1 Corintios 4:7 - Tupanaarü Ore

⁷ Rü ñu̱xma rü cuxna chaca, ¿rü texé tixĩ ya yíxema togüarü yexera cuxü̃ ixĩxexẽ́xẽ? Rü guxü̃ma i ngẽma cuxü̃́ ngẽxmaxü̃ rü Tupana nixĩ ya cuxna naxãcü. Rü ñu̱xma nax Tupana cuxna naxãxü̃ i ngẽma cuxü̃́ ngẽxmaxü̃ ¿rü tü̱xcüü̃ cugü quicua̱xüxü̃ ñoma cumatama cugüna cunaxãxü̃rüxü̃?

1 Corintios 4:7 Referans Kwoze

Ore i mexü̃ ga Cuáü̃ ümatüxü̃ 3:27

Rü Cuáü̃ nanangãxü̃ rü ñanagürü nüxü̃: —Taxúema ta̱xacü tüxü̃́ nangẽxma ega Tupana tama tüxna naxãxgu.

Nüxíraxü̃xü̃ ga popera ga Pedru ümatüxü̃ 4:10

Rü wüxichigü i pemax, rü Tupana pexna nanaxã i perü cua̱x. Rü ngẽma cua̱x ya Tupana pexna ãxü̃maxã rü name nixĩ i wüxichigü pegü perüngü̃xẽẽgü.

Popera ga Chantiágu ümatüxü̃ 1:17

Erü guxü̃ma i ngẽma aixcüma mexü̃ i tüxna naxãxü̃, rü naxü̃tawa ne naxũ ya Tupana ya daxũgucü ga naxücü ga üa̱xcü rü tauemacü rü woramacurigü rü ẽxtagü. Rü nüma rü guxü̃guma nanaxa̱i̱xrügumaraxü̃ rü taguma naxüchicüü.

Romanos 12:6

Rü wüxichigü i yixema, rü Tupana tüxna nanaxã i tórü cua̱x i nüma nanaxwa̱xexü̃ nax tüxü̃́ nangẽxmaxü̃. Rü tanaxwa̱xe i meama nagu taxĩ i ngẽma cua̱x ya Tupana tüxna ãxü̃. Rü ngẽxguma tüxna naxããgu i tórü cua̱x nax norü orearü uruxü̃ ixĩgüxü̃ca̱x, rü name nixĩ i ngẽma õ i tüxü̃́ ngẽxmaxü̃maxã tanaxü i ngẽma puracü.

Ore i mexü̃ ga Cuáü̃ ümatüxü̃ 1:16

Rü Tupana Nanearü ngechaü̃ i taxü̃gagu nixĩ i nayauxgüxü̃ i muxü̃ma i norü ngü̃xẽẽgü.

Ucu̱xẽgüchiga 2:6

Erü nüma ya Cori ya Tupana nixĩ i cua̱x tüxna ãcü, rü naã̱xwa nixĩ i íyachoxü̃tanücüüxü̃ i guxü̃ma i cua̱x.

Ore i mexü̃ ga Luca ümatüxü̃ 19:13

Rü naxü̃pa nax inaxũãchixü̃, rü naxca̱x nangema ga 10 ga norü duü̃xü̃gü. Rü wüxichigüna ngĩxü̃ naxã ga tacü ga diẽru. Rü ñanagürü nüxü̃: “¡Ngĩmaxã pepuracüe rü ngĩxü̃ pimuxẽxẽ i ñaa diẽru ñu̱xmatáta chataegu!” ñanagürü.

1 Corintios 15:10

Natürü ga Tupana rü chomaxã namecüma, rü ngẽmaca̱x i ñu̱xma rü choxü̃ pedau nax ta̱xacü chixĩxü̃ rü ñuxãcü nax chixĩxü̃. Rü yema chomaxã nax namecümaxü̃ rü tama natüca̱xma nixĩ. Yerü choma rü guxü̃ ga togü ga yamugüxü̃arü yexera chanaxü ga Tupanaarü puracü. Natürü tama chauechama chanaxü ga yema puracü, natürü Tupana ga chomaxã mecümacü rü chomaxã puracücü nixĩ ga naxücü ga yema puracü nax nüxü̃ chixuxü̃ca̱x ga norü ore.

1 Corintios 7:7

Rü chomatama nagu charüxĩnü rü chierüx name nixĩ ega choma chamaxü̃xü̃rüxü̃ namaxẽgu i guxü̃ma i duü̃xü̃gü. Natürü Tupana rü wüxichigü i duü̃xü̃na nanaxã i nacüma nax ñuxãcü namaxẽxü̃ca̱x rü ñuxãcü nagu naxĩnüxü̃ca̱x. Rü ngẽmaca̱x tama guxãma tawüxigu.

Romanos 12:3

Rü Tupana ya chomaxã mecümacü, rü choxü̃ namu nax pemaxã nüxü̃ chixuxü̃ca̱x i guxãma i pemax nax tama namexü̃ nax texé i petanüwa tügü írütaxü̃ rü tügügu tarüxĩnüxü̃ nax togüarü yexera tixĩxü̃. Natürü name nixĩ nax wüxichigü mea tügü ngugüarü maxü̃ã́xü̃ rü tügügu rüxĩnüxü̃ nax Tupana yixĩxü̃ i tüxna naxãxü̃ i tümaarü cua̱x wüxigu namaxã i tümaarü õ.

Romanos 1:5

Rü Ngechuchu ga Cristugagu Tupana chomaxã namecüma rü choxü̃ naxuneta nax norü puracü chaxüxü̃ca̱x. Rü yemaca̱x Ngechuchuégagu choxü̃ namu nax guxü̃ i nachixü̃anewa nüxü̃ chixuxü̃ca̱x i norü ore nax yaxõgüãxü̃ca̱x i duü̃xü̃gü rü Tupanaga naxĩnüexü̃ca̱x.

Danié 5:23

Dücax, Pa Ãẽ̱xgacüx, cuma rü Cori ya Tupana ya dauxü̃wa ngẽxmacügu quidauxcüraxü̃. Erü curü duü̃xü̃güxü̃ cuyanuxü̃xẽxẽ i ngẽma naxpáü̃gü ga Tupanapata ya taxü̃nearü ixĩxü̃. Rü ngẽma nüxna cuxuxü̃maxã wüxigu ngẽma naxpáü̃güwa peyaxaxü ga bínu, rü nüxü̃ picua̱xüü̃gü i ngẽma perü tupanachicüna̱xãgü i úirunaxca̱x, rü diẽrumünaxca̱x, rü bróũchenaxca̱x, rü fierunaxca̱x, rü nainaxca̱x rü nutanaxca̱x i ngearü maxü̃ã́xü̃, rü tama tüxü̃ dauxü̃, rü tama tüxü̃ ĩnüxü̃ rü taxuxü̃ma cuáxü̃. Natürü tama nüxü̃ quicua̱xüxü̃ ya yimá Tupana ya naxme̱xwa nangẽxmacü i curü maxü̃ rü namaxã icuácü i guxü̃ma i ta̱xacü icuxüxü̃.

Danié 5:18

Rü nüma ya Tupana ya Guxãétüwa Ngẽxmacü, rü cunatü ga Nabucudonochóna nanaxã nax nüma ãẽ̱xgacü ga poracü rü cua̱x nüxü̃́ yexmacü nax yixĩxü̃ca̱x.

Echequié 29:3

¡Rü namaxã nüxü̃ ixu rü ñacurügü! “Cori ya Tupana rü ñanagürü cuxü̃: ‘Pa Faraóü̃ i Equítuanearü Ãẽ̱xgacüx, choma rü cumaxã nüxü̃ chixu nax curü uanü chixĩxü̃. Rü cuma rü ñoma wüxi i coyaarü ãũxü̃ i taxtü i Nílugu caxü̃rüxü̃ quixĩ. Rü cuma rü ñacurügü: Ngẽma taxtü i Níru rü choxrü nixĩ rü chomatama chanango̱xẽxẽ, ñacurügü.

1 Corintios 5:6

¡Rü tama name i pema rü pegü picua̱xüxü̃ naxca̱x i ngẽma pexüxü̃! ¿Tama ẽ̱xna nüxü̃ pecua̱x i ngẽma ore i ñaxü̃: “Wüxi i íxraxü̃ i paũarü pu̱xẽẽruxü̃ rü taxü̃ma i paũchara nipu̱xẽxẽ”, ñaxü̃?

1 Corintios 3:5

Rü ngẽxguma mea nagu rüxĩnüegu, ¿rü ta̱xacü chixĩ i choma i Paurux? rü ¿ta̱xacü nixĩ i nüma i Apórux? Toma rü Tupanaarü duü̃xü̃gümare tixĩgü, rü togagu nixĩ ga nüxü̃́ peyaxõgüxü̃ ya Cori ya Ngechuchu. Rü wüxichigü ga toma rü tanaxü ga yema puracü ga tórü Cori toxna ãxü̃.