1 Corintios 9:11 - Tupanaarü Ore

¹¹ Rü toma rü wüxi ya nanetüchire ya itatoxü̃nerüxü̃ pemaxã nüxü̃ tixu ga Tupanaarü ore. ¿Rü ñu̱xma rü tama ẽ̱xna i pexca̱x namexü̃ nax toxna penaxãxü̃ i ta̱xacü i toxü̃́ taxuxü̃?

1 Corintios 9:11 Referans Kwoze

Romanos 15:27

Rü ngẽma taenexẽgü i Machedóniacüã̱x rü Acáyacüã̱x rü norü me nixĩ nax ngẽmaãcü naxügüãxü̃. Rü ngẽma duü̃xü̃gü rü aixcüma nüxü̃́ nangẽxma i norü ngetanü i taenexẽgü i Yudíugütanüwa. Erü ngẽma taenexẽgü i Yudíugügagu nixĩ i ngẽma togü i duü̃xü̃gütanüwa nanguxü̃ i Tupanaarü ore. Rü ñu̱xma rü name nixĩ i ngẽma togü i duü̃xü̃gü rü norü ngẽmaxü̃maxã taenexẽgü i Yudíugü i yaxõgüxü̃xü̃ narüngü̃xẽẽgü.

Gálatas 6:6

Rü yíxema nayaxúxe i ngu̱xẽẽtae i Tupanaarü orewa rü name nixĩ nax tümaarü ngu̱xẽẽruü̃maxã tangauxü̃ i tümaarü ngẽmaxü̃gü.

2 Corintios 11:15

Rü ngẽmaca̱x woetama ngẽmaãcü nixĩgü i ngẽma duü̃xü̃gü i Chatanáaxü̃́ puracüexü̃. Rü nümagü rü duü̃xü̃gü i mexü̃ ügüxü̃gu nügü nicu̱xgü. Natürü Tupana tá nanapoxcue naxca̱x i ngẽma chixexü̃ i naxügüxü̃.

Norü taxre ga popera ga ãẽ̱xgacügüchiga 5:13

Natürü ga norü duü̃xü̃gü rü naxca̱x naxĩ rü ñanagürügü nüxü̃: —Pa Corix, ngẽxguma chi yimá orearü uruxü̃ rü ta̱xacürü guxchaxü̃ cuxü̃ naxüxẽẽgu rü ngẽxguma rü chi cunaxü. Natürü i ñu̱xma nax natauxchaxü̃ i ngẽma cumaxã nüxü̃ yaxuxü̃ rü yexera name nixĩ i naga cuxĩnü. ¡Rü cugü nayaxunemare nawa i ngẽma natü nax ngẽmaãcü cuxca̱x yataanexü̃ca̱x! —ñanagürügü.

1 Corintios 9:14

Rü ngẽxgumarüxü̃ ta ya yíxema nüxü̃ ixugüxe i ore i tüxü̃ maxẽxẽẽxü̃, rü tórü Cori nüxü̃ nixu rü name nixĩ i tanayauxtanü i ngẽma tümaarü puracü.

Filipenses 4:17

Rü ñu̱xma nax ngẽma ñachaxü̃ rü tama naxca̱x chadau nax wena diẽru choxna pexãxü̃, natürü ngẽma aixcüma chanaxwa̱xexü̃ nixĩ nax Tupana pexü̃́ yamuxẽẽxü̃ i perü diẽru.