1 Corintios 8:11 - Tupanaarü Ore

¹¹ Rü ngẽmaãcü i cuma nax mea Tupanaxü̃ cucuáxü̃, rü tá icuyanatauxẽxẽ i ngẽma cuenexẽ i Cristu naxca̱x yuxü̃ i tauta mea Tupanaxü̃ cuáxü̃.

1 Corintios 8:11 Referans Kwoze

Romanos 14:15

Rü ngẽxguma ngẽma cungṍxü̃gagu tümaãẽwa cunangu̱xẽẽ̱xgu ya cuenexẽ, rü cumaxã nüxü̃ chixu rü tama name i ngẽmagagu chixexü̃gu tüxü̃ cungu̱xẽxẽ rü tüxü̃ icuyarütauxẽxẽ ya yíxema cuenexẽ ya Cristu tümaca̱x yuxe.

1 Corintios 8:13

Rü ngẽmaca̱x i ngẽxguma ngẽma namachi i changṍxü̃gagu chixexü̃gu chananguxẽẽgu i chauenexẽ, rü narümemae nixĩ i tama ngẽma namachi i tupananetachicüna̱xãgüca̱x daixü̃ changõ̱x nax tama pecadugu chananguxẽẽxü̃ca̱x i ngẽma chauenexẽ.

1 Corintios 10:33

Rü choma rü guxü̃wama guxü̃xü̃ma chataãẽxẽẽchaü̃. Rü ngẽmaca̱x tama chanaxü i ngẽma chomatama namaxã chataãẽxü̃, natürü chanaxü i ngẽma togü namaxã taãẽxü̃ nax ngẽmaãcü nümagü rü ta nüxü̃́ nangúchaü̃ nax yaxõgüãxü̃ rü nayauxgüãxü̃ i maxü̃ i taguma gúxü̃.

Ore i mexü̃ ga Cuáü̃ ümatüxü̃ 6:27

¡Taxṹ i naxca̱x pexoegaãẽgüxü̃ i õna i paxãma gúxü̃! Rü narümemae nixĩ i naxca̱x pexoegaãẽgü i ngẽma õna i maxü̃ i taguma gúxü̃ pexna ãxü̃. Rü ngẽma nixĩ i maxü̃ ya Tupana Nane ya duü̃xü̃xü̃ ixĩcü tá pexna ãxü̃, erü Chaunatü ya Tupana rü marü nanango̱xẽxẽ nax aixcüma Nane chixĩxü̃ —ñanagürü.

1 Corintios 8:4

Rü ngẽma nax nangṍxü̃ i ngẽma namachi i tupananetachicüna̱xãgüca̱x daixü̃, rü meama nüxü̃ tacua̱x nax taxuwama namexü̃ i ngẽma tupananetachicüna̱xãgü, erü tama aixcüma Tupanaxü̃chi nixĩgü. Erü wüxixicatama nixĩ ya Tupana ixĩcü, rü nataxuma i to.