1 Corintios 5:10 - Tupanaarü Ore

¹⁰ Natürü yexguma yema ñachagu pexü̃, rü tama pemaxã nüxü̃ chixu nax nüxna pixĩgachitanüxü̃chixü̃ i ngẽma duü̃xü̃gü i ñoma i naanewa ngexü̃gü i ngĩxü̃nemaxã taxexü̃we rüxĩxü̃, rüe̱xna ngẽma duü̃xü̃gü i guxü̃ma i ta̱xacü nügüna nugüchaü̃güxü̃, rüe̱xna ngĩ́ta̱xagüxü̃, rüe̱xna ngẽma duü̃xü̃gü i tupananetachicüna̱xãxü̃ icua̱xüü̃güxü̃. Erü ngẽxguma chi na̱xcha̱xwa ípechoü̃gu i ngẽma duü̃xü̃gü, rü chi taxucürüwa i ñoma i naanewa pengẽxmagü.

1 Corintios 5:10 Referans Kwoze

1 Corintios 10:27

Rü ngẽxguma chi wüxi i duü̃xü̃ i tama yaxõxü̃ pexna uxgu nax naxü̃tawa peyachibüexü̃ca̱x, rü chi ngéma pexĩxgu, rü marü name i penangõ̱x i guxü̃ma i õna i pepe̱xegu yaxüxüchixü̃. Rü taxuca̱xma tü̱xcüü̃ naxca̱x pexoegaãẽ rü nüxna peca nax ta̱xacürü namachi nixĩ i pemaxã nangṍxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 12:9

Rü ínata̱xüchi ga daxũguxü̃ ga naanewa ga yema coya ga yema nũxcümaü̃xü̃ ga ãxtape. Rü nüma rü Ngo̱xogu rü Chatanágu naxãéga. Rü nüma nixĩ i guxü̃ma i ñoma i naanecüã̱x i duü̃xü̃güxü̃ nawomüxẽẽxü̃. Rü nüma rü norü orearü ngeruü̃gümaxã ñoma ga naanegu narüwoü̃.

Nüxíraxü̃xü̃ ga popera ga Cuáü̃ ümatüxü̃ 5:19

Nüxü̃ tacua̱xgü nax Tupanaxacügü ixĩgüxü̃, natürü guxü̃ma i ñoma i naanecüã̱x rü Chatanáme̱xẽwa nangẽxmagü.

Nüxíraxü̃xü̃ ga popera ga Cuáü̃ ümatüxü̃ 4:5

Rü nümgü i Cristuarü uanüarü duü̃xü̃gü rü ñoma i naanearü duü̃xü̃gü nixĩgü. Rü ngẽmaca̱x ñoma i naanewa ngẽxmaxü̃chiga nidexagü. Rü ñoma i naanecüã̱x i duü̃xü̃gü rü nüxü̃́ inarüxĩnüe.

Filipenses 2:15

Rü name i ngẽmaãcü mea pemaxẽ nax taxúema ta̱xacürü chixexü̃xü̃ pewa iyanga̱u̱xü̃ca̱x. Rü penaxwa̱xe i Tupanaxacügü i mea maxẽxü̃ pixĩgü i natanüwa i ngẽma duü̃xü̃gü i chixexü̃ rü chixeãẽgümarexü̃. Rü ngẽxguma ngẽma duü̃xü̃gümaxã nüxü̃ pixugüyane i ngẽma ore i mexü̃ i tüxü̃ maxẽxẽẽxü̃, rü natanüwa rü ñoma woramacurigü ya ẽanexü̃wa ibáixgücürüxü̃ tá pixĩgü. Rü ngẽmaãcü i ngẽxguma wena núma naxũxgu ya Cristu rü choma rü tá chataãxẽ, erü tá nüxü̃ chadau nax tama natüca̱xmamare yixĩxü̃ ga yema puracü ga petanüwa chaxüxü̃.

Efesios 2:2

Yerü ga pemax rü nagu pexĩ ga yema chixexü̃ i ñoma i naanecüã̱x i duü̃xü̃gü nagu ĩxü̃. Rü pema rü naga pexĩnüe ga Chataná i ngo̱xogüarü ãẽ̱xgacü ixĩxü̃. Rü nüma nixĩ i nüxü̃́ nangúchaü̃xẽẽãxü̃ nax chixexü̃ naxügüxü̃ca̱x i ngẽma duü̃xü̃gü i tama Tupanaga ĩnüexü̃.

2 Corintios 4:4

Erü nümagü nax tama yaxõgüãxü̃, rü ñoma i naanearü ãẽ̱xgacü i Chataná nixĩ i nüxü̃́ naguxchaxẽẽxü̃ nax tama nüxü̃ nacua̱xgüxü̃ca̱x i Cristu ya Üünecüarü ore i ñoma omürüxü̃ poraãcü nangóonexẽẽxü̃. Rü Cristuwa nixĩ i nügü nawéxü̃ ya Tupana.

1 Corintios 1:20

Rü ñu̱xmax, Pa Chauenexẽgüx, ¿Tupanape̱xewa rü ta̱xacüwa namexü̃ i ngẽma duü̃xü̃gü i nüxü̃ cua̱xüchixü̃? ¿Rü ta̱xacüwa namexü̃ i ngẽma ngúexẽẽxruü̃gü i Moiché ümatüxü̃ i mugüwa ngu̱xẽẽtaegüxü̃? ¿Rü ta̱xacüwa namexü̃ i ngẽma duü̃xü̃gü i mea nüxü̃ cua̱xgüxü̃ i ñoma i naanearü cuáchigagu nax yadexagüxü̃? Erü guxü̃ma i ngẽma cua̱x rü duü̃xü̃gü nagu rüxĩnüemarexü̃ nixĩ, rü Tupanaca̱x rü taxuwama name.

Ore i mexü̃ ga Cuáü̃ ümatüxü̃ 8:23

Rü Ngechuchu ñanagürü nüxü̃: —Pema rü ñoma i naanecüã̱x i duü̃xü̃gü pixĩgü, natürü i choma rü daxũcüã̱x chixĩ. Pema rü ñoma i naanearü duü̃xü̃gü pixĩgü, natürü i choma rü tama ñoma i naanecüã̱x chixĩ.

Nüxíraxü̃xü̃ ga popera ga Cuáü̃ ümatüxü̃ 4:7

Pa Chauenexẽgü ya Pexü̃ Changechaü̃güxe, name nixĩ nax yigü ingechaü̃güxü̃, erü Tupanawa ne naxũ i ngẽma nax yigü ingechaü̃güxü̃. Rü guxãma ya yíxema tümaenexẽxü̃ ngechaü̃xe rü Tupanaxacü tixĩ rü Tupanaxü̃ tacua̱x.

Ore i mexü̃ ga Cuáü̃ ümatüxü̃ 17:9

Rü ngẽmaca̱x cuxna chaca nax nüxü̃ curüngü̃xẽẽxü̃ca̱x. Rü tama cuxna chaca nax nüxü̃ curüngü̃xẽẽxü̃ca̱x i ñoma i naanecüã̱x i duü̃xü̃gü, natürü cuxna chaca nax nüxü̃ curüngü̃xẽẽxü̃ca̱x i ngẽma choxna cumugüxü̃, erü curü duü̃xü̃gü nixĩgü.

Ore i mexü̃ ga Cuáü̃ ümatüxü̃ 17:6

Rü yema duü̃xü̃gü ga cuma quidexechixü̃ ga ñoma ga naanewa nax choxna cumugüxü̃ca̱x rü marü namaxã nüxü̃ chixu nax texé quixĩxü̃ i cumax. Rü ngẽma duü̃xü̃gü rü woetama cuxrügü nixĩgü rü cuma nixĩ ga choxna cunamugüxü̃. Rü nüma rü marü naga naxĩnüe i curü ore.

Ore i mexü̃ ga Cuáü̃ ümatüxü̃ 15:19

Rü ngẽxguma chi ñoma i naanecüã̱x i duü̃xü̃gürüxü̃ pixĩgügu, rü ñoma i naanecüã̱x i duü̃xü̃gü rü chi pexü̃ nangechaü̃gü ngẽma natanüxü̃xü̃ nax nangechaü̃güxü̃rüxü̃. Natürü choma nixĩ ga pexca̱x chadauxü̃ natanüwa ga ñoma ga naanecüã̱x ga duü̃xü̃gü. Rü ngẽmaca̱x nixĩ i pexchi naxaiexü̃, erü marü tama naxrüxü̃ pixĩgü.

Ore i mexü̃ ga Luca ümatüxü̃ 18:11

Rü yema Parichéu rü yexma nachi, rü ñaaãcü nayumüxẽ: “Pa Tupanax, moxẽ cuxna chaxã erü tama togürüxü̃ chixexü̃ chaxü, rü tama ngẽmagürüxü̃ changĩ́ta̱a̱x, rü tama chixri chamaxü̃, rü tama nai i ngexü̃maxã ichape. Rü bai i ñaa yatü i Rómaarü ãẽ̱xgacüca̱x diẽru ngĩxü̃ dexü̃rüxü̃ chixĩ.

1 Corintios 5:9

Nüxíraxü̃xü̃ ga chorü poperawa rü pemaxã nüxü̃ chixu nax tama namaxã pexãmücügüxü̃ i ngẽma duü̃xü̃gü i ngexü̃gü i ngĩxü̃nemaxã taxexü̃we rüxĩxü̃.

1 Corintios 5:11

Natürü yexguma pemaxã nüxü̃ chixuxgu nax tama namaxã pexãmücügüxü̃ i ngẽma duü̃xü̃gü i chixexü̃gu maxẽxü̃, rü nachiga chidexa i ngẽma duü̃xü̃ i nügü ixuxü̃ nax peenexẽgü i yaxõxü̃ nax yixĩxü̃, natürü nai i ngexü̃maxã maxü̃xü̃, rüe̱xna aüxü̃, rüe̱xna tupananetachicüna̱xãxü̃ icua̱xüü̃xü̃, rüe̱xna oregüta̱a̱xü̃, rüe̱xna ngãxẽwa̱xexü̃, rüe̱xna ngĩ́ta̱xaxü̃. Rü ngẽma duü̃xü̃gü nixĩ i pemaxã nüxü̃ chixuxü̃ nax tama namexü̃ nax namaxã pexãmücügüxü̃ rü bai i namaxã nax pechibüexü̃.