1 Corintios 5:2 - Tupanaarü Ore

² ¿Rü ñuxãcü i pema rü pegü picua̱xüü̃güamaxü̃ i ñu̱xma? Narümemae chi nixĩ nax pegümaxã pengechaü̃güxü̃. Rü ngẽma yatü i ngẽma chixexü̃ üxü̃ ¡rü ípenata̱xüchixü̃ i petanüwa!

1 Corintios 5:2 Referans Kwoze

2 Corintios 12:21

Rü chaxoegaãxẽ erü ngẽxguma wena petanüwa chaxũxgu, rü ngürüãchi Tupana tá pegagu choxü̃ naxãnexẽxẽ rü choxü̃ naxauxẽxẽ nagagu nax muxü̃ma i pemax rü marü ñuxgumama pecadu pexügüechaxü̃, rü tama nüxü̃ perüxoechaü̃xü̃ nax Tupanape̱xewa chixexü̃ pexügüxü̃, rü nai i ngexü̃maxã nax pemaxẽxü̃, rü togü i chixexü̃ nax pexügüxü̃.

Echequié 9:6

¡Rü chopata ya taxü̃newa tá ipenaxügü nax penadaixü̃ rü guxü̃táma pedai rü yaxguã̱xgü, rü ngextü̱xüxü̃gü, rü paxü̃gü, rü buxü̃gü, rü ngexü̃gü! ¡Natürü taxũtáma nüxü̃ pedau i ngẽma ãégacatüxü̃! —ñanagürü. Rü yemaacü inanaxügüe nax nadaiaxü̃ ga yema ãẽ̱xgacügü ga yaxguã̱xgü ga Iraétanüxü̃maxã icua̱xgüxü̃.

Echequié 9:4

Rü ñanagürü nüxü̃: —¡Ẽcü, nagu ixũãgüchigü ya daa ĩane ya Yerucharéü̃ rü yaxüégacatü i guxü̃ma i ngẽma duü̃xü̃gü i ñaa ĩanearü chixexü̃gagu ngechaü̃güxü̃ rü ngúxü̃ ingegüxü̃! —ñanagürü.

Yeremía 13:17

Rü ngẽxguma taxũtáma ipexĩnüegu i ngẽma pemaxã nüxü̃ chixuxü̃, rü choma rü chaxica tátama chaxaxu nagagu nax pegü picua̱xüü̃güxü̃. Rü chauxetüwa tá inarüyaegü i ngẽma chauxgüxü̃etü, erü perü uanügü rü tá pexü̃ ínayauxü̃ rü tá pexü̃ nigagü i pemax nax Cori ya Tupanaarü duü̃xü̃gü pixĩgüxü̃ —ñanagürü ga Yeremía.

Wiyaegü 119:136

Rü poraãcü chaxaxu erü ngẽma togü rü tama naga naxĩnüe i curü mugü. -18-

Iraétanüxü̃arü muxchiga 25:6

Natürü yexguma Moichémaxã Tupanapataa̱xtüwa nangutaque̱xegügu ga Iraétanüxü̃ ga íxauxexü̃, rü yexgumayane rü wüxi ga Iraétanüxü̃ rü wüxi ga ngexü̃ ga Madiáü̃anecüa̱xmaxã yéma naxüpetü nax napatawa nagaãxü̃ca̱x.

1 Corintios 4:18

Rü ñuxre i pemax rü pegü picua̱xüü̃gü, erü nagu perüxĩnüe nax tagutáma pexü̃tawa íchayadauxü̃.

2 Corintios 12:20

Erü chaxoegaãxẽ rü ngẽxguma wena pexü̃ íchayada̱u̱xgu, rü ngürüãchi taxũtáma choma chanaxwa̱xexü̃ãcüma pexü̃ ichayangau, rü pema rü taxũtáma penaxwa̱xexü̃ãcüma choxü̃ pedaugü. Rü chaxoegaãxẽ erü ngürüãchi tá pexü̃ ichayangau nax pegüchi ípexaiexü̃, rü pegüarü ngẽmaxü̃güca̱x pixãũxãchigüxü̃, rü pegümaxã penuexü̃, rü pegüguxicatama íperüxĩnüexü̃, rü pexoregüta̱a̱xgüxü̃, rü toguã̱xü̃ pixuxü̃, rü pegü picua̱xüü̃güxü̃, rü chixexü̃ ípexüexü̃, rü ngẽmaãcü chixri ípemaxẽxü̃.