1 Corintios 8:9 - Tupanaarü Ore

⁹ Natürü i pema i nüxü̃ nax pecuáxü̃ nax tama pecadu yixĩxü̃ nax nangṍxü̃ i ngẽma namachi, ¡rü pexuãẽgü erü ngürüãchi ngẽma nax pengṍxü̃gagu chixexü̃gu tá penayixẽxẽ i ngẽma peenexẽgü i taxũta aixcüma poraexü̃ i norü õwa!

1 Corintios 8:9 Referans Kwoze

Gálatas 5:13

Natürü pemax, Pa Chauenexẽgüx, rü Tupana pexca̱x naca nax ngẽma mugüna ípenguxü̃xü̃ca̱x. Rü ñu̱xma nax nüxna ípenguxü̃xü̃, rü tama name i ngẽmaca̱x pexenearü ngúchaü̃ pexügü. Natürü name nixĩ nax pegü pengechaü̃güxü̃ rü ngẽmaãcü pegü perüngü̃xẽẽgüxü̃ i wüxichigü.

Nüxíraxü̃xü̃ ga popera ga Pedru ümatüxü̃ 2:16

Rü ñu̱xma nax Cristu pexü̃ ínguxü̃xẽẽxü̃, rü name nixĩ i duü̃xü̃gü i aixcüma ínguxü̃xü̃rüü̃ãcü mea pemaxẽ. Natürü ñu̱xma nax ípenguxü̃xü̃ rü tama name nax ngẽmamaxã pegü ípepoxü̃xü̃ nax ta̱xacürü chixexü̃ pexügüxü̃ca̱x. Erü ñu̱xma nax Tupanaarü duü̃xü̃gü pixĩgüxü̃, rü name nixĩ i norü ngúchaü̃ pexügü.

Norü taxre ga popera ga Pedru ümatüxü̃ 2:19

Rü tümamaxã nüxü̃ nixu rü ngẽxguma nawe tarüxĩxgu rü tá tüxü̃ ínanguxü̃xẽxẽ nax tüma tanaxwa̱xexü̃ãcüma tamaxẽxü̃ca̱x. Natürü ngẽma ngu̱xẽẽruü̃netagü i ngẽmaãcü chixri idexagüxü̃, rü nümagütama rü norü chixexü̃tüxü̃wa nangẽxmagü. Erü guxü̃ma i duü̃xü̃gü, rü ngẽma nüxü̃ rüyexeramaexü̃tüü̃wa nügü nangẽxmagüxẽxẽ.

1 Corintios 10:24

Rü tama name nixĩ i tóxrütama mexü̃ca̱x tadaugü, natürü name nixĩ i togüarü mexü̃ca̱x tadaugü.

1 Corintios 10:32

Rü tama name i penaxü i ta̱xacü i togüxü̃ chixexü̃gu yixẽẽxü̃, rü woo Yudíugü yixĩgügu rü ẽ̱xna tama Yudíugü yixĩgügu, rü ẽ̱xna yaxõgüxü̃ yixĩgügu.

1 Corintios 9:22

Rü yexguma natanüwa chayexmagu ga yema duü̃xü̃gü ga norü õwa turaexü̃, rü choma rü ta yema duü̃xü̃gümaxã chaugü chawüxiguxẽxẽ, nax yemaacü nüxü̃ charüngü̃xẽẽxü̃ca̱x nax Cristuaxü̃́ yaxõgüãxü̃ca̱x. Rü yemaacü guxü̃ma ga duü̃xü̃gürüxü̃ chaugü chixĩxẽxẽ, rü naguxü̃raü̃ãcüma naxca̱x chadau nax yemaacü düxwa Tupanaxü̃tawa chanagagüxü̃ca̱x ga ñuxre ga nümagü.

1 Corintios 8:12

Rü ngẽmaca̱x i ngẽxguma chixexü̃gu cunanguxẽẽgu i ngẽma cuenexẽ i tauta poraxü̃ i norü õwa, rü Cristupe̱xewa chixexü̃ cuxü.

1 Corintios 8:10

Erü cuma nax mea Tupanaxü̃ cucuáxü̃, rü ngẽxguma chi cunangõ̱xgu i ngẽma namachi i ngextá tupananetachicüna̱xãgüxü̃ íyacua̱xüü̃güxü̃wa, rü ngürüãchi wüxi i cuenexẽ i tauta mea Tupanaxü̃ cuáxü̃ tá cuxü̃ nadau. Rü ngürüãchi nüma rü tá ta nanangõ̱x i ngẽma namachi woo naãxẽwa nagu naxĩnügu nax wüxi i chixexü̃ yixĩxü̃ nax nangṍxü̃ i ngẽma namachi.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:14

Natürü nangẽxma i ta̱xacü icuxüxü̃ i tama chorü me ixĩxü̃. Rü ngẽma nixĩ nax cugüxü̃tawa cunangexmagüxẽẽxü̃ i ñuxre i curü duü̃xü̃gü i tama nüxü̃ rüxoexü̃ ga gumá nũxcümaü̃cü ga Balaáü̃arü ngu̱xẽẽtae. Rü nüma ga Balaáü̃ rü Baláxü̃ naxuxcu̱xẽ nax pecadugu nayixẽẽãxü̃ca̱x ga Iraétanüxü̃gü. Rü nüma ga Baláx rü yema Iraétanüxü̃güaxü̃́ nanangúchaü̃xẽxẽ nax nangõ̱xgüãxü̃ca̱x ga õna ga namaxã tupananetachicüna̱xãgüxü̃ yacua̱xüü̃güxü̃. Rü yexgumarüxü̃ ta nüxü̃́ nanangúchaü̃xẽxẽ nax ngexü̃gü i naxü̃nemaxã taxexü̃gümaxã namaxẽxü̃ca̱x ga Yudíugü.

2 Corintios 11:21

Rü woo ãne choxna naxã nax pemaxã nüxü̃ chixuxü̃, natürü cha̱u̱xca̱x rü tama aixcüma pexü̃ tanawe̱x ga torü pora ga yexguma petanüwa tayexmagügu. Natürü ñu̱xma nax tama namuü̃exü̃ nax nügü yacua̱xüü̃güxü̃ i ngẽma orearü uruü̃güneta, rü choma rü tá ta taxuca̱xma chamuü̃ nax chaugüétüwa chidexaxü̃ woo pexca̱x rü ñoma wüxi i ngeãẽxü̃rüxü̃ãcü chidexagu.

1 Corintios 10:29

Rü tama pechiga nixĩ i chidexaxü̃ i ngẽxguma: “Nax tama taxoegaãẽxü̃ca̱x”, ñachagu. Natürü yíxema pemaxã nüxü̃ ixuxechiga nixĩ i chidexaxü̃. Natürü bexmana ngürüãchi wüxi i yaxõxü̃ tá cuxna naca rü ñanagürü tá cuxü̃: “¿Tü̱xcüü̃ i togü naxca̱x oegaãẽxü̃gagu choxna cunachu̱xu nax tama chanaxüxü̃ i ta̱xacü i chanaxwa̱xexü̃?

Romanos 15:1

Rü yixema nax iporaexü̃ i tórü õwa, rü name nixĩ i nüxü̃ tarüngü̃xẽxẽ i ngẽma tamücügü i turaexü̃ i norü õwa. Rü tama name i yigüguxicatama tarüxĩnüe rü tóxrütama ngúchaü̃ taxügü.

Ichaía 57:14

Tupana rü ñanagürü: —¡Penamexẽxẽ i wüxi i nama i meama iwéxü̃ rü ípenawogü i guxü̃ma i toxyepe̱xeruü̃gü nax ngẽmagu naxĩxü̃ca̱x i chorü duü̃xü̃gü!

Ichaía 35:3

Rü ngẽma turaexü̃ ¡rü penaporaãchitanüxẽxẽ! Rü ngẽma ipaexü̃ ¡rü nüxü̃ perüngü̃xẽxẽ!

Lebítanüxü̃arü puracüchiga 19:14

¡Rü taxṹ i chixexü̃ namaxã cuxueguxü̃ i ngẽma ngauxchiẽ̱xü̃! ¡Rü taxṹ i tüxü̃ quitoxyepe̱xexü̃ ya yíxema ngexetüxe! ¡Ẽcü Tupanaxü̃ nawe̱x nax nüxü̃ cungechaxü̃xü̃! Rü choma nixĩ ya Cori ya Tupana.

Ore i mexü̃ ga Matéu ümatüxü̃ 18:10

Rü tama name i nüxü̃ pexoo̱x i wüxi i buxü̃ i ñaarüxü̃ choxü̃́ yaxõxü̃. Erü ngẽma norü dauruü̃gü i orearü ngeruü̃gü i daxũcüã̱x rü guxü̃guma Chaunatü ya daxũgucüpe̱xewa nangẽxmagü nax ngéma ngẽma buxü̃güétüwa nachogüxü̃ca̱x.

Echequié 44:12

Rü nümagü nixĩ ga yema Iraétanüxü̃maxã inacua̱xüü̃gü ga yexguma tupananetachicüna̱xãgüxü̃ yacua̱xüü̃gügu. Rü yemaacü yema Iraétanüxü̃xü̃ pecadugu nayixẽxẽ. Rü ngẽmaca̱x i ngẽma Lebítanüxü̃ rü tá nanaxütanügü ga yema chixexü̃ ga naxügüxü̃. Rü ngẽma nixĩ i choma ya Cori ya Tupana namaxã chaxueguxü̃.

1 Corintios 10:28

Natürü ngẽxguma ngürüãchi wüxíe pemaxã nüxü̃ ixuxgu rü ñatagu: “Ñaa namachi rü tupananetachicüna̱xãgüca̱x yama̱xgüxü̃ i naxü̃nawa ne ũxü̃ nixĩ”, ñagügu, rü ngẽxguma i pema rü tama name nax penangṍxü̃ i ngẽma namachi nax tama chixexü̃gu tüxü̃ pengu̱xẽẽxü̃ca̱x ya yíxema pemaxã nüxü̃ ixuxe, rü tama ngẽmaca̱x taxoegaãẽxü̃ca̱x rü nagu tarüxĩnüxü̃ca̱x i tümax nax chixexü̃ cuxüxü̃.

2 Corintios 6:3

Rü toma rü taguma texépe̱xewa chixri tamaxẽ nax taxuca̱xma texé chixri torü puracüchiga idexaxü̃ca̱x.

2 Corintios 11:29

Rü ngẽxguma chi texé taturagu, rü choxü̃́ rü ta nangu̱x. Rü ngẽxguma chi wüxíe texéxü̃ pecadugu nguxẽẽgu, rü chauãẽwa nangu̱x i ngẽma.

Colosenses 2:8

¡Rü naxca̱x pexuãẽgü i ngẽma duü̃xü̃gü i pexü̃ womüxẽẽgüchaü̃xü̃ namaxã i norü ore i tama aixcüma ixĩxü̃ rü taxuwama mexü̃! Rü nümagü rü tama Cristuchigaxü̃ nixugü, natürü pexü̃ nangúexẽẽchaü̃ i ngẽma nũxcümaü̃güxü̃ i nacümagü ga duü̃xü̃gü nagu ĩxü̃ rü ngẽma ngu̱xẽẽtaegü i ñoma i naanearü ixĩxü̃. Natürü nüma ya Cristu rü Tupanaxü̃chi nixĩ rü guxü̃ma i Tupanaarü pora rü Cristuwa nangẽxma.