1 Corintios 4:10 - Tupanaarü Ore

¹⁰ Rü ñu̱xma rü Cristugagu taxuxü̃ma icuáxü̃ toxü̃ nawogü i duü̃xü̃gü, natürü i pema rü Cristugagu pegu narüxĩnüe nax duü̃xü̃gü i nüxü̃ icuáxü̃ pixĩgüxü̃. Rü duü̃xü̃güca̱x rü taturae, natürü i pema rü peporae. Rü duü̃xü̃gü toxü̃ naxo, natürü i pema rü pexü̃ nangechaü̃gü.

1 Corintios 4:10 Referans Kwoze

1 Corintios 2:3

Rü yexguma petanüwa chayexmagu rü cha̱u̱xca̱x rü nataxuma ga chorü pora rü pepe̱xewa chorü muü̃maxã chidu̱xrux.

Ngechuchuarü ngúexü̃gü ga yamugüxü̃arü puracüchiga 26:24

Rü yexguma yemaacü nügüétüwa yadexaxgu ga Pauru, rü ñanagürü ga Féstu tagaãcüma: —Cungẽãxẽmare Pa Paurux. Rü ngẽma nax yeü̃cürü cungúechaü̃, rü düxwa nawa cungeãxẽ —ñanagürü.

Ngechuchuarü ngúexü̃gü ga yamugüxü̃arü puracüchiga 17:18

Rü nayexmagü ta ga ñuxre ga yatügü ga Epicúriugüarü ngu̱xẽẽtaewa ngúexü̃, rü togü ga Etóicugüarü ngu̱xẽẽtaewa ngúexü̃. Rü nümagü rü inanaxügüe ga Paurumaxã nax yanaxutagagüxü̃. Rü ñuxre ga nümagü rü ñanagürügü: —¿Rü ta̱xacü nixĩ i nüxü̃ yaxuxü̃ i ñaa yatü i idexaechamarexü̃? —ñanagürügü. Rü togü nanangãxü̃gü, rü ñanagürügü: —Maneca wüxi i to i nachixü̃anecüã̱xarü tupanagüarü orearü uruxü̃ nixĩ —ñanagürügü. Rü yemaacü nidexagü ga yema duü̃xü̃gü, yerü Pauru rü nüxü̃ nixu ga ore ga mexü̃ ga Ngechuchuchiga rü wena nax namaxü̃xü̃chiga.

Nüxíraxü̃xü̃ ga popera ga Pedru ümatüxü̃ 4:14

Rü ngẽxguma Cristuaxü̃́ nax peyaxõgüxü̃gagu texé pemaxã guxchigagu, rü name nixĩ i petaãẽgü. Erü ngẽmaãcü nüxü̃ pecua̱x nax Tupanaãxẽ ya Üünecü rü pewa nax nangẽxmaxü̃.

2 Corintios 13:9

Rü toma rü tataãẽgü ega woo taturaegu nax pema peporaexü̃ i perü maxü̃wa. Rü Tupanana tá naxca̱x tacaama nax pexü̃ naporaexẽẽxü̃ca̱x i perü maxü̃wa nax aixcüma mexü̃ i norü duü̃xü̃gü pixĩgüxü̃ca̱x.

1 Corintios 3:18

Tama name i texé tügütama tawomüxẽxẽ. Rü ngẽxguma petanüwa texé tügügu rüxĩnügu nax aixcüma nüxü̃ tacuáxü̃ i ñoma i naanearü cua̱x, rü name nixĩ i ñoma taxuxü̃ma tacuáxü̃rüxü̃ tügü tixĩxẽxẽ. Rü ngẽxguma tá nixĩ i wüxi i duü̃xü̃ i aixcüma nüxü̃ cuáxe tixĩxü̃.

1 Tesalonicenses 4:8

Rü ngẽmaca̱x ega texé tama naga ĩnügu i ñaa ngu̱xẽẽtaegü, rü tama wüxi i duü̃xü̃ga nixĩ i tama taxĩnüxü̃, natürü Tupanagatama nixĩ i tama taxĩnüxü̃. Rü gumá nixĩ ga pexna namucü ga Naãxẽ ya Üünexü̃.

2 Corintios 11:29

Rü ngẽxguma chi texé taturagu, rü choxü̃́ rü ta nangu̱x. Rü ngẽxguma chi wüxíe texéxü̃ pecadugu nguxẽẽgu, rü chauãẽwa nangu̱x i ngẽma.

2 Corintios 11:19

Pema rü peãẽxü̃ pecua̱x, natürü taãẽãcüma yáxna namaxã pexĩnüe i ngẽma orearü uruü̃güneta.

2 Corintios 10:10

Rü nangẽxma i duü̃xü̃gü i nüxü̃ nixugüxü̃ nax chorü poperawaxicatama pexü̃ íchabaixgüxü̃, natürü ngẽxguma pexü̃tawa changexmagu rü taxúexü̃ma ichabáixgü nax chauga taxĩnüxü̃ca̱x, ñaxü̃maxã choxü̃ nixugüe.

1 Corintios 10:12

Rü ngẽmaca̱x ya yíxema tügügu rüxĩnüxe nax tamexü̃, rü name nixĩ nax mea tügüna tadauxü̃ nax tama chixexü̃gu tanguxü̃ca̱x.

1 Corintios 4:8

Rü pegügu perüxĩnüegu rü marü pexü̃́ nangẽxma i guxü̃ma i penaxwa̱xexü̃ nax Tupanape̱xewa pimexü̃ca̱x. Rü pegügu perüxĩnüegu rü ñoma ãẽ̱xgacügü i taxü̃rüxü̃ pixĩgü, rü taxuxü̃ma i ngü̃xẽxẽ toxü̃tawa penaxwa̱xe. ¡Chierüx aixcüma Tupanape̱xewa ãẽ̱xgacügü pixĩgügu nax toma rü ta wüxigu pemaxã ãẽ̱xgacügü nax tixĩgüxü̃ca̱x!

1 Corintios 3:2

Rü tauxchaxü̃ ga oremaxã pexü̃ changúexẽxẽ, ngẽxgumarüxü̃ i wüxi i õxchana ega noxri nabuxgu rü naégünenixü̃ ya tauxchaãcü yaxaxü̃ne nüxna taxã. Rü yemaacü tauxchaxü̃ ga oremaxã pemaxã nüxü̃ chixu ga Tupanaarü ore ga noxrix, yerü taxucürüwa nüxü̃ pecua̱xéga ga Tupanaarü ore ga yexera guxchaxü̃. Rü ñu̱xma rü ta tama nüxü̃ pecua̱xéga i ngẽma Tupanaarü ore i yexera guxchaxü̃, erü ñoma tama yaxõgüxü̃rüü̃tama pemaxẽ. Rü dücax, ñu̱xma nax pixãũxãchiwa̱xegüxü̃ rü pegümaxã penuexü̃, rü ngẽmawa nango̱x nax ngẽma tama mea yaxõgüxü̃rüü̃tama pemaxẽxü̃ rü ñoma i naanecüã̱x nagu rüxĩnüexü̃ãcütama penaxüxü̃.

1 Corintios 2:14

Rü texé ya tama Tupanaãxẽ ya Üünecü tümawa ngẽxmaxẽ, rü taxucürüwa tanayaxu i ngẽma Tupanaãxẽ ya Üünecü tüxü̃ ngu̱xẽẽxü̃, erü tümaca̱x ya yíxema duü̃xẽ rü natüca̱xmamare nixĩ. Rü tama nüxü̃ tacua̱xéga erü yíxema Tupanaãxẽ ya Üünecü tümawa ngẽxmaxẽxicatama tixĩ ya nüxü̃ cuáxe nax tanangugüxü̃ nax ta̱xacüchiga yixĩxü̃ i ngẽma Tupanaãxẽ ya Üünecü tüxü̃ ngu̱xẽẽxü̃.

Ngechuchuarü ngúexü̃gü ga yamugüxü̃arü puracüchiga 17:32

Rü yexguma yema nax wena namaxẽxü̃chigaxü̃ naxĩnüegu ga duü̃xü̃gü, rü ñuxre ga nümagü rü Pauruxü̃ nacugüe. Natürü ga togü rü ñanagürügü: —To i ngunexü̃gu tá wena cuxü̃́ itarüxĩnüe i ngẽmachiga —ñanagürügü.

Ngechuchuarü ngúexü̃gü ga yamugüxü̃arü puracüchiga 9:16

Rü choma tá nüxü̃ nüxü̃ chadauxẽxẽ i ñuxre i ngúxü̃ tá cha̱u̱xca̱x yangexü̃ —ñanagürü ga Cori.

Ore i mexü̃ ga Luca ümatüxü̃ 18:9

Rü Ngechuchu rü nüxü̃ nixu ga ñaa ore nachiga ga yema duü̃xü̃gü ga nügü írümegünetaxü̃ rü tama togüxü̃ cuáxchaü̃güxü̃.

Ore i mexü̃ ga Luca ümatüxü̃ 10:16

Rü ñu̱xũchi norü ngúexü̃güxü̃ ñanagürü: —Rü yíxema pega ĩnüexe, rü chauga rü ta taxĩnüe. Natürü yíxema tama pega ĩnüexe, rü chauga rü ta tama taxĩnüe. Rü yíxema tama chauga ĩnüexe, rü tama naga taxĩnüe ya Chaunatü ya núma choxü̃ mucü —ñanagürü ga Ngechuchu.

Ore i mexü̃ ga Luca ümatüxü̃ 6:22

¡Rü petaãxẽgü i pemax i ngẽxguma duü̃xü̃gü pexchi aiegu, rü pexü̃ ínawoxü̃gu, rü chixexü̃ pemaxã yaxugüegu, rü Tupana Nane ya duü̃xü̃xü̃ ixĩcügagu chixri pechiga yadexagügu!

Ore i mexü̃ ga Matéu ümatüxü̃ 24:9

Rü ngẽxguma i perü uanügü rü tá pexü̃ ínayauxü̃ nax pexü̃ yacua̱i̱xgüxü̃ca̱x rü pexü̃ nada̱i̱xü̃ca̱x. Rü guxü̃ma i duü̃xü̃gü rü tá chaugagu pexchi naxaie.

Ore i mexü̃ ga Matéu ümatüxü̃ 5:11

¡Petaãẽgü ngẽxguma chaugagu duü̃xü̃gü chixexü̃ pemaxã ixugüegu, rü chixri pemaxã inacua̱xgügu, rü guxü̃raxü̃xü̃ i dora pechigaxü̃ yaxugüegu!

Ochéa 9:7

Pa Iraéanecüã̱xgüx, marü nawa nangu i ngẽma ngunexü̃gü nax Tupana pexü̃ napoxcuexü̃ naxca̱x i perü chixexü̃gü i taxüchixü̃. Rü pemax, Pa Iraéanecüã̱xgüx, rü tá nüxü̃ pecua̱x nax marü pexca̱x ínanguxü̃ i ngẽma perü poxcu. Pema rü ñaperügügü: “Ngẽma orearü uruxü̃ rü nangeãxẽmare, rü tama naãxẽxü̃ nacua̱x”, ñaperügügü. Natürü ngẽmaãcü pidexagü erü perü chixexü̃maxã penapagü rü poraãcü naxchi pexai ya yimá orearü uruxü̃.

Ichaía 53:3

Rü duü̃xü̃gü rü tama nüxü̃ nacua̱xgüchaü̃, rü nüxü̃ naxoe. Rü nüma rü wüxi ga duü̃ ga poraãcü ngúxü̃ ingecü nixĩ, rü namaxã nixü nax ngúxü̃ yangexü̃. Rü yixema rü tama nüxü̃ tadaugüchaü̃ rü ñoma wüxi i duü̃xü̃ i taxuwama mexü̃rüxü̃ tayaxĩxẽxẽ. Rü yemaacü nüxü̃ taxoe rü tama tanayauxgüchaü̃.

Ucu̱xẽgüchiga 11:12

Ngẽma tama naãẽxü̃ cuáxü̃ rü chixri namücüchiga nidexa, natürü yíxema tümaãẽxü̃ cuáxe rü tachianemare.

Norü taxre ga popera ga ãẽ̱xgacügüchiga 9:11

Rü yexguma nüma ga Yeú rü nataegu naxca̱x ga yema ãẽ̱xgacüarü churaragüerugü ga namaxã ínangutaque̱xexü̃wa. Rü nüma ga yema togü ga churaragüerugü rü Yeúna nacagü rü ñanagürügü: —¿Ta̱xacü nanaxwa̱xe i ngẽma ngeãẽmarexü̃? ¿Ta̱xacüwa nua naxũ? —ñanagürügü. Rü yexguma nüma ga Yeú rü nanangãxü̃ rü ñanagürü: —Pema rü marü nacümaxü̃ pecua̱x nax nüma rü naechitamare yadexaxü̃ —ñanagürü.

1 Corintios 1:21

Natürü nüma ya Tupana ya guxü̃xü̃ma cuácü, rü tama nanaxwa̱xe nax ñoma i naanecüã̱x i duü̃xü̃güarü cua̱xgagu nax yixĩxü̃ i naxü̃tawa nangugüxü̃ i nümagü. Natürü nanaxwa̱xe nax ngẽma norü ore i mexü̃gagu nax yixĩxü̃ inamaxẽxẽẽãxü̃ i ngẽma duü̃xü̃gü i yaxõgüxü̃ woo ngẽma togü i duü̃xü̃güca̱x rü natüca̱xmamare yixĩxgu i ngẽma ore.

1 Corintios 1:23

Natürü ngẽma ore i toma nüxü̃ tixuxü̃, rü Cristu ga curuchawa ipotacüchiga nixĩ. Rü ngẽma ore rü naãxẽwa nangu̱x i ngẽma Yudíugü. Rü ngẽma duü̃xü̃gü i tama Yudíugü ixĩgüxü̃ca̱x rü wüxi i natüca̱xmamare nixĩ.

1 Corintios 1:25

Rü yema Tupana üxü̃ ga yexguma nayu̱xgu ga Cristu rü duü̃xü̃güca̱x rü wüxi i ngeãẽmare nixĩ. Natürü ngẽma Tupana nagu rüxĩnüxü̃ rü guxü̃ma i ñoma i naanecüã̱x i duü̃xü̃güarü cua̱xarü yexera nixĩ. Rü yexguma curuchagu nayu̱xgu ga Cristu rü duü̃xü̃güca̱x rü natura ga Tupana ga yexguma. Natürü yexguma nixĩ ga inawéãxü̃ nax duü̃xü̃güarü yexera naporaxüchixü̃.

2 Corintios 6:8

Rü duü̃xü̃gü rü ñuxguacü toxü̃ nicua̱xüü̃gü, rü ñuxguacü rü chixexü̃ tomaxã nixugüe. Rü ñuxguacü rü mea tochiga nidexagü, rü ñuxguacü rü chixri tochiga nidexagü. Rü ñoma dorata̱xáxü̃ toxü̃ nawogü, woo aixcüma yixĩxgu i ngẽma ore i nüxü̃ tixugüxü̃,

2 Corintios 4:12

Rü ngẽmaãcü yuwa tangexmagü, natürü i pema rü maxü̃ i taguma gúxü̃wa pengẽxmagü.