1 Corintios 8:5 - Tupanaarü Ore

^5-6 Rü woo duü̃xü̃gü namaxã tupanaã̱xgu rü namaxã coriã̱xgu i muxü̃ma i ta̱xacü i ñoma i naanewa ngẽxmagüxü̃ rü ta̱xacü i daxũguxü̃ i naanewa ngẽxmagüxü̃, natürü yixema nüxü̃ tacua̱x nax wüxitama yixĩxü̃ ya Tanatü ya Tupana ixĩcü. Rü nüma ya Tanatü nixĩ i naxüaxü̃ i guxü̃ma i ta̱xacü i ngẽxmaxü̃, rü naxca̱x nixĩ i imaxẽxü̃ i yixemax. Rü ngẽxgumarüxü̃ ta nangẽxma i wüxitama ya tórü Cori ya Ngechuchu ya Cristu. Rü yimágagu nixĩ nax nangẽxmaxü̃ i guxü̃ma, rü yimágagu nixĩ i tüxü̃́ nangẽxmaxü̃ i maxü̃.

1 Corintios 8:5 Referans Kwoze

2 Tesalonicenses 2:4

Rü ngẽma Tupanaarü uanü rü tá Tupanamaxã rü guxü̃ma i ngẽma Tupanaarü ixĩgüxü̃maxã narüxuanü. Rü tá naxchi naxai i guxü̃ma i ngẽmaxü̃gü i namaxã Tupanaxü̃ icua̱xüü̃güxü̃. Rü Tupanapata ya taxü̃newa tá nayarüto ñoma Tupana yixĩxü̃rüxü̃. Rü nüma rü tá nügü nixu nax Tupana yixĩxü̃.

Gálatas 4:8

Rü ü̃pa ga yexguma taxũta Tupanaxü̃ pecua̱xgu, rü perü tupananetagütüü̃wa peyexmagü rü nüxü̃ picua̱xüü̃gü ga yema tama aixcüma Tupana ixĩgüxü̃.

Yeremía 2:28

Pa Yudátanüxü̃x, ¿ngexü̃gü nixĩ i ngẽma tupananetachicüna̱xãgü ga pematama pexügüxü̃? Pema rü perü ĩanegüe̱xpü̱x nixĩ i ngẽma perü tupananetachicüna̱xãgü. ¡Ẽcü nua naxĩ i ngẽma naxchicüna̱xãgü nax nüxü̃ pedauxü̃ca̱x rü tá aixcüma pexü̃ yanangü̃xẽẽgü i ngẽxguma guxchaxü̃ pexca̱x ínguxgu!

Yeremía 11:13

Rü cumax, Pa Yudáanex, rü curü ĩanegürüxü̃ namu i curü tupananetachicüna̱xãgü. Rü ngẽma Yerucharéü̃arü namagü i muxü̃rüxü̃ namu i ngẽma ãmarearü guruü̃gü i nawa Baáca̱x pumarate̱xe yagugüxü̃.

Wenaxarü naxümatü ga Tupanaarü mugü 10:17

Erü yimá perü Cori ya Tupana rü ngẽma duü̃xü̃gü namaxã tupanaã̱xgüxü̃étüwa nangẽxma, rü guxü̃ma i ãẽ̱xgacügüétüwa nangẽxma. Rü nüma nixĩ i poraxüchicü rü ãũcümacü rü guxü̃maxã icuácü. Rü naxca̱x rü guxãma i yixema rü tawüxigu, rü tama diẽru nayaxu ega texé tügü ütanüchaü̃gu.

Danié 5:4

Rü guxü̃ma ga yema yéma yexmagüxü̃ rü bínu nixaxgü rü nüxü̃ nicua̱xüü̃gü ga norü tupananetachicüna̱xãgü ga úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x ixĩgüxü̃.

Ore i mexü̃ ga Matéu ümatüxü̃ 27:17

Rü yexguma yéma nangutaque̱xegügu ga duü̃xü̃gü, rü Pirátu nüxna naca, rü ñanagürü: —¿Rü ngexü̃rüüxü̃ i penaxwa̱xexü̃ nax íchananguxuchixẽxẽxü̃? ¿Penaxwa̱xexü̃ nax Barabáxü̃ íchananguxuchixẽxẽxü̃ rüe̱xna Ngechuchu ya Cristumaxã naxugüxü̃xü̃ íchananguxuchixẽxẽxü̃? —ñanagürü.