1 Corintios 7:11 - Tupanaarü Ore

¹¹ Natürü ngẽxguma chi ngürüãchi wüxi i ngexü̃ natexü̃ íta̱xgu, rü name nixĩ i noxtacüma nangete rü ẽ̱xna wena nateca̱x nataegu. Rü ngẽxgumarüxü̃ ta ya yatü rü tama name i naxma̱xü̃ ínata̱x.

1 Corintios 7:11 Referans Kwoze

Yeremía 3:1

Cori ya Tupana rü ñanagürü: —Rü ngẽxguma wüxi i yatü rü naxma̱xü̃ ínata̱xgu, rü ngẽxguma marü nüxna tixũgachigu i tüma rü to i yatümaxã taxãtegu, rü nüma i ngẽma tüxü̃ ítáxü̃ rü marü taxũtáma wena tümamaxã naxãxma̱x. Rü ngẽma rü wüxi i taxü̃ i chixexü̃ tá nixĩ naxca̱x i ngẽma nachixü̃ane. Natürü i pemax, Pa Yudátanüxü̃x, rü mucü ga tupananetachicüna̱xãgüwe perüxĩ. ¿Rü ñuxãcü nagu perüxĩnüe nax cha̱u̱xca̱x pewoeguxü̃? Rü choma ya Cori ya Tupana nixĩ i pemaxã nüxü̃ chixuxü̃ i ngẽma.

1 Corintios 7:10

Natürü yíxema marü ãmaxe rü ãtéxe, rü tümamaxã nüxü̃ chixu nax tama namexü̃ nax tümatexü̃ ítatáxü̃. Rü ngẽma mu rü tórü Coriarü mu nixĩ, rü tama choxrü nixĩ.

Ichaía 50:1

Nüma ya Tupana rü ñanagürü nüxü̃: —Pa Iraétanüxü̃x, ¡Taxṹ i nagu perüxĩnüexü̃ nax íchanatáxü̃ i perü mama i Iraéane ñoma wüxi ya yatü naxma̱xü̃ ítáxü̃rüxü̃! ¡Rü taxṹ i nagu perüxĩnüexü̃ nax pemaxã chataxexü̃ nax togüarü mugüruxü̃ pixĩgüxü̃ca̱x rü yemaacü chanaxütanüxü̃ca̱x ga wüxi ga chorü ngetanü! Rü pemaxã chataxe nagagu ga yema perü pecadugü yerü tama chauga pexĩnüechaü̃. Rü perü mama i Iraéane rü íchanata̱x yerü pema rü tama chauga pexĩnüe.

Wenaxarü naxümatü ga Tupanaarü mugü 22:19

Rü ñu̱xũchi ngẽma ãẽ̱xgacügü rü tá ngẽma yatümaxã nanaxuegugü nax ngĩnatüaxü̃́ naxütanüãxü̃ca̱x i 100 tachinü i diẽru, nagagu nax ngĩxü̃ nachixechigaxẽẽxü̃ i ngẽma pacü ya Iraétanüxü̃ ixĩcü ya tagumachire̱x yatü ngĩxĩne cua̱xcü. Rü ngẽmaãcü i ngẽma yatü rü taxuacütáma ngĩxü̃ ínata̱x, rü ngĩma rü guxü̃gutáma naxma̱x iyaxĩ.

Ore i mexü̃ ga Márcu ümatüxü̃ 10:2

Rü ñuxre ga Parichéugü rü naxca̱x naxĩ nax chixexü̃gu nangu̱xẽẽgüãxü̃ca̱x. Rü yemaca̱x nüxna nacagüe, rü ñanagürügü: —¿Namexü̃ i wüxi ya yatü rü naxma̱xü̃ ínatáxü̃? —ñanagürügü.

Ore i mexü̃ ga Matéu ümatüxü̃ 5:32

Natürü choma rü pemaxã nüxü̃ chixu, rü ngẽxguma wüxi ya yatü naxma̱xü̃ íta̱xgu, rü chi tama nai ya yatümaxã namaxü̃gagu yixĩxgu, rü ãũcümaxü̃wa ngĩxü̃ tangẽxmaxẽxẽ erü ngẽmaãcü ngürüãchi pecadu ixü. Rü yíxema ngĩmaxã ãmaxe i wüxi i nge i marü ngĩte ngĩxü̃ íta̱xcü, rü tüma rü ta pecadu taxü.

Ore i mexü̃ ga Márcu ümatüxü̃ 10:12

Rü ngẽxgumarüxü̃ ta, ega wüxi i nge íta̱xtegu rü nai ya yatümaxã naxãtegu, rü ngĩma rü ta pecadu ixü —ñanagürü.

Ore i mexü̃ ga Luca ümatüxü̃ 16:18

Ngẽxguma wüxi ya yatü ítáma̱xgu rü nai i ngexü̃maxã naxãxma̱xgu rü Tupanape̱xewa pecadu naxü. Rü texé ya yíxema ngĩmaxã ãmaxe i wüxi i nge i ngĩte ngĩxü̃ íta̱xcü, rü Tupanape̱xewa pecadu taxü.

1 Corintios 7:12

Rü ñu̱xma rü choxü̃́ nangẽxma i wüxi i ore i tümaca̱x ya yíxema ãmaxe ngĩmaxã i wüxi i nge i tama yaxõ̱xcü. Rü ngẽma ore rü choxrütama nixĩ rü tama tórü Coriarü nixĩ. Rü ngẽxguma wüxi ya yatü ya õcü ngĩmaxã ãma̱xgu i wüxi i nge i tama yaxõ̱xcü, rü tama name i ngĩxü̃ ínata̱x, ega ngĩma rü aixcüma namaxã naxãtechaü̃gu.