1 Corintios 9:12 - Tupanaarü Ore

¹² Rü ngẽxguma ngẽma togü i orearü uruü̃gü petanüwa nayauxgügu i ngẽma nüxü̃́ taxuxü̃, rü toma rü yexera name nixĩ i petanüwa tanayaxu i ngẽma toxü̃́ taxuxü̃. Natürü i toma rü tama ngẽmaãcü tanaxü. Erü toma rü guxü̃ i guxchaxü̃maxã taporae nax tama pexü̃́ tanaguxchaxẽẽxü̃ca̱x nax Cristuaxü̃́ peyaxõgüxü̃.

1 Corintios 9:12 Referans Kwoze

2 Corintios 11:12

Rü ngẽmaca̱x tá petanüwa nüxü̃ chixuama i Tupanaarü ore, nax taxucürüwa chixri chauchiga yadexagüxü̃ca̱x i ngẽma orearü uruü̃güneta i nügü ixuxü̃ nax toxrüxü̃ naxügüãxü̃ i Tupanaarü puracü.

1 Corintios 9:18

¿Rü ñu̱xma rü ta̱xacü tá nixĩ i chorü natanü naxca̱x i ngẽma puracü i chaxüxü̃? Rü chorü natanü nixĩ i ngẽma taãxẽ i chayaxuxü̃ i ngẽxguma ngetanüãcüma nüxü̃ chixuxgu i ngẽma ore i tüxü̃ maxẽxẽẽxü̃. Rü ngẽmaãcü woo name nax petanüwa chanayaxuxü̃ i chorü natanü nax ngẽmamaxã chamaxü̃xü̃ca̱x, natürü taguma texéna naxca̱x chaca.

1 Corintios 9:15

Natürü i chomax rü taguma ngẽmaãcü chanaxü. Rü ñu̱xma nax pexca̱x chanaxümatüxü̃ i ñaa popera, rü tama ta̱xacü choxna pexãxü̃ca̱x nixĩ. Erü ngẽma nax taguma texéxü̃tawa ta̱xacüca̱x íchacaxaxü̃, rü wüxi i chorü taãxẽ nixĩ. Rü narümemae chi nixĩ nax chayuxü̃ naxü̃pa nax texé choxna nayaxuxü̃ i ñaa taãxẽ i choxü̃́ ngẽxmaxü̃.

1 Corintios 9:2

Rü woo togü i duü̃xü̃gü tama choxü̃ cua̱xgüchaü̃gu nax tórü Cori choxü̃ muxü̃, natürü i pema rü meama nüxü̃ pecua̱x nax nüma yixĩxü̃ ga choxü̃ namuxü̃. Rü chauxü̃tawa nixĩ ga tórü Coriaxü̃́ peyaxõgüxü̃, rü ngẽmawa nüxü̃ pecua̱x nax aixcüma yixĩxü̃ nax nüma choxü̃ namuxü̃.

2 Corintios 11:20

Rü yáxna namaxã pexĩnüe i ngẽma duü̃xü̃gü i nügüxü̃́ pexü̃ puracüexẽẽxü̃, rü ngẽma ngetanüãcüma pexü̃ puracüexẽẽmarexü̃, rü ngẽma pexü̃ womüxẽẽgüxü̃, rü ngẽma pexü̃ oexü̃, rü ngẽma pexü̃ pechiwegüxü̃.

2 Corintios 6:3

Rü toma rü taguma texépe̱xewa chixri tamaxẽ nax taxuca̱xma texé chixri torü puracüchiga idexaxü̃ca̱x.

1 Corintios 6:7

Rü ngẽma nax pegümaxã penuexü̃, rü ngẽma rü poraãcü chixexü̃ nixĩ. ¿Rü tü̱xcüü̃ tama yáxna namaxã pexĩnüe i ngẽma guxchaxü̃gü i peenexẽ pemaxã üxü̃? ¿Rü tü̱xcüü̃ tama namaxã peporae ega texé perü ngẽmaxü̃ca̱x ngĩ̱xgux?

Romanos 15:22

Rü yema tóxnamana nax chapuracüxü̃ca̱x nixĩ ga taxucürüwa petanüwa chaxũxü̃ woo muẽ̱xpü̱xcünachire̱x yéma chaxũxchaü̃.

Ngechuchuarü ngúexü̃gü ga yamugüxü̃arü puracüchiga 18:3

Rü nüma ga Pauru rü Aquírarüxü̃ rü Prichírarüxü̃ nüxü̃ nacua̱x nax naxchirunaxca̱x ga düxenüarü üwa napuracüxü̃. Rü yemaca̱x ga Pauru rü naxü̃tagu narüxã̱ũ̱x nax wüxigu nügümaxã napuracüexü̃ca̱x.

Ore i mexü̃ ga Luca ümatüxü̃ 11:52

Rü wüxi i ngechaü̃ nixĩ i pexca̱x, Pa Ngúexẽẽruü̃gü i Moichéarü Mugüwa Ngu̱xẽẽtaegüxü̃ erü duü̃xü̃gücha̱xwa ipeyacu̱x i Tupanaarü ore i aixcüma ixĩxü̃ i pematama tama pixõgüxü̃. Rü nüxna penachu̱xu i togü i duü̃xü̃gü i aixcüma yaxõgüchaü̃xü̃ nax nümagü rü ta tama yaxõgüãxü̃ca̱x —ñanagürü ga Ngechuchu.

Neemía 4:8

Rü guxü̃ma ga nüma rü wüxigu nügümaxã nagu narüxĩnüe nax Yerucharéü̃ca̱x íyaxüãchixü̃ nax nagu napogüexü̃ca̱x ga naxtapü̱x.

Naanearü ügüchiga 24:56

Natürü ga gumá Abraáü̃arü duü̃ rü ñanagürü tüxü̃: —¡Taxṹ i nuxã choxü̃ pechu̱xuxü̃! Tupana rü mea ínananguxuchixẽxẽ i ngẽma naxca̱x nua chaxũxü̃. Rü ngẽmaca̱x name nixĩ i chorü corichiü̃ca̱x choxü̃ pemuegu —ñanagürü.

1 Corintios 9:14

Rü ngẽxgumarüxü̃ ta ya yíxema nüxü̃ ixugüxe i ore i tüxü̃ maxẽxẽẽxü̃, rü tórü Cori nüxü̃ nixu rü name nixĩ i tanayauxtanü i ngẽma tümaarü puracü.

1 Corintios 9:16

Rü ñu̱xma nax nüxü̃ chixuxü̃ i ngẽma ore i tüxü̃ maxẽxẽẽxü̃, rü taguma ngẽmaca̱x chaugü chicua̱xüxü̃. Erü woetama ngẽma nixĩ i chorü puracü ga Tupana choxna ãxü̃, rü ngẽmaca̱x taxucürüwama chanangexrü. Erü poraãcü chi chachixexü̃gu i ngẽxguma taxũchima nüxü̃ chixuxgu.

1 Corintios 13:7

Rü yíxema aixcüma tüxü̃́ nangẽxmaxẽ i ngechaü̃ rü nüxü̃ tarüngüma i guxü̃ma i guxchaxü̃gü, rü guxü̃guma tayaxõ, rü guxü̃guma mexü̃gu tarüxĩnü, rü guxü̃ma i guxchaxü̃gümaxã yáxna taxĩnü.

2 Corintios 2:12

Rü yexguma Tróaarü ĩanewa changuxgu nax nüxü̃ chixuxü̃ca̱x ga Cristuarü ore, rü nüma ga Cori ya Tupana rü choxü̃́ nanatauxchaxẽxẽ nax yéma nüxü̃́ chapuracüxü̃ca̱x.