1 Corintios 6:12 - Tupanaarü Ore

¹² Rü ñuxre i pema rü ñaperügügü: “Marü name nax chanaxüxü̃ i ngẽma chanaxwa̱xexü̃”, ñaperügügü. Rü aixcüma nixĩ i ngẽma, natürü tama guxü̃ i ngẽma ixügüxü̃ rü tüxü̃́ name. Rü aixcüma nixĩ ya Tupana choxü̃ ínguxuchixẽẽxü̃ nax chanaxüxü̃ca̱x i ngẽma mexü̃ i chanaxwa̱xexü̃, natürü tama name nax ta̱xacürü chixexü̃gu chaugü changu̱xẽẽxü̃ nax ngẽma chomaxã icuáxü̃ca̱x.

1 Corintios 6:12 Referans Kwoze

1 Corintios 9:27

Natürü mea chaugümaxã ichacua̱x nax taxuxü̃ma i chaxünearü ngúchaü̃ chaxüxü̃ca̱x. Erü tama chanaxwa̱xe i mexü̃maxã togüxü̃ changu̱xẽẽmare rü ñu̱xũchi chixexü̃ chaxü rü ngẽmagagu tama chanayaxu i chorü ãmare.

2 Tesalonicenses 3:9

Rü woochire̱x Tupanape̱xewa rü name nax perü ngü̃xẽẽca̱x ítaca̱xaxü̃, natürü tama yemaacü tanaxü. Rü torü õnaca̱x tapuracüe, yerü pexü̃ nüxü̃ tadauxẽẽchaü̃ ga tocüma nax pema rü ta nagu pexĩxü̃ca̱x.

Popera ga Yúda ümatüxü̃ 1:12

Rü ngẽxguma pema i yaxõgüxü̃ õnaca̱x pengutaque̱xegügu, rü ngẽma duü̃xü̃gü rü wüxi i ãnexüchi nixĩgü. Erü nataãẽgü, rü poraãcü nachibüe rü naxaxegü. Rü nügüguxicatama narüxĩnüe. Rü ngẽma duü̃xü̃gü rü taxuwama nime, rü ñoma caixanexü̃ i ngearü pucüã́xü̃ i buanecü ingexü̃rüxü̃ nixĩgü. Rü ñoma nanetügü i tama ixoxü̃ i ngẽxguma norü owa nanguxgurüxü̃ nixĩgü. Rü ñoma naigü i guxü̃ma i naxchúma̱xãmaxã nabe̱xgüxü̃ rü yuexüchixü̃rüxü̃ nixĩgü i ngẽma duü̃xü̃gü.

1 Corintios 8:4

Rü ngẽma nax nangṍxü̃ i ngẽma namachi i tupananetachicüna̱xãgüca̱x daixü̃, rü meama nüxü̃ tacua̱x nax taxuwama namexü̃ i ngẽma tupananetachicüna̱xãgü, erü tama aixcüma Tupanaxü̃chi nixĩgü. Erü wüxixicatama nixĩ ya Tupana ixĩcü, rü nataxuma i to.

Romanos 7:14

Nüxü̃ tacua̱x i ngẽma mugü rü Tupanaãxẽ i Üünexü̃wa ne naxũ. Natürü choma rü duü̃xü̃mare chixĩ, rü ngẽmaca̱x nixĩ i chomaxã inacuáxü̃ i ngẽma pecadu.

1 Corintios 9:12

Rü ngẽxguma ngẽma togü i orearü uruü̃gü petanüwa nayauxgügu i ngẽma nüxü̃́ taxuxü̃, rü toma rü yexera name nixĩ i petanüwa tanayaxu i ngẽma toxü̃́ taxuxü̃. Natürü i toma rü tama ngẽmaãcü tanaxü. Erü toma rü guxü̃ i guxchaxü̃maxã taporae nax tama pexü̃́ tanaguxchaxẽẽxü̃ca̱x nax Cristuaxü̃́ peyaxõgüxü̃.

Lebítanüxü̃arü puracüchiga 15:18

Rü ngẽxguma wüxi ya yatü rü wüxi i ngexü̃ nügümaxã maxẽgu, rü tanaxwa̱xe nax mea naxaiyagüxü̃ i ngẽma taxre. Rü tá nixãũãchi ñu̱xmata nachüta.