1 Corintios 6:16 - Tupanaarü Ore

¹⁶ ¿Ẽ̱xna tama nüxü̃ pecua̱x rü ngẽxguma wüxi i ngexü̃ i naxü̃nemaxã taxexü̃maxã namaxü̃gu ya wüxi ya yatü rü ngẽma taxre i naxü̃ne rü wüxitama i naxü̃ne yixĩxü̃? Erü Tupanaarü ore i ümatüxü̃wa rü ñanagürü: “Ngẽma taxre i naxü̃ne rü wüxitama i naxü̃ne tá nixĩ”, ñanagürü.

1 Corintios 6:16 Referans Kwoze

Naanearü ügüchiga 2:24

Rü ngẽmaca̱x ya yatü, rü tá nanatüna rü naéna nixũgachi nax naxma̱xmaxã wüxiwa nangẽxmagüxü̃ca̱x, rü ñoma wüxitama i duü̃xü̃rüxü̃ yixĩgüxü̃ca̱x i ngẽma taxre.

Efesios 5:31

Rü ngẽmaca̱x i Tupanaarü ore i ümatüxü̃wa rü ñanagürü: “Wüxichigü ya yatü rü nanatüna rü naéna tá nixũgachi nax naxma̱xmaxã nangẽxmaxü̃ca̱x. Rü ngẽmaãcü i ngẽma taxre rü wüxi tátama nixĩgü”, ñanagürü i ngẽma ore.

Ore i mexü̃ ga Márcu ümatüxü̃ 10:8

Rü ngẽmaãcü i ngẽma taxre rü ñoma wüxitama i duü̃xü̃rüxü̃ tá nixĩgü. Rü marü taxũtáma taxre nixĩ, erü wüxi tátama nixĩ.

Popera ga Yudíugü ga yaxõgüxü̃ca̱x ümatüxü̃ 11:31

Rü yema nge ga Yericúcüã̱x ga Raá rü woo noxri wüxi i ngexü̃ i naxü̃nemaxã taxexü̃ nax iyixĩxü̃, natürü Tupanaaxü̃́ iyaxõ. Rü yexguma yéma nangugügu ga yema taxre ga Iraétanüxü̃ ga bexma ngugütaewa yéma ĩxü̃, rü ngĩma iyixĩ ga nüxü̃ nangü̃xẽẽxü̃. Rü yemaca̱x tama iyu naxrüxü̃ ga yema togü ga Yericúcüã̱x ga tama Tupanaga ĩnüexü̃.

Ãẽ̱xgacügü ga guxchaxü̃güarü mexẽxẽruü̃gü 16:1

Wüxi ga ngunexü̃gu ga Chanchóü̃ rü ĩane ya Gáchawa naxũ. Yéma nüxü̃ nadau ga wüxi ga ngexü̃ ga naxü̃nemaxã taxexü̃ rü yemapatagu naxücu nax yexma napexü̃ca̱x.

Naanearü ügüchiga 38:24

Rü nangupetü ga tomaepü̱x ga tauemacü, rü Yudámaxã nüxü̃ nayarüxugüe rü ñanagürügü: —Cuneã̱x i Tamára rü togü i yatügümaxã ipe rü ngẽmaca̱x i ñu̱xma rü ixãxacü rü itacharaü̃ —ñanagürügü. Rü yexguma ga nüma ga Yudá rü aita naxü rü ñanagürü —¡Ípenata̱xüchi rü peyagu! —ñanagürü.

Naanearü ügüchiga 34:31

Natürü ga nümagü rü nanatü ga Acóbuxü̃ nangãxü̃gü rü ñanagürügü: —¿Tama ẽ̱xna nagu curüxĩnü nax ñoma wüxi i ngexü̃ i naxü̃nemaxã taxexü̃ãcü toeya̱xmaxã namaxü̃xü̃? —ñanagürügü.

Naanearü ügüchiga 38:15

Rü yema namawa naxüpetüxgu ga Yudá rü nüxü̃ nadau ga wüxi ga ngexü̃. Rü nüma nüxü̃ nacua̱xgu rü wüxi ga ngexü̃ ga naxü̃nemaxã taxexü̃ nixĩ, yerü nügü nidüxchametü.

1 Corintios 6:3

¿Tama ẽ̱xna nüxü̃ pecua̱x rü woo ngẽma daxũcüã̱x i Tupanaarü orearü ngẽruü̃gü, rü yixema tá yixĩxü̃ i nüxü̃ icagüxü̃? Rü ngẽmaca̱x yexeraãcü pexme̱xwa nangẽxma nax penamexẽẽxü̃ i ngẽma guxchaxü̃gü i petanüwa ngẽxmagüxü̃.