1 Corintios 5:9 - Tupanaarü Ore

⁹ Nüxíraxü̃xü̃ ga chorü poperawa rü pemaxã nüxü̃ chixu nax tama namaxã pexãmücügüxü̃ i ngẽma duü̃xü̃gü i ngexü̃gü i ngĩxü̃nemaxã taxexü̃we rüxĩxü̃.

1 Corintios 5:9 Referans Kwoze

Efesios 5:11

Rü tama name i pema rü ta nagu pexĩ i ngẽma chixexü̃gü i taxuwama mexü̃ i ngẽma togü i duü̃xü̃gü i ẽanexü̃wa ngẽxmagüxü̃ ügüxü̃. Natürü narümemae nixĩ i penango̱xẽxẽ nax nachixexü̃ i ngẽma naxügüxü̃.

2 Tesalonicenses 3:14

Rü ngẽxguma texé tama naga ĩnügu i ñaa ore i poperawa pemaxã nüxü̃ tixuxü̃, rü name i penangugü nax texé tixĩxü̃. Rü tama name i tümamaxã pexãmücü nax taxãneexü̃ca̱x i tümax.

2 Tesalonicenses 3:6

Pa Chauenexẽgüx, tórü Cori ya Ngechuchu ya Cristuégagu pexü̃ tamu nax nüxna pixĩgachixü̃ca̱x i ngẽma yaxõxü̃ i tama nagu ixũxü̃ i ngẽma pexü̃ tangúexẽẽxü̃.

2 Corintios 6:14

¡Rü taũtáma namaxã pexãmücü i ngẽma duü̃xü̃gü i tama yaxõgüxü̃! Erü ngẽxguma chi namaxã pexãmücügu rü taxũtáma mea wüxigu perüxĩnüe. ¿Rü ñuxãcü nawüxiguxü̃ i ngẽma mexü̃ namaxã i ngẽma chixexü̃? ¿Rü ñuxãcü nawüxiguxü̃ i ngóonexü̃ namaxã i ẽanexü̃?

Ucu̱xẽgüchiga 9:6

¡Nüxü̃ perüxoe nax chixexü̃gu pemaxẽxü̃, rü ngẽxguma tá pexü̃́ nangẽxma i maxü̃! ¡Rü duü̃xü̃gü i naãxẽxü̃ icuáxü̃ãcü pemaxẽ! —ñanagürü.

1 Corintios 5:7

Rü ngẽmaca̱x name nixĩ i nüxü̃ perüxoe i guxü̃ma i ngẽma nũxcümaü̃xü̃ i pecüma i pexü̃ chixexẽẽxü̃. Rü ngẽxguma ngẽma pexü̱xgu, rü ñoma paũ i ngexwaca̱xü̃xü̃ i paũcharawa üxü̃rüxü̃ tá pixĩgü. Rü pema rü ñoma paũ i ngearü pu̱xẽẽruü̃ã́xü̃ i Üpetüchigaarü petawa ingṍxü̃rüxü̃ tá pime. Rü ñu̱xma i pema rü aixcüma ngexwaca̱xü̃xü̃ i duü̃xü̃gü pixĩgü, yerü Cristu rü tórü Üpetüchigaarü carnéru ixĩxü̃ rü marü tórü pecaduca̱x nayu.

1 Corintios 5:2

¿Rü ñuxãcü i pema rü pegü picua̱xüü̃güamaxü̃ i ñu̱xma? Narümemae chi nixĩ nax pegümaxã pengechaü̃güxü̃. Rü ngẽma yatü i ngẽma chixexü̃ üxü̃ ¡rü ípenata̱xüchixü̃ i petanüwa!

2 Corintios 6:17

Rü yemaca̱x ñanagürü ta ga tórü Cori: “¡Ípechoxü̃ i natanüwa i ngẽma duü̃xü̃gü i tama chorü duü̃xü̃gü ixĩgüxü̃! ¡Rü taxṹ i nüxü̃ pingógüxü̃ i ngẽma chope̱xewa ãũãchixü̃! Rü choma rü tá pexü̃ chayaxu.

1 Corintios 5:10

Natürü yexguma yema ñachagu pexü̃, rü tama pemaxã nüxü̃ chixu nax nüxna pixĩgachitanüxü̃chixü̃ i ngẽma duü̃xü̃gü i ñoma i naanewa ngexü̃gü i ngĩxü̃nemaxã taxexü̃we rüxĩxü̃, rüe̱xna ngẽma duü̃xü̃gü i guxü̃ma i ta̱xacü nügüna nugüchaü̃güxü̃, rüe̱xna ngĩ́ta̱xagüxü̃, rüe̱xna ngẽma duü̃xü̃gü i tupananetachicüna̱xãxü̃ icua̱xüü̃güxü̃. Erü ngẽxguma chi na̱xcha̱xwa ípechoü̃gu i ngẽma duü̃xü̃gü, rü chi taxucürüwa i ñoma i naanewa pengẽxmagü.