1 Corintios 7:5 - Tupanaarü Ore

⁵ Rü tama name i wüxi ya yatü rü naxma̱xna nügü ninuxũ, rü ẽ̱xna wüxi i ngecü rü ngĩtena ngĩgü iyanuxũ, ega tama nügümaxã namexẽẽãgu nax ñuxre i ngunexü̃ tama nügümaxã namaxẽxü̃ naxca̱x nax nayumüxẽgüxü̃. Rü ngẽmawena rü name nixĩ nax wenaxarü noxrirüxü̃ nügümaxã namaxẽxü̃ nax tama Chataná nüxna ĩnüxü̃ca̱x nax chixexü̃gu nayixẽẽãxü̃ca̱x.

1 Corintios 7:5 Referans Kwoze

Ínachoxü̃xü̃chiga 19:15

Rü nüma ga Moiché rü ñanagürü nüxü̃: —¡Pegü pimexẽxẽgü naxca̱x i pa̱xmaacüarü ngunexü̃! ¡Rü naxü̃pa i ngẽma rü taxũtáma pexma̱xmaxã pemaxẽ! —ñanagürü.

Joel 2:16

¡Rü penangutaque̱xexẽxẽ i ngẽma Tupanaarü duü̃xü̃gü, Pa Chacherdótegüx, nax Tupanape̱xewa peyamexẽxẽgüxü̃ca̱x i yaxü̃gu, rü buxü̃gü rü woo i ngẽma buxü̃gü i maiexü̃! ¡Rü ngẽxgumarüxü̃ ta i ngẽma ngexwaca ingĩgüxü̃, rü norü ucapuwa ípenachoxü̃xẽxẽ!

Ore i mexü̃ ga Matéu ümatüxü̃ 19:11

Rü Ngechuchu norü ngúexü̃güxü̃ nangãxü̃ rü ñanagürü: —Taxucürüwa guxü̃ma i duü̃xü̃gü nüxü̃ nacua̱x i ta̱xacüchiga nax yixĩxü̃ i ngẽma ngu̱xẽẽtae. Natürü yíxema Tupana tüxü̃ nüxü̃ cua̱xexẽ́xẽxicatama tixĩ ya nüxü̃ cua̱xgüxe.

1 Tesalonicenses 3:5

Rü yemaca̱x ga yexguma marü tama yáxna namaxã chaxĩnügu nax tama pechigaxü̃ chacuáxü̃, rü yemaca̱x düxwa Timutéuxü̃ yéma petanüwa chamu nax pexna yacaxü̃ca̱x rü aixcüma yixĩx nax peyaxõgüamaxü̃ i Tupanaarü ore. Yerü chaxoegaãxẽ rü bexmana Chataná rü chixexü̃gu pexü̃ nayixẽxẽ, rü yemaca̱x natüca̱xmamare chi nixĩ ga torü puracü ga petanüwa taxüxü̃.

Ore i mexü̃ ga Matéu ümatüxü̃ 4:10

Rü nüma ga Ngechuchu rü ñanagürü nüxü̃: —¡Choxna ixũgachi, Pa Chatanáx! Erü Tupanaarü ore i ümatüxü̃ rü ñanagürü: “¡Nüxü̃ icua̱xüxü̃ ya Cori ya curü Tupana, rü yimágaxicatama naxĩnü!” —ñanagürü.

Ínachoxü̃xü̃chiga 21:10

Rü ngẽxguma ngĩrü cori ngĩmaxã naxãxma̱xgu rü nawena nai i ngexü̃maxã naxãxma̱xgu rü taxucürüwa ínanaxĩxẽxẽ i norü ngü̃xẽxẽ ngĩxca̱x i ngẽma ngĩxíraxü̃cü i naxma̱x, rü bai i õnawa rü bai i naxchiruwa rü bai i norü ngúchaü̃wa.

1 Corintios 7:4

Erü ngẽma nge i ãtecü rü tama ngĩgüxü̃nearü yoratama iyixĩ, erü ngĩte nixĩ ya ngĩxĩnearü yora ixĩcü. Rü ngẽxgumarüxü̃ ta ya ngĩte rü tama nügüxü̃nearü yora nixĩ, erü naxma̱x iyixĩ i naxü̃nearü yora ixĩcü.

Ore i mexü̃ ga Matéu ümatüxü̃ 17:21

Natürü ñaarüxü̃ i ngo̱xo rü tama ínaxũxü̃ ega tama ixaureãcüma iyumüxẽgu —ñanagürü.