1 Corintios 4:14 - Tupanaarü Ore

¹⁴ Tama pexca̱x chanaxümatü i ngẽmachiga nax pexü̃ chaxãneexẽẽxü̃ca̱x. Natürü pexca̱x chanaxümatü nax pexü̃ chixucu̱xẽgüxü̃ca̱x chauxacügürüxü̃ erü pexü̃ changechaü̃.

1 Corintios 4:14 Referans Kwoze

1 Tesalonicenses 2:11

Rü ngẽxgumarüxü̃ ta pema nüxü̃ pecua̱x nax ñuxãcü pexü̃́ tanangúchaü̃xẽẽgüxü̃ rü pexü̃ tataãẽxẽẽgüxü̃ ga wüxichigü ñoma wüxi i papa i naxacügüxü̃ taãẽxẽẽgüxü̃rüxü̃.

Norü tomaepü̱x ga popera ga Cuáü̃ ümatüxü̃ 1:4

Rü ngẽma guxü̃arü yexera namaxã chataãẽxü̃ nixĩ i ngẽxguma nüxü̃ chaxĩnügu nax mea Tupanaarü ore nüxü̃ ixuxü̃ãcüma namaxẽxü̃ i ngẽma yaxõgüxü̃.

1 Corintios 9:15

Natürü i chomax rü taguma ngẽmaãcü chanaxü. Rü ñu̱xma nax pexca̱x chanaxümatüxü̃ i ñaa popera, rü tama ta̱xacü choxna pexãxü̃ca̱x nixĩ. Erü ngẽma nax taguma texéxü̃tawa ta̱xacüca̱x íchacaxaxü̃, rü wüxi i chorü taãxẽ nixĩ. Rü narümemae chi nixĩ nax chayuxü̃ naxü̃pa nax texé choxna nayaxuxü̃ i ñaa taãxẽ i choxü̃́ ngẽxmaxü̃.

1 Corintios 4:15

Rü woo nangẽxmagu i 10,000 i perü ngu̱xẽẽruü̃gü i Cristuchiga pexü̃ ngúexẽẽxü̃, natürü chaxicatama nixĩ i penatü chixĩxü̃ i Tupanaarü orewa. Yerü chaxíra nixĩ ga pemaxã nüxü̃ chixuxü̃ ga Tupanaarü ore i mexü̃, rü chauxü̃tawa nixĩ ga penayaxuxü̃ ga Ngechuchu ya Cristu.

1 Tesalonicenses 5:14

Rü pemaxã nüxü̃ tixu ta nax penaxucu̱xẽgüxü̃ i ngẽma duü̃xü̃gü i oexü̃ i tama puracüechaü̃xü̃. ¡Rü nüxü̃́ penangúchaü̃xẽẽgü i ngẽma duü̃xü̃gü i marü nüxü̃ rüxoechaü̃xü̃ nax yaxõgüãxü̃! ¡Rü nüxü̃ perüngü̃xẽxẽgü i ngẽma duü̃xü̃gü i turaexü̃ i norü õwa! ¡Rü yáxna namaxã pexĩnüe i guxü̃ma i ngẽma taenexẽgü!

Colosenses 1:28

Rü ñu̱xma i toma rü Cristuchiga nixĩ i duü̃xü̃gümaxã nüxü̃ tixuxü̃. Rü toma rü nüxü̃ tacuáãcüma tayaxucu̱xẽgü rü tanangúexẽxẽ i guxü̃ma i duü̃xü̃gü nax Cristugagu yangearü chixexü̃ã́xü̃ca̱x, rü ngẽmaãcü Tupanape̱xewa tanagagüxü̃ca̱x.

2 Corintios 12:19

Bexmana nagu perüxĩnüegu nax ngẽmaãcü tidexagüxü̃ erü togüétüwatama tachogüchaü̃. Natürü tama ngẽmagu tarüxĩnüe. Rü Tupanape̱xewa Cristuégagu pemaxã nüxü̃ tixu i norü ore nax yexeraãcü Tupanaaxü̃́ peyaxõgüxü̃ca̱x rü yexeraãcü mea nax pemaxẽxü̃ca̱x, Pa Toenexẽgü ya Pexü̃ Tangechaü̃güxex.

2 Corintios 11:11

¿Rü ta̱xacüca̱x yixĩxü̃ i ngẽmaãcü chidexaxü̃? ¿Ẽ̱xna pexca̱x rü tama pexü̃ changechaü̃xü̃ca̱x yixĩxü̃ i ngẽmaãcü chidexaxü̃? Dücax, pemaxã nüxü̃ chixu rü Tupana nüxü̃ nacua̱x nax aixcüma pexü̃ changechaü̃xü̃.

2 Corintios 7:3

Rü tama pexü̃ chixuxü̃ca̱x nixĩ i pemaxã nüxü̃ chixuxü̃ i ngẽma. Yerü marü pemaxã nüxü̃ chixu nax guxü̃ i chorü maxü̃nemaxã pexü̃ changechaü̃xü̃. Rü ngẽma pexü̃ nax changechaü̃xü̃gagu rü íchamemare nax wüxigu petanüwa chamaxü̃xü̃ rüe̱xna wüxigu pemaxã chayuxü̃.

1 Corintios 15:34

Rü name nixĩ i mea pegüãẽgu perüxĩnüe rü nüxü̃ perüxoe i ngẽma perü chixexü̃gü. Rü wüxi i perü ãne nixĩ nax pemaxã nüxü̃ chixuxü̃ nax ñuxre i pemax rü tama aixcüma Tupanaxü̃ pecua̱xgüxü̃.

1 Corintios 6:5

Rü pemaxã nüxü̃ chixu i ngẽma ore nax pexãneexü̃ca̱x. ¿Ẽ̱xna tataxuma i petanüwa ya wüxíe ya nüxü̃ cuáxe nax tanamexẽẽxü̃ i ngẽma guxchaxü̃ i petanüwa ngẽxmaxü̃?

Ngechuchuarü ngúexü̃gü ga yamugüxü̃arü puracüchiga 20:31

¡Pegüna pedaugü, rü nüxna pecua̱xãchie nax tomaepü̱x ga taunecügu rü ngunecü rü chütacü taguma íchayachaxãchixü̃ nax chaxauxãcüma pexü̃ chixucu̱xẽgüxü̃ ga wüxichigü!

Echequié 3:21

Natürü i cumax, rü ngẽxguma chi cunaxucu̱xẽgu i ngẽma duü̃xü̃ nax tama chixexü̃ naxüxü̃ca̱x rü nüma rü cuxü̃́ inaxĩnügu nax tama wena chixexü̃ naxüxü̃ rü tá namaxü̃ erü cuga naxĩnü. Rü cuma rü tá ta cumaxü̃ —ñanagürü choxü̃ ga Tupana.

1 Corintios 4:17

Rü ngẽmaca̱x pexü̃tawa chanamu ya Timutéu ya poraãcü nüxü̃ changechaü̃cü. Rü nüma rü chaunerüxü̃ nixĩ i Coriarü puracüwa, rü aixcüma mea nayanguxẽxẽ i guxü̃ma i ngẽma nagu chanamuxü̃. Rü nüma tá pexna nüxü̃ nacua̱xãchixẽxẽ nax ñuxãcü Ngechuchu ya Cristupe̱xewa mea chamaxü̃xü̃ rü mea chanangúexẽẽxü̃ ga yema yaxõgüxü̃ ga natanügu chixũgüxü̃.

2 Tesalonicenses 3:14

Rü ngẽxguma texé tama naga ĩnügu i ñaa ore i poperawa pemaxã nüxü̃ tixuxü̃, rü name i penangugü nax texé tixĩxü̃. Rü tama name i tümamaxã pexãmücü nax taxãneexü̃ca̱x i tümax.

Popera ga Filemúü̃ca̱x naxümatüxü̃ ga Pauru 1:10

Rü ngẽmaca̱x cuxna naxca̱x chaca i wüxi i ngü̃xẽxẽ naxca̱x i chaune i Onéchimu i nua poxcupataü̃wa chauxü̃tawa Cristuxü̃ yaxuxü̃. Rü ngẽmaca̱x i ñu̱xma rü Tupanaarü orewa rü chaune nixĩ.

Nüxíraxü̃xü̃ ga popera ga Cuáü̃ ümatüxü̃ 2:1

Pa Chauxacügüx, pexca̱x chanaxümatü i ñaa ore nax tama pecadu pexügüxü̃ca̱x. Natürü ngẽxguma chi wüxíe pecadu uxgu, rü Tupanape̱xewa tüxü̃́ nangẽxma ya tümaarü chogüruxü̃. Rü yimá nixĩ ya Ngechuchu ya Cristu ya aixcüma mecü ixĩcü.