1 Corintios 9:1 - Tupanaarü Ore

¹ Pemaxã nüxü̃ chixu rü tórü Coritama nixĩ ya choxü̃ yaxucü rü choxü̃ mucü nax norü puracü chaxüxü̃ca̱x, rü ngẽmaca̱x taxuxü̃ma i duü̃xü̃güme̱xẽwa changexma i ñu̱xmax. Rü chomatama chauxetümaxã tórü Cori ya Ngechuchuxü̃ chadau, rü ngẽma puracü i nüxü̃́ chaxüxü̃gagu nixĩ i peyaxõgüxü̃ i pemax.

1 Corintios 9:1 Referans Kwoze

Ngechuchuarü ngúexü̃gü ga yamugüxü̃arü puracüchiga 9:17

Rü gumá ĩpata ga Chauru nawa yexmanewa naxũ ga Ananía. Rü nagu naxücu, rü Chauruétügu naxǘxme̱x, rü ñanagürü nüxü̃: —Pa Chauenexẽ, Pa Chaurux, nüma ya Cori ya Ngechuchu ga gumá namawa cuxca̱x ngócü ga yexguma núma cuxũxgu, rü núma choxü̃ namu nax wenaxarü quidauuchixü̃ca̱x, rü cuxna nanguxü̃ca̱x i Naãxẽ ya Üünecü —ñanagürü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 2:7

Rü Tupana choxü̃ naxuneta nax norü orearü ngeruxü̃ chixĩxü̃ca̱x. Rü choxü̃ namu nax chanangúexẽẽxü̃ca̱x i ngẽma duü̃xü̃gü i tama Yudíugü ixĩgüxü̃ nax nümagü rü ta yaxõgüãxü̃ca̱x rü nüxü̃ nacua̱xgüxü̃ca̱x i ngẽma ore i aixcüma ixĩxü̃. Rü ngẽma pemaxã nüxü̃ chixuxü̃, rü aixcüma nixĩ, rü tama chidora.

1 Corintios 3:6

Rü chauxü̃tawa nixĩ ga nüxü̃ pexĩnüexü̃ rü peyaxõgüxü̃ ga Tupanaarü ore ga noxrix. Rü Apóru nixĩ ga pexü̃ rüngü̃xẽẽcü nax yexeraãcü mea peyaxõgüxü̃ ga yema ore. Natürü Tupana nixĩ ga pexü̃ maxẽxẽẽcü.

Ngechuchuarü ngúexü̃gü ga yamugüxü̃arü puracüchiga 23:11

Rü moxü̃ãcüarü chütaxü̃gu Pauruca̱x nango̱x ga Cori ga Tupana, rü ñanagürü nüxü̃: —¡Cugü naporaxẽxẽ! Rü ngẽxgumarüxü̃ i núma Yerucharéü̃wa choxü̃ nax quixuchigaxü̃, rü ngẽxgumarüxü̃ tá ta nixĩ i Rómawa nax choxü̃ quixuchigaxü̃ —ñanagürü ga Tupana.

Ngechuchuarü ngúexü̃gü ga yamugüxü̃arü puracüchiga 9:3

Natürü yexguma marü Damácuxü̃ yangaicagu, rü ngürüãchi meama nüxü̃ nabáxi ga wüxi ga omü ga poraxü̃ ga daxũwa ibáxixü̃.

1 Corintios 9:19

Rü woo taxúxearü mugüruxü̃ chixĩ i chomax, natürü guxãarü mugüruxü̃ chaugü chixĩxẽxẽ, nax ngẽmaãcü muxü̃ma i duü̃xü̃gü Cristuaxü̃́ yaxõgüxü̃ca̱x.

Norü taxre ga popera ga Timutéuca̱x naxümatüxü̃ ga Pauru 1:11

Rü Tupana choxü̃ naxuneta nax nüxü̃ chixuxü̃ca̱x i norü ore. Rü choxü̃ namu nax ngẽma oremaxã chanangúexẽẽxü̃ca̱x i duü̃xü̃gü.

Gálatas 5:1

Rü ñu̱xma ya Cristu rü marü tüxü̃ ínanguxü̃ẽxẽ nax tama ngẽma mugütüü̃wa ingexmagüxü̃ca̱x. Rü ngẽmaca̱x name nixĩ i pegüna pedaugü nax tama wena natüü̃wa pegü pengẽxmagüxẽẽxü̃ca̱x i ngẽma mugü.

2 Corintios 6:1

Rü ñu̱xma nax Tupanaarü ngü̃xẽẽruü̃gü tixĩgüxü̃, rü pexü̃ taca̱a̱xü̃ nax tama nüxü̃ pexoexü̃ca̱x ga yema ngechaü̃ ga Tupana pexca̱x ixãxü̃.

Romanos 1:1

Pa Chauenexẽgüx rü Pa Chaueya̱xgü ya Rómacüã̱xgüx, choma i Pauru nixĩ i pexca̱x chanaxümatüxü̃ i ñaa popera. Rü choma nixĩ ya Ngechuchu ya Cristuarü duü̃xü̃ chixĩxü̃. Rü choxü̃ nixĩ ga nayaxuxü̃ nax choxü̃ yamuxü̃ca̱x nax duü̃xü̃gümaxã nüxü̃ chixuxü̃ca̱x i norü ore i mexü̃.

Gálatas 1:1

Pa Toenexẽgü i Yaxõgüxü̃ i Gárataanearü Ĩanegüwa Ngẽxmagüxü̃x, choma i Pauru rü namaxã i guxü̃ma i taenexẽgü i nua chauxü̃tawa ngẽxmagüxü̃ nixĩ i pexü̃ tarümoxẽgüxü̃ rü pexca̱x tanaxümatüxü̃ i ñaa popera. Rü tama duü̃xü̃gü nixĩ ga choxü̃ unetagüxü̃ nax chanaxüxü̃ca̱x i Tupanaarü puracü. Natürü nüma ya Tanatü ya Tupana ga Ngechuchuxü̃ írüdaxẽẽcü rü nümatama ya Ngechuchu ya Cristu nixĩ ga choxü̃ naxunetagüxü̃.

1 Tesalonicenses 2:6

Rü taguma naxca̱x tadaugü nax texé toxü̃ icua̱xüü̃güxü̃, rü woo i pema rü bai i togü.

2 Corintios 11:5

Dücax, rü woo nawe perüxĩxgu i ngẽma togü i orearü uruü̃güneta i nügü írütagüxü̃, natürü cha̱u̱xca̱x rü taxuwama choxü̃ narüyexeragü.

1 Corintios 1:1

Pa Chauenexẽgü i Coríntiucüã̱xgüx i Yaxõgüxü̃x, choma i Pauru rü namaxã i taenexẽ i Chótene nixĩ i pexü̃ tarümoxẽgüxü̃. Rü choma nixĩ ya Tupana norü ngúchaü̃maxã choxü̃ yaxuxü̃ nax Ngechuchu ya Cristu norü puracüwa choxü̃ muxü̃ca̱x. Rü pema rü marü Tupanape̱xewa pixüüne yerü Ngechuchu ya Cristu marü pexü̃ nixüünexẽxẽ. Rü Tupana rü marü pexü̃ nade nax norü duü̃xü̃gü pixĩgüxü̃ca̱x wüxigu namaxã i guxü̃ma i ngẽma duü̃xü̃gü i guxü̃wama tórü Cori ya Ngechuchu ya Cristuxü̃ icua̱xüü̃güxü̃. Rü nüma ya Ngechuchu ya tórü Cori ixĩcü, rü ngẽma duü̃xü̃güarü Cori rü ta nixĩ.

Romanos 11:13

Rü ñu̱xma Pa Duü̃xü̃gü i Tama Yudíugü Ixĩgüxü̃x, rü choxü̃́ nangẽxma i wüxi i ore i pemaxã nüxü̃ chixuxchaü̃xü̃. Rü dücax, petanüwa nixĩ i choxü̃ namuxü̃ ya Tupana nax pemaxã nüxü̃ chixuxü̃ca̱x i norü ore. Rü ñu̱xma rü aixcüma mea chayanguxẽxẽ i ngẽma puracü, erü chanaxwa̱xe i ngẽma chautanüxü̃ i Yudíugü nax pexü̃ daugüxü̃ca̱x nax Tupana pexü̃ rüngü̃xẽẽxü̃. Rü ngẽmaca̱x i ñuxre i nümagü, rü tá nüxü̃́ nangúchaü̃ nax Cristuaxü̃́ yaxõgüãxü̃ rü ngẽmaãcü nayauxgüãxü̃ca̱x i maxü̃ i taguma gúxü̃.

Romanos 1:5

Rü Ngechuchu ga Cristugagu Tupana chomaxã namecüma rü choxü̃ naxuneta nax norü puracü chaxüxü̃ca̱x. Rü yemaca̱x Ngechuchuégagu choxü̃ namu nax guxü̃ i nachixü̃anewa nüxü̃ chixuxü̃ca̱x i norü ore nax yaxõgüãxü̃ca̱x i duü̃xü̃gü rü Tupanaga naxĩnüexü̃ca̱x.

Ngechuchuarü ngúexü̃gü ga yamugüxü̃arü puracüchiga 14:14

Natürü yexguma nüxü̃ yacua̱xãchitanügu ga Bernabé rü Pauru, rü naxchirugu nagáugüe rü yema muxü̃ma ga duü̃xü̃gütanügu nayaxücu, rü ñaxü̃maxã aita naxüe:

Ngechuchuarü ngúexü̃gü ga yamugüxü̃arü puracüchiga 14:4

Natürü ga gumá ĩanecüã̱x ga duü̃xü̃gü rü nitoye. Rü nümaxü̃ rü yema Yudíugüwaama naxügü rü togü rü Pauru rü Bernabéwaama naxügü.

Ngechuchuarü ngúexü̃gü ga yamugüxü̃arü puracüchiga 13:2

Rü wüxi ga ngunexü̃ ga yexguma Corica̱x ínangutaque̱xegügu rü tama nachibüeãcüma ínayumüxẽgüguyane, rü Tupanaãxẽ ya Üünecü rü ñanagürü nüxü̃: —¡Choxna penamugü i Chauru rü Bernabé nax naxügüã̱xü̃ca̱x i ngẽma puracü i choma nawa chanamugüchaü̃xü̃! —ñanagürü.

Ngechuchuarü ngúexü̃gü ga yamugüxü̃arü puracüchiga 9:15

Natürü nüma ga Cori rü ñanagürü nüxü̃: —¡Ngéma naxũ! Erü choma chanayaxu i ngẽma yatü nax choxü̃ yaxuchigaxü̃ca̱x namaxã i togü i nachixü̃anecüã̱xgü i duü̃xü̃gü rü norü ãẽ̱xgacügü, rü ngẽma Iraétanüxü̃.

Ngechuchuarü ngúexü̃gü ga yamugüxü̃arü puracüchiga 9:5

Rü Chauru nanangãxü̃, rü ñanagürü: —¿Rü texé quixĩ, Pa Corix? —ñanagürü. Rü nüma ga Cori rü nanangãxü̃ rü ñanagürü: —Choma nixĩ ya Ngechuchu, rü chowe nixĩ i quingẽchigüxü̃.

1 Corintios 10:29

Rü tama pechiga nixĩ i chidexaxü̃ i ngẽxguma: “Nax tama taxoegaãẽxü̃ca̱x”, ñachagu. Natürü yíxema pemaxã nüxü̃ ixuxechiga nixĩ i chidexaxü̃. Natürü bexmana ngürüãchi wüxi i yaxõxü̃ tá cuxna naca rü ñanagürü tá cuxü̃: “¿Tü̱xcüü̃ i togü naxca̱x oegaãẽxü̃gagu choxna cunachu̱xu nax tama chanaxüxü̃ i ta̱xacü i chanaxwa̱xexü̃?

1 Corintios 10:30

Rü ngẽxguma chi Tupanana moxẽ chaxãxgu naxca̱x i ngẽma õna i changṍxü̃, ¿rü tü̱xcüü̃ i ngẽma õnaca̱x choxü̃ quixu?” ñanagürü.

1 Corintios 11:16

Natürü ngẽxguma chi texé ngẽmachiga tügü choxü̃gagügu, rü name nixĩ i nüxü̃ tacua̱x nax ngẽmatama yixĩxü̃ i tacüma rü nacüma i guxü̃ma i yaxõgüxü̃ i guxü̃nema ya Tupanapatagüwa.

2 Corintios 10:7

¡Mea penangugü i ngẽma nüxü̃ pedauxü̃! Rü ngẽxguma texé tügü cua̱xgu nax Cristuarü duü̃xü̃ tixĩxü̃, rü name nixĩ i nüxü̃ tacua̱x nax toma rü ta Cristuarü duü̃xü̃gü tixĩgüxü̃.