu chataãxẽ namaxã i ngẽma puracü i Tupanaaxü̃́ chaxüxü̃.

Ngechuchuarü ngúexü̃gü ga yamugüxü̃arü puracüchiga 9:15

Natürü nüma ga Cori rü ñanagürü nüxü̃: —¡Ngéma naxũ! Erü choma chanayaxu i ngẽma yatü nax choxü̃ yaxuchigaxü̃ca̱x namaxã i togü i nachixü̃anecüã̱xgü i duü̃xü̃gü rü norü ãẽ̱xgacügü, rü ngẽma Iraétanüxü̃.

Ngechuchuarü ngúexü̃gü ga yamugüxü̃arü puracüchiga 9:6

¡Rü inachi, rü ngéma Damácuarü ĩanewa naxũ! Rü ngéma rü wüxi ya yatü tá cumaxã nüxü̃ nixu nax ta̱xacü tá cuxüxü̃ —ñanagürü.

Romanos 4:2

Rü dücax, yexguma chi ta̱xacürü mexü̃ nax naxüxü̃ca̱x Tupanape̱xewa namexgu ga Abraáü̃ rü chi yemaca̱x nügü nicua̱xüxü̃, natürü tama yemaca̱x Tupanape̱xewa name. Erü Tupanaarü ore i ümatüxü̃wa rü ñanagürü: “Abraáü̃ rü Tupanaaxü̃́ nayaxõ, rü yemaca̱x Tupana nüxü̃ nixu nax namexü̃”, ñanagürü i ngẽma ore.

Amúx 7:15

Natürü ya Cori ya Tupana rü choxna nanayaxu nax carnérugüarü dauruxü̃ chixĩxü̃. Rü ñanagürü choxü̃: “¡Ngéma naxũ rü chauégagu chorü duü̃xü̃gü i Iraéanecüã̱xgümaxã nüxü̃ yarüxu i chorü ore!” ñanagürü.

Ichaía 6:5

Rü yexguma ga chomax rü ñaxü̃gu charüxĩnü: —Ñu̱xmawaxix rü chaugümaxã changechaü̃ erü tá chayu. Erü choma nax duü̃xü̃ chixĩxü̃ rü chauxetümaxã nüxü̃ chadau ya yimá ãẽ̱xgacü ya Cori ya Guxãétüwa Ngẽxmacü. Rü chaua̱x rü naxãũãchi rü duü̃xü̃gü i ãũãchiarü dexaã̱xgǘxü̃tanüwa chamaxü̃ —ñaxü̃gu charüxĩnü.

Yeremía 20:7

Rü nüma ga Yeremía rü Tupanaxü̃ ñanagürü: —Pa Corix, Pa Tupanax, cuma rü choxü̃ cuwomüxẽxẽ. Rü cuma rü choxü̃ quimuchigüama rü düxwa cuga chaxĩnü. Rü cuma rü chorü yexera cupora rü choxü̃ curüporamae. Rü ñu̱xma rü guxü̃ i oragu daa ĩanearü cugüruxü̃ chixĩ, rü duü̃xü̃gü rü chaugu nidauxcüraxü̃gü.

Yeremía 1:17

¡Rü ñu̱xma i cumax, rü inachi rü cugü naporaxẽxẽ, rü ngẽma duü̃xü̃gütanüwa naxũ rü namaxã nüxü̃ yarüxu i ngẽma choma cumaxã nüxü̃ chixuxü̃! ¡Rü taxṹ i nüxü̃ cumuü̃xü̃! Erü ngẽxguma taxũtáma ngẽma cumaxã nüxü̃ chixuxü̃ãcüma cunaxüxgux, rü choma rü tá ngẽma duü̃xü̃güpe̱xewa muü̃maxã cuxü̃ chidu̱xruxẽxẽ.

1 Chamué 12:23

Rü ñu̱xma i choma rü tama chanaxwa̱xe i pecadu chaxü, rü ngẽmaca̱x taxũtáma nüxü̃ charüchau nax pexca̱x chayumüxẽxü̃. Rü tá pexü̃ changúexẽxẽama nax mea Cori ya Tupanaca̱x pemaxẽxü̃ rü mea nawe perüxĩxü̃ca̱x.

1 Corintios 4:15

Rü woo nangẽxmagu i 10,000 i perü ngu̱xẽẽruü̃gü i Cristuchiga pexü̃ ngúexẽẽxü̃, natürü chaxicatama nixĩ i penatü chixĩxü̃ i Tupanaarü orewa. Yerü chaxíra nixĩ ga pemaxã nüxü̃ chixuxü̃ ga Tupanaarü ore i mexü̃, rü chauxü̃tawa nixĩ ga penayaxuxü̃ ga Ngechuchu ya Cristu.

1 Corintios 9:12

Rü ngẽxguma ngẽma togü i orearü uruü̃gü petanüwa nayauxgügu i ngẽma nüxü̃́ taxuxü̃, rü toma rü yexera name nixĩ i petanüwa tanayaxu i ngẽma toxü̃́ taxuxü̃. Natürü i toma rü tama ngẽmaãcü tanaxü. Erü toma rü guxü̃ i guxchaxü̃maxã taporae nax tama pexü̃́ tanaguxchaxẽẽxü̃ca̱x nax Cristuaxü̃́ peyaxõgüxü̃.

1 Corintios 9:14

Rü ngẽxgumarüxü̃ ta ya yíxema nüxü̃ ixugüxe i ore i tüxü̃ maxẽxẽẽxü̃, rü tórü Cori nüxü̃ nixu rü name nixĩ i tanayauxtanü i ngẽma tümaarü puracü.

2 Corintios 2:12

Rü yexguma Tróaarü ĩanewa changuxgu nax nüxü̃ chixuxü̃ca̱x ga Cristuarü ore, rü nüma ga Cori ya Tupana rü choxü̃́ nanatauxchaxẽxẽ nax yéma nüxü̃́ chapuracüxü̃ca̱x.

Ore i mexü̃ ga Matéu ümatüxü̃ 25:16

Rü yema norü duü̃xü̃ ga 5,000 tachinü ga diẽru ngĩxü̃ yaxuxü̃, rü ngĩmaxã napuracü, rü nai ga 5,000 tachinü ngĩmaxã nayaxu.