1 Corintios 8:2 - Tupanaarü Ore

² Rü ngẽxguma chi texé tügügu rüxĩnügu nax nüxü̃ tacuáxü̃, rü name nixĩ i tügügu tarüxĩnü nax tama aixcüma nüxü̃ tacuáxü̃ i guxü̃ma i ngẽma cua̱x.

1 Corintios 8:2 Referans Kwoze

1 Corintios 13:12

Rü ngẽma ñu̱xma nüxü̃ idauxü̃ i Tupanachiga, rü ñoma wüxi i worua ya üxachametüxewa yigü idauxü̃rüxü̃ nixĩ nax taxca̱x naxẽxü̃. Natürü yixcüra rü tá aixcüma mea nüxü̃xüchi tadau ya Tupana. Rü ñu̱xma rü írarüwatama nüxü̃ chacua̱x i Tupanachiga. Natürü wüxi i ngunexü̃gu rü tá mea nüxü̃ chacua̱x i guxü̃ma i nachiga, ngẽma nüma ya Tupana choxü̃ nacuáxü̃rüxü̃.

1 Corintios 3:18

Tama name i texé tügütama tawomüxẽxẽ. Rü ngẽxguma petanüwa texé tügügu rüxĩnügu nax aixcüma nüxü̃ tacuáxü̃ i ñoma i naanearü cua̱x, rü name nixĩ i ñoma taxuxü̃ma tacuáxü̃rüxü̃ tügü tixĩxẽxẽ. Rü ngẽxguma tá nixĩ i wüxi i duü̃xü̃ i aixcüma nüxü̃ cuáxe tixĩxü̃.

Ucu̱xẽgüchiga 26:12

Wüxi i duü̃xü̃ i tama naãẽxü̃ cuáxü̃arü yexera nachixe i norü ĩnü i ngẽma nügügu rüxĩnüxü̃, nax guxãarü yexera nüxü̃ nacuáxü̃.

Gálatas 6:3

Rü ngẽxguma texé nagu rüxĩnügu nax tachigacü tixĩxü̃, rüẽ̱xna woo taxuxü̃machire̱x tixĩxgu, rü tügütama tawomüxẽxẽ.

Romanos 11:25

Pa Chauenexẽgü i Yaxõgüxü̃x, nangẽxma i wüxi i ore ga noxri tama duü̃xü̃güxü̃ nüxü̃ nacua̱xẽẽxü̃ ga Tupana. Natürü chanaxwa̱xe i nüxü̃ pecua̱x i ngẽma ore nax tama nagu perüxĩnüexü̃ca̱x nax duü̃xü̃gü i nüxü̃ cua̱xüchixü̃ pixĩgüxü̃, rü pexicatama Tupana pexü̃ dexü̃. Rü dücax, nangẽxmagü i Iraétanüxü̃ i tama yaxõgüchaü̃xü̃. Rü ngẽmaãcü tá nixĩ ñu̱xmatáta yaxõgüã i guxü̃ma i ngẽma tama Yudíu ixĩgüxü̃ ya Tupana dexü̃.