1 Corintios 4:12 - Tupanaarü Ore

¹² Rü tipae nax yeü̃cürü toxme̱xmaxã tapuracüexü̃. Rü duü̃xü̃gü rü chixexü̃ tomaxã nixugüe, natürü i toma rü mexü̃ i oremaxã tanangãxü̃gü. Rü towe ningẽxü̃tanü, natürü yáxna namaxã taxĩnüe.

1 Corintios 4:12 Referans Kwoze

Nüxíraxü̃xü̃ ga popera ga Pedru ümatüxü̃ 3:9

Rü ngẽxguma texé chixexü̃ pexca̱x üxgu, rü tama name i pema rü ta chixexü̃ tümaca̱x pexü. Rü ngẽxguma texé pemaxã guxchigagu, rü tama name i pema rü ta tümamaxã peguxchiga. Natürü name nax mexü̃ tümamaxã pexueguxü̃, erü Tupana pexü̃ nade nax mexü̃ pemaxã naxueguxü̃ca̱x.

Ore i mexü̃ ga Matéu ümatüxü̃ 5:11

¡Petaãẽgü ngẽxguma chaugagu duü̃xü̃gü chixexü̃ pemaxã ixugüegu, rü chixri pemaxã inacua̱xgügu, rü guxü̃raxü̃xü̃ i dora pechigaxü̃ yaxugüegu!

Romanos 12:14

Rü ngẽxguma chi texé chixexü̃ pexca̱x ínguxẽẽgu, rü name nixĩ i tümaca̱x peyumüxẽgü. Rü name nixĩ i Tupanana tümaca̱x peca nax tüxü̃ nangü̃xẽẽxü̃ca̱x rü tama tüxü̃ napoxcuxü̃ca̱x.

Romanos 12:20

Rü ngẽxguma ta̱xacürü chixexü̃ cuxca̱x ínguxẽẽgu i togü, rü name nixĩ i nagu quixũ i Tupanaarü ore i ñaxü̃, “Ngẽxguma curü uanü taiya̱xgu, ¡rü nachibüxẽxẽ! Rü ngẽxguma yata̱xawagu, ¡rü naxaxexẽxẽ! Erü ngẽxguma ngẽmaãcü cunaxü̱xgu, rü tá cunaxãnexẽxẽ”, ñaxü̃.

Ngechuchuarü ngúexü̃gü ga yamugüxü̃arü puracüchiga 18:3

Rü nüma ga Pauru rü Aquírarüxü̃ rü Prichírarüxü̃ nüxü̃ nacua̱x nax naxchirunaxca̱x ga düxenüarü üwa napuracüxü̃. Rü yemaca̱x ga Pauru rü naxü̃tagu narüxã̱ũ̱x nax wüxigu nügümaxã napuracüexü̃ca̱x.

Ore i mexü̃ ga Luca ümatüxü̃ 6:28

¡Rü naxca̱x ípeca i Tupanaarü ngü̃xẽxẽ naxca̱x i ngẽma pemaxã guxchigagüxü̃! ¡Rü naxca̱x peyumüxẽgü i ngẽma chixri pechiga idexagüxü̃!

Nüxíraxü̃xü̃ ga popera ga Pedru ümatüxü̃ 3:14

Natürü ngẽxguma chi mexü̃ nax pexügüxü̃ca̱x ngúxü̃ pingegügu, ¡rü petaãẽgü i pema! ¡Rü taxuca̱xma texéxü̃ pemuü̃e, rü bai ta̱xacüca̱x peba̱i̱xãchiãxẽgü!

Nüxíraxü̃xü̃ ga popera ga Pedru ümatüxü̃ 2:23

Rü yexguma duü̃xü̃gü chixexü̃ namaxã ixugüegu, rü nüma rü taxuxü̃ma ga chixexü̃maxã nanangãxü̃. Rü yexguma ngúxü̃ nüxü̃ yangexẽẽgügu, rü nüma rü tama ta̱xacürü chixexü̃maxã nanaxãũxü̃ne. Natürü nüma ga Cristu rü nügü inaxã nüxna ya Tupana ya mea nangugücü i guxü̃ma i duü̃xü̃güarü maxü̃.

Ore i mexü̃ ga Luca ümatüxü̃ 23:34

Rü yexguma Ngechuchuxü̃ curuchawa íyapotagüyane, rü ñanagürü ga Ngechuchu: —Pa Chaunatüx, ¡nüxü̃ nangechaü̃ i ñaa duü̃xü̃gü, erü tama nüxü̃ nacua̱xgü nax ta̱xacürü chixexü̃ naxüexü̃! —ñanagürü. Rü yema churaragü rü nanade ga Ngechuchuchiru. Rü ñu̱xũchi wüxi ga diẽru ngĩxü̃ nañanagügü nax yemawa nüxü̃ nacua̱xgüxü̃ca̱x nax texéarü tá yixĩxü̃ ga yema Ngechuchuchiru.

Ore i mexü̃ ga Matéu ümatüxü̃ 5:44

Natürü i choma rü pemaxã nüxü̃ chixu rü: ¡Nüxü̃ pengechaü̃ i perü uanügü! ¡Rü naxca̱x peyumüxẽ i ngẽma duü̃xü̃gü i chixexü̃maxã pewe ingẽxü̃tanüxü̃!

Ngechuchuarü ngúexü̃gü ga yamugüxü̃arü puracüchiga 7:60

Rü yemawena rü inacaxã́pü̱xü, rü tagaãcü aixta naxü, rü ñanagürü: —Pa Cori Pa Tupanax, ¡Taxṹ i ñaa pecaduca̱x cunapoxcuexü̃ i ñaa duü̃xü̃gü! —ñanagürü. Rü yexguma yema ñaxguwena rü nayu.

Ore i mexü̃ ga Cuáü̃ ümatüxü̃ 15:20

¡Nüxna pecua̱xãchie ga pemaxã ñachagu: “Taxuxü̃ma i wüxi i coriarü duü̃xü̃ rü norü coriétüwa nügü nangẽxmaxẽxẽ”, ñachagu! Rü yema nax chauxchi nax naxaiexü̃, rü pexchi rü tá ta naxaie. Rü yexguma chi chauga naxĩnüegu rü ñu̱xma rü chi ta pega naxĩnüe.

Popera ga Yúda ümatüxü̃ 1:9

Rü ngẽma duü̃xü̃gü i naechitamare idexagüxü̃ rü tama Tupanaarü orearü ngeruxü̃ ga Miguérerüxü̃ nügüna nadau i norü orewa. Rü gumá Miguére rü woo guxü̃ i Tupanaarü orearü ngeruü̃gü i daxũcüã̱xarü ãẽ̱xgacü nax yixĩxü̃, natürü tama Chatanámaxã naguxchiga ga yexguma Moichéxü̃neca̱x yéma nügümaxã yaporagatanücüüxgu. Natürü nüma ga Miguére rü ñanagürümare: “Cori ya Tupana tá cuxü̃ nanga”, ñanagürümare.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:10

Rü ngẽmaca̱x nixĩ i ipuracüexü̃ rü yigü iporaãẽxẽẽxü̃ nax nüxü̃ ixuxü̃ca̱x i ngẽma ore i mexü̃, erü nüxü̃́ tayaxõgü ya tórü Tupana ya Maxü̃cü ya guxãarü Maxẽxẽẽruxü̃ ixĩcü, rü yexera ngẽma nüxü̃́ yaxõgüxü̃arü ixĩcü.

2 Tesalonicenses 3:8

Rü toma rü taguma texéarü õna ngetanüãcüma tangõ̱x. Natürü ngunecü rü chütacü rü torü õnaca̱x tapuracüe nax tama wüxi ga guxchaxü̃ pexü̃́ tixĩgüxü̃ca̱x.

1 Tesalonicenses 2:9

Pa Chauenexẽgüx, pema rü nüxna pecua̱xãchie nax ñuxãcü poraãcü tapuracüexü̃ nax torü õnaca̱x tataxegüxü̃ca̱x ga yexguma petanüwa tayexmagügu. Rü ngunecü rü woo chütacü tapuracüe nax taxúeãxü̃ma wüxi ga guxchaxü̃ tixĩgüxü̃ca̱x ga yexguma petanüwa pemaxã nüxü̃ tixuxgu ga Tupanaarü ore.

1 Corintios 9:6

¿Rü ẽ̱xna pema nagu perüxĩnüegu rü choma rü Bernabéxicatama i tama namexü̃ nax toxü̃ perüngü̃xẽẽgüxü̃ ngẽma togü i orearü uruü̃güxü̃ nax perüngü̃xẽẽgüxü̃rüxü̃?

Ngechuchuarü ngúexü̃gü ga yamugüxü̃arü puracüchiga 20:34

Rü pematama mea nüxü̃ pecua̱x nax daa cho̱xme̱xmaxã chapuracüxü̃ naxca̱x ga yema choxü̃́ taxuxü̃ rü chomücügüaxü̃́ taxuxü̃.

Nüxíraxü̃xü̃ ga popera ga Pedru ümatüxü̃ 4:19

Rü ngẽmaca̱x ya yíxema Tupana naxwa̱xexü̃ãcüma ngúxü̃ ingegüxe, rü name nixĩ nax mexü̃ taxügüechaxü̃ rü Tupana ya tüxü̃ ücüme̱xẽgu nax tanaxüxü̃ i tümaarü maxü̃ nax nüxna tüxü̃́ nadauxü̃ca̱x. Erü nüma ya Tupana rü mecü nixĩ rü nayanguxẽxẽ i ngẽma tümamaxã inaxunetaxü̃.

Romanos 8:35

¿Rü ñu̱xma rü ta̱xacü tá Cristuna tüxü̃ ixĩgachixẽẽxü̃ nax tama tüxü̃ nangechaü̃xü̃ca̱x? Rü Cristu rü taxũtáma nüxü̃ narüchau nax tüxü̃ nangechaü̃xü̃ woo ngúxü̃ ingegügu, rüe̱xna guxchaxü̃gü tüxü̃́ ngẽxmagu, rüe̱xna duü̃xü̃gü Cristugagu taxchi aiegu, rüe̱xna itaiyaegu, rüe̱xna ingexchirugügu, rüe̱xna ãũcümaxü̃wa ingẽxmagügu, rüe̱xna duü̃xü̃gü tüxü̃ daixchaü̃gu.

2 Corintios 11:8

Rü aixcüma nixĩ nax yema togü ga yaxõgüxü̃tanüwa ngĩxü̃ chayaxuxü̃ ga yema diẽru ga choxna ngĩxü̃ naxãgücü nax yemamaxã petanüwa chapuracüxü̃ca̱x rü pexü̃ charüngü̃xẽẽxü̃ca̱x.

Efesios 4:28

Rü ngẽxguma texé petanüwa ngĩ́ta̱a̱xgu, rü name nixĩ i nüxü̃ tarüxo i ngẽma. Rü name i tümame̱xẽmaxã mea tapuracü nax ngẽmaãcü tüxü̃́ nangẽxmaxü̃ca̱x i tümaarü diẽru nax toguxe ya tüxü̃́ nataxúxemaxã tangauxü̃ca̱x.