1 Corintios 7:22 - Tupanaarü Ore

²² Rü cuma nax mugüruxü̃ quixĩxü̃ ga yexguma Tupana cuxca̱x caxgux nax nüxü̃́ cuyaxõxü̃ca̱x rü ñu̱xma rü marü cume nax tórü Cori ya Cristuaxü̃́ cupuracüxü̃. Rü cuma nax tama mugüruxü̃ quixĩxü̃ ga yexguma Tupana cuxca̱x caxgux, rü ñu̱xma rü Cristuarü mugüruxü̃ quixĩ.

1 Corintios 7:22 Referans Kwoze

Nüxíraxü̃xü̃ ga popera ga Pedru ümatüxü̃ 2:16

Rü ñu̱xma nax Cristu pexü̃ ínguxü̃xẽẽxü̃, rü name nixĩ i duü̃xü̃gü i aixcüma ínguxü̃xü̃rüü̃ãcü mea pemaxẽ. Natürü ñu̱xma nax ípenguxü̃xü̃ rü tama name nax ngẽmamaxã pegü ípepoxü̃xü̃ nax ta̱xacürü chixexü̃ pexügüxü̃ca̱x. Erü ñu̱xma nax Tupanaarü duü̃xü̃gü pixĩgüxü̃, rü name nixĩ i norü ngúchaü̃ pexügü.

Popera ga Filemúü̃ca̱x naxümatüxü̃ ga Pauru 1:16

Natürü i ñu̱xma rü tama ngexü̃rüüxü̃mare i curü mugüruü̃mare nixĩ, erü wüxi i curü mugüruü̃arü yexera nixĩ i ñu̱xmax, erü taenexẽ i nüxü̃ ingechaü̃xü̃ nixĩ. Rü aixcüma poraãcü nüxü̃ changechaü̃ i chomax, natürü chanaxwae i cuma rü yexeraãcü nüxü̃ cungechaü̃. Erü ñu̱xma rü tama wüxi i curü mugüruü̃mare nixĩ, natürü wüxi i cuenexẽ i tórü Coriaxü̃́ yaxõxü̃ nixĩ i ñu̱xmax.

Gálatas 5:13

Natürü pemax, Pa Chauenexẽgüx, rü Tupana pexca̱x naca nax ngẽma mugüna ípenguxü̃xü̃ca̱x. Rü ñu̱xma nax nüxna ípenguxü̃xü̃, rü tama name i ngẽmaca̱x pexenearü ngúchaü̃ pexügü. Natürü name nixĩ nax pegü pengechaü̃güxü̃ rü ngẽmaãcü pegü perüngü̃xẽẽgüxü̃ i wüxichigü.

Gálatas 5:1

Rü ñu̱xma ya Cristu rü marü tüxü̃ ínanguxü̃ẽxẽ nax tama ngẽma mugütüü̃wa ingexmagüxü̃ca̱x. Rü ngẽmaca̱x name nixĩ i pegüna pedaugü nax tama wena natüü̃wa pegü pengẽxmagüxẽẽxü̃ca̱x i ngẽma mugü.

Wiyaegü 116:16

Pa Cori Pa Tupanax, choma rü curü duü̃xü̃ chixĩ, rü curü duü̃xü̃ tümane chixĩ. Rü cuma nixĩ i choxü̃ ícunguxuchixẽẽxü̃ nawa ga yema guxchaxü̃gü ga choxü̃ ináixü̃.

Popera ga Yúda ümatüxü̃ 1:1

Choma i Yúda i Chantiáguenexẽ ya Ngechuchu ya Cristuarü puracütanüxü̃ chixĩ i pexü̃ charümoxẽxü̃ i pema nax Tanatü ya Tupana pexü̃ dexü̃ rü pexü̃ ngechaü̃xü̃ rü Ngechuchu ya Cristu pexna dauxü̃.

Norü taxre ga popera ga Pedru ümatüxü̃ 1:1

Pa Chauenexẽgüx, choma i Chimóü̃ i Pedru ya Ngechuchu ya Cristuarü puracütanüxü̃ chixĩ, rü nüma nixĩ ga choxü̃ namuxü̃ nax nüxü̃ chixuxü̃ca̱x i norü ore. Rü ñu̱xma i choma rü pexü̃ charümoxẽ i pema i toxrüxü̃ mea yaxõgüxe erü tórü Tupana ya Ngechuchu ya Cristu ya tórü Maxẽxẽẽruxü̃ rü pemaxã namecümaxüchi.

Colosenses 4:12

Rü ngẽxgumarüxü̃ ta pexü̃ narümoxẽ i Epáparu. Rü nüma rü petanüxü̃ nixĩ, rü aixcüma nanaxü i Cristuarü puracü. Rü nüma rü guxü̃guma norü yumüxẽwa Tupanaxü̃ naca̱xaxü̃ pexca̱x nax tama nüxna pixĩgachixü̃ca̱x i norü ore rü peyaxõgüamaxü̃ca̱x rü aixcüma penaxüxü̃ca̱x i ngẽma Tupanaarü ngúchaü̃.

Gálatas 1:10

Rü choma rü tama naxca̱x chadau nax duü̃xü̃gü chomaxã taãẽgüxü̃, natürü Tupana chomaxã taãẽxü̃ca̱x nixĩ i chadauxü̃. Erü ngẽxguma chi duü̃xü̃güxü̃ chataãẽxẽẽchaü̃gu, rü taxũchima Cristuarü puracütanüxü̃ chixĩ.

1 Corintios 9:19

Rü woo taxúxearü mugüruxü̃ chixĩ i chomax, natürü guxãarü mugüruxü̃ chaugü chixĩxẽxẽ, nax ngẽmaãcü muxü̃ma i duü̃xü̃gü Cristuaxü̃́ yaxõgüxü̃ca̱x.

Romanos 1:1

Pa Chauenexẽgüx rü Pa Chaueya̱xgü ya Rómacüã̱xgüx, choma i Pauru nixĩ i pexca̱x chanaxümatüxü̃ i ñaa popera. Rü choma nixĩ ya Ngechuchu ya Cristuarü duü̃xü̃ chixĩxü̃. Rü choxü̃ nixĩ ga nayaxuxü̃ nax choxü̃ yamuxü̃ca̱x nax duü̃xü̃gümaxã nüxü̃ chixuxü̃ca̱x i norü ore i mexü̃.

1 Corintios 7:21

Rü yexguma wüxi ga coriarü mugüruxü̃ quixĩyane Tupana cuxca̱x caxgu, rü tama name i ngẽmaca̱x cuxoegaãxẽ. Natürü ngẽxguma cuxü̃́ natauxchagu nax nüxna ícunguxuchixü̃ i ngẽma cori, rü marü name nax ícunguxuchixü̃.

1 Corintios 9:21

Rü yexguma natanüwa chayexmagu ga yema duü̃xü̃gü ga tama Yudíugü ixĩgüxü̃, rü yema duü̃xü̃gümaxã chaugü chawüxiguxẽxẽ nax yemaacü nüxü̃ charüngü̃xẽẽxü̃ca̱x nax Cristuaxü̃́ yaxõgüãxü̃ca̱x. Natürü taguma íchanange̱x i Tupanaarü mugü. Rü guxü̃guma Cristuarü mugütüü̃wa changexma.