1 Corintios 5:8 - Tupanaarü Ore

⁸ Rü ngẽmaca̱x nüxü̃ tarüxoe i nũxcümaü̃xü̃ i tacüma i chixexü̃gü rü taxü̃nearü ngúchaü̃gü i ñoma paũ i pu̱xẽẽruxü̃ã́xü̃rüxü̃ ixĩxü̃. Rü tanaxüchiga i tórü Üpetüchiga namaxã i tórü maxü̃ i aixcüma mexü̃ i ñoma paũ i ngearü pu̱xẽẽruxü̃ã́xü̃rüxü̃ ixĩxü̃.

1 Corintios 5:8 Referans Kwoze

Wenaxarü naxümatü ga Tupanaarü mugü 16:3

Rü ngẽxguma penangõ̱xgu i ngẽma õna i Üpetüchigaarü ngunexü̃gu pengṍxü̃ rü paũ i ngearü pu̱xẽẽruü̃ã́xü̃maxã tá penangõ̱x. Rü wüxi i yüxü tá nixĩ i penangṍxü̃ i ngẽma paũ i ngearü pu̱xẽẽruü̃ã́xü̃. Erü ngẽma paũwa tá nüxna pecua̱xãchie nax ñuxãcü ngúxü̃ pingegüxü̃ ga Equítuanewa, rü yemaca̱x ñu̱xãẽãcüma nawa ípechoxü̃. Rü ngẽmaãcü i pema rü ñu̱xma nax pemaxẽxü̃gu rü tá nüxna pecua̱xãchie ga yema ngunexü̃ ga nagu Equítuanewa ípechoxü̃xü̃.

Ínachoxü̃xü̃chiga 12:15

Rü ngẽma Üpetüchiga rü 7 i ngunexü̃ tá penaxüchiga. Rü guxü̃ma i ngẽma 7 i ngunexü̃gu rü paũ i ngearü pu̱xẽẽruü̃ã́xü̃xicatama tá pengõ̱xgü. Rü ngẽmaca̱x i guxü̃ma i ngẽma 7 i ngunexü̃gu rü tama penaxwa̱xe nax pepatawa pexü̃́ nangẽxmaxü̃ i ngẽma paũarü pu̱xẽẽruxü̃. Rü yíxema paũ i pu̱xẽẽruü̃ã́xü̃ ngṍxe i ngẽma 7 i ngunexü̃gu rü yíxema rü tá Iraétanüwa tüxü̃ ípeta̱xüchi.

Ore i mexü̃ ga Luca ümatüxü̃ 12:1

Rü yoxni yexma nangutaque̱xegü ga muxũchixü̃ ga duü̃xü̃gü. Rü yema nax namuxũchixü̃ca̱x rü düxwa nügü nicuxnetaetanü. Rü Ngechuchu inanaxügü ga norü ngúexü̃gümaxãxíra nax yadexaxü̃, rü ñanagürü: —¡Pexũãxẽgü naxca̱x i ngẽma Parichéugücüma! Erü duü̃xü̃güpe̱xewa mea namaxẽneta, natürü naãxẽwa rü chixexü̃gu narüxĩnüe.

Ore i mexü̃ ga Márcu ümatüxü̃ 8:15

Rü yexguma ga Ngechuchu rü nayaxucu̱xẽgü, rü ñanagürü nüxü̃: —¡Dücax, pexuãxẽ naxca̱x i Parichéugüarü rü Eródearü paũarü pu̱xẽxẽruxü̃! —ñanagürü.

Ore i mexü̃ ga Matéu ümatüxü̃ 16:6

Rü yexguma ga Ngechuchu rü ñanagürü nüxü̃: —¡Dücax, pexuãẽgü naxca̱x i Parichéugüarü rü Chaduchéugüarü paũarü pu̱xẽẽruxü̃! —ñanagürü.

Efesios 6:24

Rü chanaxwa̱xe i Tanatü ya Tupana tüxü̃ rüngü̃xẽẽgü ya guxãma ya yíxema tórü Cori ya Ngechuchu ya Cristuxü̃ ngechaü̃güxe. Rü ngẽmaãcü yixĩ.

1 Corintios 5:6

¡Rü tama name i pema rü pegü picua̱xüxü̃ naxca̱x i ngẽma pexüxü̃! ¿Tama ẽ̱xna nüxü̃ pecua̱x i ngẽma ore i ñaxü̃: “Wüxi i íxraxü̃ i paũarü pu̱xẽẽruxü̃ rü taxü̃ma i paũchara nipu̱xẽxẽ”, ñaxü̃?

Ore i mexü̃ ga Cuáü̃ ümatüxü̃ 1:47

Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Ore i mexü̃ ga Matéu ümatüxü̃ 16:12

Rü yexguma ga norü ngúexü̃gü rü nüxü̃ nacua̱xgü nax tama paũarü puxẽẽruü̃chiga nax yadexaxü̃ ga Ngechuchu, natürü Parichéugüarü rü Chaduchéugüarü ngu̱xẽẽtaechiga yixĩxü̃ ga yadexaxü̃.

Ichaía 30:29

Natürü i pemax, Pa Tupanaarü Duü̃xü̃güx, rü pexca̱x tá nangẽxma i taãxẽ i ngẽxguma peta i üünexü̃ i chütacü ípexügügurüxü̃. Rü tá petaãẽgü ngẽxguma woweru picueãcüma yima ma̱xpǘne ya Cori ya Tupanapata nawa ngẽxmanegu pexĩgügu. Rü nüma nixĩ i Iraétanüxü̃arü poxü̃ruxü̃ yixĩxü̃.

Ichaía 25:6

Rü nüma ya Cori ya Tupana rü ma̱xpǘne ya Chióü̃wa tá guxü̃ma i duü̃xü̃gü i ñoma i naanewa maxẽxü̃ca̱x nanaxü i wüxi i õna i taxü̃. Rü ngẽma õna rü maixcuraxü̃ i chi̱xichixü̃ rü bínu ya marü ñuxgumama ixügücü rü namachi i chíxü̃ rü bínu ya rümemaegücümaxã naxca̱x nanamexẽxẽ.

Wiyaegü 42:4

Rü ngẽxguma ngẽmagu charüxĩnügu rü marü tama yáxna namaxã chaxĩnü i ngẽma nax chaxaxuxü̃. Rü nüxna chacua̱xãchi ga yexguma Tupanapatawa chanagagügu ga yema muxü̃ma ga duü̃xü̃gü. Rü taãẽãcü moxẽ nüxna taxã rü tanatachigaxẽxẽ.

Wiyaegü 32:2

Rü nataãxẽ ya yimá yatü ya Tupana nüxü̃́ nüxü̃ irüngümacü i norü pecadu rü norü maxü̃wa rü nataxuma i dora.

Lebítanüxü̃arü puracüchiga 23:6

Rü ngẽmaarü moxü̃ãcütama rü tá chauégagu penaxüchiga i paũ i ngearü pu̱xẽẽruü̃ã́xü̃. Rü 7 i ngunexü̃ tá nixĩ i penangṍxü̃ i ngẽma paũ.

2 Corintios 8:8

Tama wüxi i mu nixĩ i ngẽma pemaxã nüxü̃ chixuxü̃. Natürü chanaxwa̱xemare nax nüxü̃ pecuáxü̃ nax ñuxãcü taãẽãcüma ngĩxü̃ inaxãgüxü̃ ga togü ga yaxõgüxü̃. Rü pemaxã nüxü̃ chixu i ngẽma nax pema rü ta ngĩxü̃ ipexãgüxü̃ca̱x i ngẽma diẽru i togü i taenexẽgüarü ngü̃xẽẽca̱x ixĩcü, nax ngẽmaãcü ipenawéxü̃ca̱x nax aixcüma nüxü̃ pengechaü̃güxü̃.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

1 Corintios 5:1

Rü duü̃xü̃gü nüxü̃ nixugügü rü wüxi i yatü i petanüwa rü naérücümaxãtama naxãxma̱x. Rü ngẽma nixĩ i pecadu i poraãcü chixexü̃chixü̃, rü woo ngẽma duü̃xü̃gü i tama yaxõgüxü̃tanüwa rü tama ngẽmaãcü namaxẽ.

Yochué 24:14

Rü nüma ga Yochué rü ñanagürü ta: —Rü ñu̱xma rü name i aixcüma Cori ya Tupanaxü̃ pengechaxü̃gü rü naga pexĩnüe rü norü ngúchaü̃ pexü. Rü name nixĩ i nüxna pexĩgachixü̃ i ngẽma nũxcüma ga perü o̱xigüarü tupananetagü ga taxtü ga Eufrátecutüwa rü Equítuanewa nüxü̃ yacua̱xüü̃güxü̃.

Wenaxarü naxümatü ga Tupanaarü mugü 16:16

Rü guxü̃ma i yatüxü̃gü rü wüxichigü ya taunecügu rü name nax tomaepü̱xcüna Cori ya perü Tupanape̱xewa naxĩxü̃ nawa i ngẽma nachica i nüma nüxü̃ naxunetaxü̃. Rü ñaagü nixĩ i ngẽma petagü i nagu Tupanape̱xewa naxĩxü̃: Paũ i Ngearü Pu̱xẽẽruü̃ã́xü̃, rü Nanetüarü Buxgüchiga, rü Düxenügüchiga. Rü ngẽma petachigagügu rü tama name nax texé ngẽãcume̱xẽãcüma Cori ya Tupanape̱xewa taxuxü̃.

Ínachoxü̃xü̃chiga 13:6

Rü 7 i ngunexü̃ tá paũ i ngearü pu̱xẽẽruü̃ã́xü̃ pengõ̱xgü. Rü ngẽxguma nawa yacuáxü̃ i ngunexü̃wa nanguxgu rü Cori ya Tupanaca̱x tá penaxü i wüxi i ngutaque̱xe i nagu nüxü̃ picua̱xüü̃güxü̃.

Ínachoxü̃xü̃chiga 12:8

Rü ngẽma chütaxü̃gu tá penangõ̱xgü i namachi i iguxü̃ ya maxẽ ya üxücümaxã ãéü̃xü̃. Rü namaxã tá penaxüxbüxü̃ i paũ i ngearü pu̱xẽẽruü̃ã́xü̃.

Ínachoxü̃xü̃chiga 12:19

Rü 7 i ngunexü̃ tá nixĩ i taxũtáma pepatawa pexü̃́ nangẽxma i paũarü pu̱xẽẽruxü̃. Rü texé ya yíxema nangṍxẽ i paũ i pu̱xẽẽruü̃ã́xü̃ rü tá petanüwa ítata̱xüchi woo Iraétanüxü̃ tixĩxgu rüe̱xna to i nachixü̃anecüã̱x tixĩxgu.

Ínachoxü̃xü̃chiga 13:7

Rü ngẽma 7 i ngunexü̃ rü tá paũ i ngearü pu̱xẽẽruü̃ã́xü̃maxã pengõ̱x. Rü guxü̃ma i ngẽma perü naanewa rü taxũtáma nangẽxma i paũarü pu̱xẽẽruxü̃ rü paũ i pu̱xẽẽruü̃ã́xü̃.

2 Corintios 2:17

Rü toma rü tama Tupanaarü oregu diẽru ngĩxü̃ tayaxu ngẽma muxü̃ma i togü naxügüxü̃rüxü̃. Natürü Tupanape̱xewa rü aixcüma mea nüxü̃ tixu i ngẽma norü ore, erü nüma toxü̃ nimugü rü Cristuarü tixĩgü.