Biblia Todo Logo
Bib sou entènèt

- Piblisite -




1 Corintios 4:15 - Tupanaarü Ore

15 Rü woo nangẽxmagu i 10,000 i perü ngu̱xẽẽruü̃gü i Cristuchiga pexü̃ ngúexẽẽxü̃, natürü chaxicatama nixĩ i penatü chixĩxü̃ i Tupanaarü orewa. Yerü chaxíra nixĩ ga pemaxã nüxü̃ chixuxü̃ ga Tupanaarü ore i mexü̃, rü chauxü̃tawa nixĩ ga penayaxuxü̃ ga Ngechuchu ya Cristu.

Gade chapit la Kopi




1 Corintios 4:15
25 Referans Kwoze  

Pa Chauxacügüx, wenaxarü ñoma wüxi i mama ngĩxacümaxã ngu̱xnecacürüxü̃ poraãcü pexca̱x ngúxü̃ chinge nax aixcüma mea Cristuaxü̃́ peyaxõgüxü̃ca̱x rü aixcüma naxca̱x nax pemaxẽxü̃ca̱x. Rü ngẽmaãcü tá chixĩ ñu̱xmatáta Cristu naxwa̱xexü̃rüxü̃ pixĩgü i perü maxü̃wa.


Rü choma nixĩ ga Tupana choxü̃ muxü̃ nax chaxíra pemaxã nüxü̃ chixuxü̃ca̱x ga Cristuchiga. Rü togü nixĩ ga chowena yexeraãcü pexü̃ ngúexẽẽxü̃. Natürü guxãma ya texé ya naxǘxe i ñaa puracü rü name nixĩ i taxuãxẽ nax mea tanaxüxü̃ca̱x.


Rü ngẽmaãcü nixĩ i chapuracüxü̃ nax guxü̃wama nanguxü̃ca̱x i ngẽma ore i mexü̃ i tüxü̃ maxẽxẽẽxü̃. Erü chanaxwa̱xe nax choma rü ta choxü̃́ nangẽxmaxü̃ i ngẽma maxü̃ i taguma gúxü̃, naxrüxü̃ i guxü̃ma i ngẽma duü̃xü̃gü i nüxü̃́ yaxõgüxü̃.


Rü ngẽxgumarüxü̃ ta ya yíxema nüxü̃ ixugüxe i ore i tüxü̃ maxẽxẽẽxü̃, rü tórü Cori nüxü̃ nixu rü name nixĩ i tanayauxtanü i ngẽma tümaarü puracü.


Rü ñu̱xma i pemax, rü marü penayauxgü i ngexwaca̱xü̃xü̃ i perü maxü̃. Rü ngẽmaca̱x ñoma ngexwaca pebuexü̃rüxü̃ pixĩgü. Natürü ngẽma maxü̃ rü tama penatü rü peé ya yuewa̱xéxewa nixĩ i penayaxuxü̃. Natürü Tupanaarü ore i maxü̃xü̃ i taguma iyarüxoxü̃wa nixĩ i penayaxuxü̃.


Rü nüma nixĩ ga tüxna naxããxü̃ ga norü ore i aixcüma ixĩxü̃ nax ngẽmaãcü tüxü̃́ nangẽxmaxü̃ca̱x i maxü̃ i taguma gúxü̃. Rü yemaacü nanaxü yerü nanaxwa̱xe nax yixíra nüxü̃́ nax yaxõgüxü̃.


Rü chomatama i Pauru rü cho̱xme̱xmaxãxü̃chi chanaxümatü i ñaa popera. Rü aixcüma chomatama tá cuxü̃́ chanaxütanü. Rü taũtáma cuxna nüxü̃ chacua̱xãchixẽxẽ nax choxü̃́ cunangetanüxü̃ i curü maxü̃ i taguma gúxü̃ i chaugagu Tupanaxü̃tawa cuyaxuxü̃.


Pa Títox, cuma rü chaune quixĩ i Tupanaarü orewa. Rü ñu̱xma rü chauxrüxü̃ cuyaxõ. Rü chanaxwa̱xe i cuxü̃ narüngü̃xẽẽgü rü cuxü̃ nataãẽxẽẽgü ya Tanatü ya Tupana rü Ngechuchu ya Cristu ya tórü Maxẽxẽxẽruxü̃.


Erü yixcüra i duü̃xü̃gü rü taxũtáma nüxü̃ naxĩnüechaü̃ i ngẽma ngu̱xẽẽtae i mexü̃. Erü ngẽma duü̃xü̃gü rü nichixecüma, rü ngẽmaca̱x naxca̱x nadaugü i norü ngúexẽẽruü̃gü i nüma nanaxwa̱xegüxü̃ãcüma nangúexẽẽxü̃.


¿Rü ñu̱xma rü ta̱xacü tá nixĩ i chorü natanü naxca̱x i ngẽma puracü i chaxüxü̃? Rü chorü natanü nixĩ i ngẽma taãxẽ i chayaxuxü̃ i ngẽxguma ngetanüãcüma nüxü̃ chixuxgu i ngẽma ore i tüxü̃ maxẽxẽẽxü̃. Rü ngẽmaãcü woo name nax petanüwa chanayaxuxü̃ i chorü natanü nax ngẽmamaxã chamaxü̃xü̃ca̱x, natürü taguma texéna naxca̱x chaca.


Rü ngẽxguma ngẽma togü i orearü uruü̃gü petanüwa nayauxgügu i ngẽma nüxü̃́ taxuxü̃, rü toma rü yexera name nixĩ i petanüwa tanayaxu i ngẽma toxü̃́ taxuxü̃. Natürü i toma rü tama ngẽmaãcü tanaxü. Erü toma rü guxü̃ i guxchaxü̃maxã taporae nax tama pexü̃́ tanaguxchaxẽẽxü̃ca̱x nax Cristuaxü̃́ peyaxõgüxü̃.


Rü chauxü̃tawa nixĩ ga nüxü̃ pexĩnüexü̃ rü peyaxõgüxü̃ ga Tupanaarü ore ga noxrix. Rü Apóru nixĩ ga pexü̃ rüngü̃xẽẽcü nax yexeraãcü mea peyaxõgüxü̃ ga yema ore. Natürü Tupana nixĩ ga pexü̃ maxẽxẽẽcü.


Rü yemaacü chapuracü nax nüxü̃ chixuxü̃ca̱x i Tupanaarü ore i mexü̃ i ngextá taguma ñuxgu Cristuchigaxü̃ ínaxĩnüexü̃wa ga duü̃xü̃gü. Erü tama chanaxwa̱xe nax marü togü nüxü̃ íxuxü̃wa rü duü̃xü̃gü marü nüxü̃ ícuáxü̃wa nüxü̃ chixuxü̃ i ngẽma ore. Erü tama chanaxwa̱xe i chayoxnie i togüarü puracü.


¿Ẽ̱xna chauxacügü nixĩgü rü ngẽmaca̱x choxü̃ cumuxü̃ nax ñoma õxchanagürüxü̃ chayagagüxü̃ i nawa i ngẽma naane ga nũxcüma torü o̱xigümaxã nüxü̃ quixuxü̃?


Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.


Rü ngẽmaãcü ya yíxema tüxíra duü̃xü̃gümaxã nüxü̃ ixuxe i Tupanaarü ore, rü yíxema wixwena yexeraãcü duü̃xü̃güxü̃ ngúexẽxẽ́xe rü tawüxigumare i ngẽma puracüwa. Natürü ngẽxgumarüxü̃ nax tanaxüxü̃ i ngẽma puracü, rü Tupana rü tá tüxü̃́ nanaxütanü ya wüxichigü.


Rü ñu̱xma nax nüxü̃ chixuxü̃ i ngẽma ore i tüxü̃ maxẽxẽẽxü̃, rü taguma ngẽmaca̱x chaugü chicua̱xüxü̃. Erü woetama ngẽma nixĩ i chorü puracü ga Tupana choxna ãxü̃, rü ngẽmaca̱x taxucürüwama chanangexrü. Erü poraãcü chi chachixexü̃gu i ngẽxguma taxũchima nüxü̃ chixuxgu.


Rü ñu̱xmax, Pa Chauenexẽgüx, rü chanaxwa̱xe i nüxna pecua̱xãchie i ngẽma Tupanaarü ore i tüxü̃ maxẽxẽẽxü̃ ga pemaxã nüxü̃ chixuxü̃. Rü yematama ore nixĩ ga pema peyauxgüxü̃. Rü ñu̱xma rü ngẽmatama oregagu nixĩ i mea peyaxõgüxü̃.


Rü toma rü tama tochigaxü̃tama nixĩ i tixugüxü̃. Natürü nüxü̃ tixu nax Ngechuchu ya Cristu rü tórü Cori yixĩxü̃, rü toma rü Ngechuchugagu perü ngü̃xẽẽruü̃gümare tixĩgüxü̃.


Rü yemaacü ga yema mugü rü tamaxã inacua̱x ñu̱xmata ínangu ga Cristu nax nüxü̃́ yaxõgüxü̃ca̱x rü ngẽmaãcü Tupanape̱xewa imexü̃ca̱x.


Natürü i ñu̱xma nax marü ínanguxü̃ ya Cristu nax nüxü̃́ yaxõgüxü̃ca̱x, rü marü tama ngẽma mugütüü̃wa tangexmagü. Rü ñu̱xma rü marü taxuca̱xma tü̱xcüü̃ tamaxã inacua̱x i ngẽma mugü.


Swiv nou:

Piblisite


Piblisite