1 Corintios 4:16 - Tupanaarü Ore

¹⁶ Rü ngẽmaca̱x pexü̃ chaca̱a̱xü̃ nax chauxrüxü̃ mea pemaxẽxü̃.

1 Corintios 4:16 Referans Kwoze

2 Tesalonicenses 3:9

Rü woochire̱x Tupanape̱xewa rü name nax perü ngü̃xẽẽca̱x ítaca̱xaxü̃, natürü tama yemaacü tanaxü. Rü torü õnaca̱x tapuracüe, yerü pexü̃ nüxü̃ tadauxẽẽchaü̃ ga tocüma nax pema rü ta nagu pexĩxü̃ca̱x.

Filipenses 3:17

Pa Chauenexẽgüx, chanaxwa̱xe i nagu pexĩ i ngẽma nacüma i mexü̃ i pexü̃ nüxü̃ chadauxẽẽxü̃. ¡Rü naxca̱x pedauxü̃tae i nacüma i ngẽma togü i duü̃xü̃gü i toxrüxü̃ mea maxẽxü̃!

1 Corintios 11:1

Rü name nixĩ i nagu pexĩ i chaucüma ngẽxgumarüxü̃ i choma nax Cristucümagu chixũxü̃rüxü̃.

1 Tesalonicenses 1:6

Rü pema rü meama nagu pexĩ ga yema pexü̃ tangúexẽẽxü̃ rü yema tüxü̃ nangúexẽẽxü̃ ga tórü Cori ya Ngechuchu. Rü ngẽma taãxẽ i Tupanaãxẽ ya Üünecü pexna ãxü̃maxã penayauxgü ga yema ore ga woo yemaca̱x poraãcü ngúxü̃ nax pingegüxü̃.

Popera ga Yudíugü ga yaxõgüxü̃ca̱x ümatüxü̃ 13:7

Rü name nixĩ i nüxna pecua̱xãchie ga gumá perü Tupanaarü orearü uruü̃gü ga noxri pemaxã icua̱xgücü rü pemaxã nüxü̃ ixugücü ga Tupanaarü ore. Rü name nixĩ i nagu perüxĩnüe nax ñuxãcü mea pepe̱xewa namaxẽxü̃ rü ñuxãcü mea yaxõgüãcüma nayuexü̃. Rü name nax nüxü̃ peyadauxü̃güxü̃ nawa i norü õ rü mea naxrüxü̃ pemaxẽxü̃.

Filipenses 4:9

Rü chanaxwa̱xe i aixcüma nagu pemaxẽ ga yema pexü̃ changúexẽẽxü̃, rü yema pexü̃ namaxã chixucu̱xẽgüxü̃, rü yema chauxü̃tawa nüxü̃ pexĩnüexü̃, rü yema nüxü̃ pedauxü̃ nax chanaxüxü̃. Rü ngẽxguma ngẽmaãcü penaxü̱xgu, rü petanüwa tá nangẽxma ya Tupana ya tamaxã irüngüxmücü rü tüxü̃ taãẽxẽẽcü.

Nüxíraxü̃xü̃ ga popera ga Pedru ümatüxü̃ 5:3

Rü tama name i chixri namaxã ipecua̱x rü penangaãcüma penamu i ngẽma duü̃xü̃gü i pexme̱xwa ngẽxmagüxü̃. Natürü chanaxwa̱xe i mexü̃ i nacüma nüxü̃ pewe̱x.